Daniel 2:20 - KITAWO MALEŊ

²⁰ Daniel odwoko ka waco ni: “Pak wobedi ri nyingi Were mar'adieri cil gi cil, kole rieko kodi meni obedo apere.

Daniel 2:20 ပူးပေါင်းရင်းမြစ်များ

Cakirok 14:20

Weyi Were Madwoŋ Maloyo m'omiyin loyo kwoŋ jokwor perin wopak!” Aka Abram omiyo Melikizedek acel wiy apar ma kisi gima jonyaga.

1 Kerin 8:56

“Rwoth wopak m'omiyo ji pere siem paka ociko nike latimo. Okuro cikirok pere ma gir'aura m'omiyo luwo bongi ŋeca pere Musa.

1 Kigana kwoŋ Kerin 29:20

Kenyo Daudi omiyo ji je cik ni, “Pak win Rwoth Were mewin!” Aka cokirok pa ji je jopako Rwoth, Were pa kwarere pajo, aka jokule piny bwonirok ri Rwoth kodi kere pajo.

2 Kigana kwoŋ Kerin 20:21

Aka munyo otieko penjo ji gir'atima, to yero jono m'oyido joripo wer ri Rwoth to jopako go i bol maleŋ, ka joŋanjo ruwaŋ jolweny, kareno jowero ni, “Pak Rwoth! Mar pere makiwire yindira cil gi cil!”

Nehemia 9:5

Kenyo Jolevi, Yesuwa, Kadmiel, Bani, Hasabineya, Serebia, Hodia, Sebania, gi Pethahia jowaco ni, “Ay win malo wipak Rwoth Were mewin, pak win go cil gi cil. Weyi kisi dhano wopak nyingi go madwoŋ, makada nende go dwoŋ loyo pak pa dhano.”

Yobu 12:13

Rieko gi meni nitie bongi Were, aka mic rieko gi niaŋ nitie bongi go.

Zabuli 113:1

Pak Rwoth! Win ŋecin pa Rwoth pak win go, pak win nyingi Rwoth!

Zabuli 113:2

Weyi wopak nyingi Rwoth, pama kodi cil gi cil.

Zabuli 115:18

To wabino pako Rwoth pama kodi cil gi cil. Rwoth wopak!

Zabuli 147:5

Rwoth mawan dwoŋ, aka thoth gi meni; niaŋ pere kipimere.

Zabuli 41:13

Pak win Rwoth, Were pa Isiraili! Pak go pama gi cil gi cil! Ameno! Ameno!

Zabuli 50:23

Ŋata kelo foyo pere paka cowirok pere miyan dwoŋ; ri ŋata wotho i yo m'otire, alanyutho go both pa Were!”

Zabuli 62:11

Maloyo dicel atieko winjo Were waco ni, meni obedo apere,

Agecin 8:14

Abedo jamic rieko gi rieko ma kakare, anigi niaŋ, aka anigi meni.

Yeremia 32:19

Rieko perin dwoŋ aka tim perin dimeni. Waŋin neno yo pa ji je, aka iculo joje cungo kwoŋ yo pajo kodi tim pajo.

Ezekiel 28:3

Adieri, iriek loyo Daniel, ongoye nyaliŋliŋ m'opanere kwoŋin.

Matayo 6:13

Ikir'iter wan i karatem, to bothi wan ayino, kwoŋ gimarac, [rupiri ker obedo aperin, kodi meni, kodi dwoŋ, cil gi cil]. Ameno.

Yuda 1:24

Ri ŋata nyalo thielin m'ikipodho, to kethin ma bu raco i kisangala ma didwoŋ pere,

Menyirok ri Yohana 5:12

to jowero gi dwondi jo ma malo ni, “Nyathi rombo m'oneki paka cowirok ripo limo meni ma dhum, lim, rieko kodi mwamba, Wor, dwoŋ, kodi pak!”