Daniel 2:47 - KITAWO MALEŊ

⁴⁷ Kere owaco ri Daniel ni, “Adieri Were perin obedo Were pa werin je aka nyutho nyaliŋliŋ, kole inyalo tuco nyaliŋliŋ me!”

Daniel 2:47 ပူးပေါင်းရင်းမြစ်များ

Cakirok 41:39

Ameno Farawo owaco ri Yozefu ni, “Paka Were otieko nyuthin gime je, ongoye ŋati ma neno yuwaŋe aka riek paka in.

2 Kerin 5:15

Ogik bongi Elisa gi cwo pere aka owaco ni, “Neni, onyo aŋeyo nike were man ongoye i piny gibe, kwanyo woko Were pa Isiraili; riameno mondo joli mic wok bongi ŋeca perin.”

Yobu 12:19

Go riemo woko jocway ri Were i wi migam gi par tiendi jo, aka mako adhum pa jomeni.

Zabuli 136:2

Miy win foyo ri Were pa werin, kole mar pere makiwire bedo cil gi cil.

Zabuli 136:3

Miy win foyo ri Rwoth pa rwodhe, kole mar pere makiwire bedo cil gi cil.

Zabuli 72:11

Kerin je jolakule piny ruwaŋe, nonin je jolatic rigo.

Zabuli 82:1

Were otieko mako kabedo pere i kapido ma polo, aka thumo banja i dier werin ni,

Zabuli 96:4

Kole Rwoth dwoŋ, aka iripo pako go gi pak ma malo, iripo bwonirok rigo loyo werin je.

Ezekiel 26:7

Kole Rwoth Were waco ama: Alakelo kwoŋ Tire wok yumalo kere Nebukadineza ma Babilon, kere pa kerin, kanyacel gi kayinin, cawilin, kodi ji kweth ma jokwaŋo go.

Daniel 11:36

Kere latimo paka oyenyo; go latiŋere malo to lokere ŋatadwoŋ maloyo were mogo je, go laluwo gigipiny ma k'ago kwoŋ Were pa werin. Go lanyalo kisi gimoro cuka nge pere orum; kole gima go otieko ridho latimere.

Daniel 2:19

Kenyo nyaliŋliŋ no onyuthere ri Daniel i menyirok wor, aka Daniel opako Were ma i polo.

Daniel 2:22

Go nyutho nyaliŋliŋ kodi gim'opanere, go oŋeyo gima nitie i mudho, aka lero nitie gi go.

Daniel 2:28

To nitie Were ma i polo ma nyutho nyaliŋliŋ, aka go otieko nyutho Kere Nebukadineza gima latimere i hongo ma bino. Me a lek kodi menyirok m'ineno munyo inindo i kanindo perin:

Daniel 2:29

Paro obino rin, awi kere, munyo inindo i kanindo perin, ma gigipiny ma latimere i hongo ma bino, aka ŋata nyutho nyaliŋliŋ oyawo rin gima latimere.

Daniel 2:30

To paka ri an, nyaliŋliŋ me k'onyuthere ran kwoŋbedo anitie gi rieko loyo joman, to r'atoŋa ma miyo kere ŋeyo dwoŋ ma lek pere aka ŋey iniaŋ paro ma cunyin.”

Daniel 2:37

In awi kere, ibedo kere pa kerin, ma Were ma i polo otieko miyo ker, meni, teko, kodi dwoŋ,

Daniel 3:15

Onyo ka wiyikere ka wiwinjo dwondi tungi ogwaŋ, milowe, dingidi, dongo, tongol, bul, kodi nger gi wer je, podho piny lamo cal m'atimo; meno ber. To ka wikilamo ilabolo win i mac m'okur gi sawa no won; aka were mene no ma labotho win wok i cingan?”

Daniel 3:28

Nebukadineza owaco ni, “Were pa Sadirak, Misaki kodi Abedinego wopak, m'ooro malaika pere botho ŋecin pere ma jogeno i go. Jokwero luwo or pa kere to jojwango delkwoŋ jo makiweno lamo were man je kwanyo woko Were pajo won.”

Daniel 3:29

“Riameno amiyo or: Ji mogo je, nono mogo je, kosa dhodhok m'oluwere kwoŋ Were pa Sadirak, Misaki, kodi Abedinego ilatoŋo mathindho thindho t'isika woko udi pajo; kole ongoye were manyalo botho i nger me.”

Daniel 4:17

Me obedo or pa jakur maleŋ, ŋey jomakwo je jowoŋey nike Jamalo Swa dhumo ji je, aka nike go miyo dhum ri ŋata go oyero kiri jono ma josisiri.”

Daniel 4:25

Ilakwanyin woko i dier ji, aka ilakwo i dier ogwaŋe madudi. Ilamiyin camo lum paka megikwe, iladhiekere gi thoyo ma polo ma oro abirio cuka inoŋey nike Jamalo Swa dhumo ker pa ji aka nike go miyo dhum ri ŋata go yero.

Daniel 4:32

Ilakwanyin woko wok i dier ji aka ilabedo g'ogwaŋe madudi. Ilamiyin camo lum paka megikwe ma oro abirio cuka inoŋey nike Jamalo swa dhumo ker pa ji aka nike go miyo dhum ri ŋata go yero.”

Daniel 5:11

Nitie i ker perin jal ma cuny pa Were maleŋ nitie kwoŋe. I hongo pa benin onwaŋ nike go nitie gi lero, niaŋ kodi rieko paka rieko pa werin. Aka benin Nebukadineza oketho go bedo jadwoŋ pa jondijo ma joneno gima latimere, jondijo ma timo gir'aura, Jokaldin kodi jothieth.

Amos 3:7

Adieri Rwoth kitim gimoro, ma k'onyutho nyaliŋliŋ pere, ri ŋecin pere jotuci wac Were.

1 Jokorintho 14:25

aka paro m'opondo i cunye bino wodhere kamaler. Gikenyo go bino riewere piny to lamo Were munyo tuco ni, “Adieri, Were nitie gi win!”

Kitawo mar'abic mapa Musa m'ilwoŋo ni Cik 10:17

Kole Rwoth Were mewin obedo Were pa werin, Rwoth pa rwodhe, Were madwoŋ, jameni aka kelo lworo, go kitim nyakucel aka kijol nyew.

1 Timothe 6:15

Menyirok pere no Were won bino kelo i ndir pere, Were ma Jasilwany odoko won a Jadhum kende, Kere pa kerin, kendo Rwoth pa rwodhe.

Yosuwa 22:22

“Ŋata Jameni je, Were, Rwoth! Ŋata Jameni je, Were, Rwoth! Go oŋeyo; aka weyi Isiraili won woŋey! K'inen obedo i gwenyirok kosa i turo yeyo yuthenge pa Rwoth, ikir'ikoy wan konon

Menyirok ri Yohana 1:5

kodi ma wok bongi Yesu Kristo, jakony ma genere, Wode makayo m'otel cerino go kwoŋ jom'otho, aka obedo jadhum pa kerin je ma piny! Go omaro wan, aka gi remo pere ogonyo wan woko kwoŋ reco mawan,

Menyirok ri Yohana 17:14

Jobino lwenyo gi Nyathi rombo, to Nyathi rombo bino loyo jo, rupiri go obedo Rwoth kodi Kere pa kerin, aka joma ni bonge jobedo jom'olwoŋ kendo m'oyer aka jogenere.”

Menyirok ri Yohana 19:16

I nanga pere kodi i bat mere ondiki nyinge me: “Kere pa kerin, Rwoth pa rwodhe je.”