Daniel 2:48 - KITAWO MALEŊ

⁴⁸ Kere omedo Daniel dwoŋ, omiyo go mic madongo, aka oketho go bedo jadhum ma Babilon kodi bedo jadwoŋ pa cwo ma joriek je i Babilon.

Daniel 2:48 ပူးပေါင်းရင်းမြစ်များ

2 Samwiri 19:32

Barzilay oyido oti swa, aka jaoro piero aboro. Go oyido oŋaŋ swa, aka oyido bin miyo kere cemo munyo kere oyido bedo Mahanayim.

2 Kerin 5:1

Naman, jamituka pa jolweny ma Siria oyido obedo ŋata kere ma Siria miyo dwoŋ swa aka woro, kwoŋbedo luwo kwoŋ Naman Rwoth oyido omiyo jolweny ma Siria loyo. Go oyido obedo jalweny madwoŋ, to oyido two dhowo.

Yobu 1:3

Go oyido nitie gi rombo 7,000 ŋamin 3,000 dhok 1,000 punde 500 kodi ŋecin kweth. Go am'oyido obedo jaŋaŋo loyo ji je ma yuwok ceŋ.

Yeremia 5:5

Weyi akidhi ri jomadongo aka aluw gi jo; adieri joŋeyo royo pa Rwoth, cik pa Were pajo.” To jo bende oyido jotieko turo majogi, oyido jotieko yeco woko gima riwo wan.

Daniel 2:6

To ka wiwaco ran lek kodi dwoŋ mere, alamiyo win mic, kemba kodi wor madwoŋ. Riameno wac ran win lek kodi dwoŋ mere.”

Daniel 3:1

Kere Nebukadineza otimo cal ma zahabu ma mita piero adek i boro kodi mita adek i laco; go oketho kam'obipere ma Dura i Babilon.

Daniel 3:12

To nitie Joyuda m'iketho jo i tel i Babilon: Sadirak, Misaki, kodi Abedinego. Jo jokiluwi or perin, Awi Kere. Jokilam werin perin kosa cal ma zahabu m'itimo.”

Daniel 3:30

Kenyo kere omedo Sadirak, Misaki, kodi Abedinego dwoŋ iy'adec ma Babilon.

Daniel 4:6

Ameno amiyo or ni wokel cwo mariek je i Babilon ruwaŋan ŋey jowonyal waco ran dwoŋ ma lek no.

Daniel 4:9

Beltesazar, jadwoŋ pa cwo mariek, aŋeyo paka cuny pa Were maleŋ nitie kwoŋin, aka ongoye nyaliŋliŋ matek rin, wac ran dwoŋ ma lek me.

Daniel 5:11

Nitie i ker perin jal ma cuny pa Were maleŋ nitie kwoŋe. I hongo pa benin onwaŋ nike go nitie gi lero, niaŋ kodi rieko paka rieko pa werin. Aka benin Nebukadineza oketho go bedo jadwoŋ pa jondijo ma joneno gima latimere, jondijo ma timo gir'aura, Jokaldin kodi jothieth.

Daniel 5:16

To atieko winjo nike inyalo tito dwoŋ ma gimoro kodi thango gim'opanere. Onyo ka inonyal kisoma ndiko me, kodi tito dwoŋ mere, ilaruko rin nanga manyarangi ariŋo kodi thiwino ma zahabu i ŋutin, aka ilabedo jadhum mar'adek i ker.”

Daniel 5:29

Belsazar omiyo or aka oruki ri Daniel nanga manyarangi ariŋo kodi thiwino ma zahabu i ŋute to langa nike go obedo jadhum mar'adek i ker.

Daniel 5:7

Kere oywaki malo ni wokel jondijo ma jotimo gir'aura, Jokaldin, kodi jothieth. Kere owaco ri cwo mariek ma Babilon ni, “Ŋata nyalo kisoma kodi tito dwoŋ ma ndiko me ilaruko go gi law manyarangi ariŋo, thiwino ma zahabu i ŋute, aka labedo dhano mar'adek i dwoŋ i ker.”

Daniel 8:27

An Daniel anyocere, aka abedo matwo ma ndelo mogo; kenyo aay malo timo tic pa kere. To oyido adhier gi menyirok, aka akiniaŋ kwoŋe.

Kwan 24:11

Riameno kadhi, dok peco! Oyido awaco miyin kemba madwoŋ, to Rwoth ogeŋin limo.”

1 Samwiri 17:25

Jolweny pa Joisiraili to jowaco ni, “Neni go! Winji cay pere! Kere mawan owaco ni nyatoro m'oneki go, kere Saulo bino culo go ŋaŋo kweth; aka ŋato bino nywomo nyar kere acel aka jopeco pere jokibino culo misolo.”

1 Samwiri 2:8

Go tiŋo malo jocandi wok i fukefuke aka tiŋo jocandi wok i kumo pajo. Go ketho jo bedo kanyacel gi wot kere aka ketho jo i kabedo madwoŋ. Kindi piny obedo apa Rwoth; aka go ogeto piny gibe i wiye.

1 Samwiri 25:2

To bedo jacwo m'ilwoŋo ni Nabal janono Kaleb, m'oyido wok i tindi Mayon, aka nitie gi lowo cegin gi tindi Kamel. Go oyido obedo jal m'oŋaŋ swa; aka nitie gi rombo 3,000 kodi diegi 1,000. Cege oyido ilwoŋo ni Abigayili, aka oyido obedo dhako mariek. To Nabal oyido obedo jagwondo, aka kikur nge pere. Nabal oyido thumo rombo pere Kamel.