Daniel 2:29 - KITAWO MALEŊ

²⁹ Paro obino rin, awi kere, munyo inindo i kanindo perin, ma gigipiny ma latimere i hongo ma bino, aka ŋata nyutho nyaliŋliŋ oyawo rin gima latimere.

Daniel 2:29 ပူးပေါင်းရင်းမြစ်များ

Cakirok 41:25

Yozefu owaco ri Farawo ni, “Lek ario jonyutho gimoro acel. Were omenyo rin gima go cegin timo.

Ezekiel 38:10

Rwoth Were waco ama: I ndelo no paro labino i cunyin, aka ilatimo can marac.

Daniel 2:22

Go nyutho nyaliŋliŋ kodi gim'opanere, go oŋeyo gima nitie i mudho, aka lero nitie gi go.

Daniel 2:23

Afoyin, aka apakin, Awi Were pa kwarere paran, kole itieko miyan rieko kodi meni, inyuthan gima wakwayin, itieko miyo wan ŋeyo gima kere mito.”

Daniel 2:28

To nitie Were ma i polo ma nyutho nyaliŋliŋ, aka go otieko nyutho Kere Nebukadineza gima latimere i hongo ma bino. Me a lek kodi menyirok m'ineno munyo inindo i kanindo perin:

Daniel 2:45

pak'ineno tele ma k'omukere gi cingi dhano oŋinyo nyweny, ywel, lowo nyamasiga, feza, kodi zahabu. Were madwoŋ otieko miyo kere ŋeyo gima latimere i hongo ma bino. Lek no obedo ameno, aka dwoŋ mere otire.”

Daniel 2:47

Kere owaco ri Daniel ni, “Adieri Were perin obedo Were pa werin je aka nyutho nyaliŋliŋ, kole inyalo tuco nyaliŋliŋ me!”

Amos 4:13

Kole neni, ŋat'ocweyo gote, to cweyo koyo, aka kedho ri nyatoro gima nitie i paro pere, ŋata loko odieceŋ wor, aka wotho i boro ma piny Rwoth, Were pa lwak jolweny, meno nyingi go!