Daniel 2:34 - KITAWO MALEŊ

³⁴ Paka iŋiyo, tele mogo, ma k'omukere gi cingi dhano, ogoyo olenge ma cal no ma nyweny kodi nyamasiga to turo mathindho thindho.

Daniel 2:34 ပူးပေါင်းရင်းမြစ်များ

Zabuli 118:22

Tele ma jogeto jojwango ni bukony, onyo olokere tele ma sonda.

Isaya 28:16

Riameno me apaka Rwoth Were waco ama: Neni, aketho misingi matek ri Zayon, gi tele ma welo ma sonda, misingi matek. Ŋat'oyey k'okwakere.

Isaya 60:12

Kole piny gi ker, ma k'otiy rin jolakisika, ilareyo woko kicutho.”

Isaya 8:9

Riwere win kanyacel i lworo, nonin je, ciki ithi win, piny mabor je. Yikere win lweny, aka ilaŋinyo win mathindho thindho, yikere win lweny, aka ilaŋinyo win mathindho thindho.

Ezekiel 32:28

Ilaturin t'iŋare i dier joma bu Were, gi jono m'ineko jo g'abor.

Ezekiel 47:5

Go opima kendo mita 500 aka manago obedo malawa m'oyido akinyali ŋado, kole pi oyido osira malo, oyido luth ma dhano nyalo buko, malawa m'oyido kiŋadere.

Daniel 2:33

Tiende obedo nyweny, olenge mere obedo nyweny m'oruwere gi lowo nyamasiga.

Daniel 7:27

Kenyo ker, dhum kodi dwoŋ ma kerin i pendi polo gibe ilamiyo jomaleŋ pa Jamalo Swa ma ker pere obedo ker ma cil gi cil, aka ker je jolatic rigo kodi winjo go.

Daniel 8:25

Kwoŋbedo go jabanirok, twodo lapoŋ i cinge kodi i cunye to won tiŋere malo. Go lareyo woko ji kweth ma k'ogwoko jo, aka lapiemo kiri gi Kere maloyo. T'ilaturo go ki gi cingi dhano.

Zekaria 12:3

I ndelo no alaloko Yerusalem tele mapek ri nonin je; ma jono ma jotiŋ jolalimo litho swa; aka nonin je jolariwere kanyacel monjo go.

Zekaria 4:6

Go odwoko to waco ran ni, “Me wac pa Rwoth ri Zerubabel: K'obedo gi nyalo kosa meni, to gi cuny paran, Rwoth pa lwak jolweny waco.

Matayo 16:18

Am'omiyo awaco rin, in i Petero, aka wi tele me abino ger'iye kitipa pa jom'oyeyo paran, makada tho k'onyal loyo kitipa no.

Yohana 1:13

Nywolirok pa jono k'obedo ma remo pa dhano, kosa ro mito pa ji, kosa mito pa dhano, to ro mito pa Were won.

Tim pa Jomoor 4:11

Yesu won a ŋata ndiko luwo kwoŋe ama.” “Kole tele won ma jogeto jocayo ni bukony, am'olokere tele ma thielo kindi ot.”

2 Jokorintho 5:1

Kole waŋeyo ni ka kayindi ma wabed'iye i piny, delkwoŋ wan me, okedhi woko, Were bino miyo wan ot ma cil gi cil i polo, ma dhano ama k'ogero.

Joebulaniya 9:24

Ato Kristo k'odonjo i Kabedo Maleŋ ma ji ama jotimo, m'obedo nyaka cal pa kabedo mar'adieri mere. Go odonjo i polo won kama go pama ocung'iye riwan ruwaŋ Were.

1 Petero 2:7

Tele me obedo ma welo madwoŋ riwin ma wiyeyo; to ri joma kiyey obedo: “Tele ma jogeto jokwero ni bukony am'olokere tele ma mako kindi ot won gipi.”

Menyirok ri Yohana 11:15

Gikenyo malaika mar'abirio okudho gwara pere, to dwondi nyatoro ma koko malo wok i polo, ka waco ni, “Meni Ma dhumo piny pama obedo apa Rwoth kodi Kristo pere, aka go bino dhumo cil gi cil!”

Menyirok ri Yohana 17:14

Jobino lwenyo gi Nyathi rombo, to Nyathi rombo bino loyo jo, rupiri go obedo Rwoth kodi Kere pa kerin, aka joma ni bonge jobedo jom'olwoŋ kendo m'oyer aka jogenere.”