Daniel 2:9 - KITAWO MALEŊ

⁹ Ka wikiwaco ran lek no, nitie nyaka or acel riwin. Witieko yerok luwo wac twodo kodi banirok cuka hongo owire. Riameno wac ran win lek no, aka nyaka aŋey ni winyalo tito dwoŋ mere.”

Daniel 2:9 ပူးပေါင်းရင်းမြစ်များ

1 Kerin 22:22

Rwoth openjo ni, ‘Ibino wondo go nedi?’ Cuny pa Rwoth odwoko ni, ‘Abino kidho t'amiyo jotuci wac Were pa Ahab je waco twodo.’ Kenyo Rwoth owaco ni, ‘Kadhi iwondi go, ibino nyalo.’ ”

1 Kerin 22:6

Ameno Ahab olwoŋo jotuci wac Were je 400 aka openjo jo ni, “Akadhi amonji Ramoth, kosa be?” Joje jodwoko ni, “Kadhi imonji, Rwoth bino miyin loyo.”

Esita 4:11

“Kisi nyatoro je oŋeyo cik ma Pasia ni nyatoro moro ma kidho bongi kere mafodi kere won k'olwoŋo go iripo neko. Ka k'obedo ameno, nitie nyaka yo acel kende ma both cik no; meno nyaka ka kere onyutho ŋato luth pere aka nyaka ŋato both. To wok cuka kere lwoŋan kidho bongi, otieko kadho hongo ma romo dwe acel.”

Agecin 12:19

Dhok jo ma genere yindira cil gi cil, to dhok jo ma twodo bedo nyaka hongo macek.

Isaya 41:23

Jowotuci riwan gima labino yuwiye, ŋey wanyal ŋeyo ni wibedo werin, ma jonyalo timo bero, kosa timo teko, ŋey wanyal bedo gi lworo to wakirin.

Isaya 44:25

ma mieno amien pa jotwodo, gi ma miŋo jor'ajwoka; go ma dwoko cen jomariek, to loko ŋeyo pajo miŋo.

Ezekiel 13:17

“Aka in, wod dhano, com waŋin kwoŋ mon pa ji perin, ma jotuco wac wok i paro pajo, aka ituci wac Were kwoŋ jo.

Ezekiel 13:19

Witieko nyeko nyingan i dier ji paran ri masi bale kodi muma mugat. Wiwaco ri ji twodo ma jomito winjo to wikelo tho ri ji ma jokiripi tho, aka ji ma joripo tho wiweyo jokwo.”

Ezekiel 13:6

Ongoye gima jotieko neno aka jotuco wac twodo, ka jowaco ni me a gima Rwoth waco, to Rwoth ama k'ooro jo. Kucel jokuro ni wac pajo wotundi i kare.

Daniel 2:16

Onyo Daniel okidho bongi kere to kwayo nike womiy go hongo mogo, ŋey wonyali tito ri kere dwoŋ ma lek pere.

Daniel 2:21

Go wiro hongo kodi ndir, kwanyo woko kerin aka ketho man, miyo rieko ri jomariek, kodi ŋeyo ri joma niaŋ.

Daniel 2:8

Kere owaco ni, “Aŋeyo maber swa nike witemo nyeko sawa, kwoŋbedo wiŋeyo ni atieko ridho paro paran.

Daniel 3:15

Onyo ka wiyikere ka wiwinjo dwondi tungi ogwaŋ, milowe, dingidi, dongo, tongol, bul, kodi nger gi wer je, podho piny lamo cal m'atimo; meno ber. To ka wikilamo ilabolo win i mac m'okur gi sawa no won; aka were mene no ma labotho win wok i cingan?”

Daniel 5:28

PERES nyutho ni ker perin otiakere aka omiy Jomedes kodi Jopasia.”

Daniel 5:31

Dario Jamedes am'olunjo ker munyo oyido jaoro cegin piero aucel g'ario.

Daniel 7:25

Go laluwo wac madongo kwoŋ Jamalo Swa, to paro wiro hongo kodi cik; aka ilamiyo i cingi go cuka oro gi oro kodi adec oro.

2 Jokorintho 2:17

Wakical jomathoth man, ma jooro mikwenda pa Were ma nwaŋ'iye lim; to rupiri Were ooro wan, waluwo g'adieri ruwaŋ go, paka jotic pa Kristo.