Daniel 2:45 - KITAWO MALEŊ

⁴⁵ pak'ineno tele ma k'omukere gi cingi dhano oŋinyo nyweny, ywel, lowo nyamasiga, feza, kodi zahabu. Were madwoŋ otieko miyo kere ŋeyo gima latimere i hongo ma bino. Lek no obedo ameno, aka dwoŋ mere otire.”

Daniel 2:45 ပူးပေါင်းရင်းမြစ်များ

Cakirok 41:26

Dhok abirio ma ragaŋ meno oro abirio, aka withi ŋano abirio ma jopoŋ meno oro abirio. Jonyutho dwoŋ acel.

Cakirok 41:28

Obedo paka awaco ri Farawo, Were onyutho Farawo gima go cegin timo.

Cakirok 41:32

Kiluda ma lek perin nyutho ni gime Were am'oketho, aka Were bino ketho i kare macegin.”

2 Samwiri 7:22

Riameno idwoŋ Rwoth Were; rupiri ongoye ŋata pimere kodin, aka ongoye Were man ma cale in, ro gima watieko winjo je gi ithi wan.

1 Kigana kwoŋ Kerin 16:25

Kole Rwoth dwoŋ, aka iripo pako go swa, iripo bwonirok rigo loyo werin je.

Nehemia 4:14

Rumacen munyo atieko ŋiyo gime, aay malo aka awaco ri jotel, jodhum gi ji je ni, “Wikiri wilwor jo. Poyi win ni Rwoth dwoŋ aka go kelo lworo. Riameno lweny win ri wade mewin, nyithindho, mon gi pecin mewin.”

Nehemia 9:32

“Awi Were, Were mawan, idwoŋ! Ikelo lworo, aka ijameni! Ro mar perin makiwire, ikuro cikirok perin, ikir'iter gi sewo dinyo je m'otieko podho kwoŋ wan, kerin mawan, jodhum, jocway ri Were i wi migam, jotuci wac Were, kwarere mawan, gi ji mawan je, wok i hongo ma kerin ma Asiria jodiyo wan'iye tundo gunyo ni.

Yobu 36:26

Adieri Were dwoŋ, to wakuya go kicutho, oro pere kiŋeyere.

Zabuli 135:5

Kole aŋeyo ni Rwoth dwoŋ, Rwoth mawan dwoŋ loyo werin je.

Zabuli 145:3

Rwoth dwoŋ, aka iripo pako go gi pak ma malo, aka dwoŋ pere kiniaŋere.

Zabuli 2:9

Ibino turo jo gi luth ma nyweny, ibino ŋinyo jo paka dak m'ocwey gi lowo.”

Zabuli 48:1

Rwoth dwoŋ aka iripo pako go malo swa, i tindi madwoŋ pa Were, got pere maleŋ.

Zabuli 96:4

Kole Rwoth dwoŋ, aka iripo pako go gi pak ma malo, iripo bwonirok rigo loyo werin je.

Isaya 28:16

Riameno me apaka Rwoth Were waco ama: Neni, aketho misingi matek ri Zayon, gi tele ma welo ma sonda, misingi matek. Ŋat'oyey k'okwakere.

Daniel 2:24

Daniel okidho bongi Ariok, ma kere oyido oyero neko woko cwo mariek je i Babilon, aka owaco rigo ni, “Ikir'ineki cwo mariek ma Babilon, teran bongi kere, aka alatuco dwoŋ ma lek pere.”

Daniel 2:28

To nitie Were ma i polo ma nyutho nyaliŋliŋ, aka go otieko nyutho Kere Nebukadineza gima latimere i hongo ma bino. Me a lek kodi menyirok m'ineno munyo inindo i kanindo perin:

Daniel 2:29

Paro obino rin, awi kere, munyo inindo i kanindo perin, ma gigipiny ma latimere i hongo ma bino, aka ŋata nyutho nyaliŋliŋ oyawo rin gima latimere.

Daniel 2:44

I hongo pa kerin no Were ma i polo laketho ker ma kilareyo, kosa k'owey ri ji man. Ker me labedo cil gi cil, aka laŋinyo woko kerin je to kelo jo i gike;

Daniel 8:25

Kwoŋbedo go jabanirok, twodo lapoŋ i cinge kodi i cunye to won tiŋere malo. Go lareyo woko ji kweth ma k'ogwoko jo, aka lapiemo kiri gi Kere maloyo. T'ilaturo go ki gi cingi dhano.

Hagay 2:22

aka alamako kombere ma dhum ma kerin, alareyo woko meni pa kerin pa nonin, alamako cawilin kodi jogwey mere, aka kayinin kodi jogwey jolatho, kisi dhano g'abor pa nyawote.

Zekaria 12:3

I ndelo no alaloko Yerusalem tele mapek ri nonin je; ma jono ma jotiŋ jolalimo litho swa; aka nonin je jolariwere kanyacel monjo go.

Malaki 1:11

Ji wok i thenge ma piny tundo i gike jomiyo nyingan dwoŋ. Kisi kamoro jowaŋo ran buban aka jomiyan cowirok t'ajolo. Joje jomiyo nyingan dwoŋ, Rwoth pa lwak jolweny waco.

Matayo 21:24

Yesu odwoko jo ni, “Abende abino penjo win gimoro, ka winodwokan aka abende anowaci riwin kam'anwaŋ'iye meni m'atimo gine gigipiny me.

Matayo 24:35

Polo gi piny bino rere woko, to wac paran k'orere woko.

Luka 17:20

Jofarisayo megi jopenjo Yesu ndir ma Ker pa Were obin'iye. Go odwoko ni, “Ker pa Were kilabino i royo ma nenere.

Kitawo mar'abic mapa Musa m'ilwoŋo ni Cik 10:17

Kole Rwoth Were mewin obedo Were pa werin, Rwoth pa rwodhe, Were madwoŋ, jameni aka kelo lworo, go kitim nyakucel aka kijol nyew.

Menyirok ri Yohana 1:19

Am'omiyo, ndiki gim'ineno, ma pama kodi ma bino timere rumacen.

Menyirok ri Yohana 19:17

Gikenyo aneno malaika moro ocungo wi waŋceŋ. Okoko gi dwonde ma malo ri winyin je m'onwaŋo jolakalaka wi hongo ni, “Biye win, aka cokere win kanyacel ri kalima pa Were madwoŋ!

Menyirok ri Yohana 4:1

I hongo me alimo menyirok man, aka aneno dhiot m'oyaw i polo. Aka dwondi jo m'oluwo gi derino paka gwara, m'onwaŋo atieko winjo con ka luwo kodan, owaco ni, “Biye ka, anyuthin gima bino timere rumacen.”