Daniel 2:2 - KITAWO MALEŊ

² Kere owodho or wolwoŋi jomiliel, jondijo ma neno gima latimere, jothieth, kodi Jokaldin bino waco ri kere lek pere. Ameno jobino to jocungo ruwaŋ kere.

Daniel 2:2 ပူးပေါင်းရင်းမြစ်များ

Cakirok 41:8

Ameno odikin go oyido rembo, aka ooro wolwoŋi rigo jothieth ma Misir gi jorieko je. Farawo owaco rijo lek pere, to ngoye ŋat'onyalo tito.

Esita 1:13

Paka oyido obedo tim pa kere, go openjo jomic rieko pere i thenge ma cik gi thenethene ma piny Pasia gir'atima.

Kitawo mar'ario mapa Musa m'ilwoŋo ni Wok 7:11

Kenyo Farawo olwoŋo cwo pere mariek gi jothieth pere, aka bende jotimo ameno.

Isaya 19:3

Jomisir jolangoye gi meni, ka anonywow can pajo. Jolatemo nwaŋo rieko, wok bongi cal pajo je, wok bongi tipo pa jom'otho, gi wok bongi jothieth.

Isaya 8:19

To ka jowaci riwin penjo mikwenda wok bongi jothieth gi jojwok ma jomwoŋo aka jocur. To kere ji jokiripi rango Were pajo? Kendo joluw gi jom'otho ri jomakwo?

Daniel 1:20

Kwoŋ kisi gimoro ma rieko kodi niaŋ ma kere openjo jo, onwaŋere nike jo oyido joloyo dipar jomiliel kodi jondijo ma joneno gima latimere i ker pa kere je.

Daniel 1:4

Yac ma jongoye gi ŋolo aka joŋon, ma jonitie gi rieko kweth, ŋeyo kodi niaŋ, jonyalo tiyo i muluwir pa kere; aka inyalo fonjo jo ndiko kodi dhodhok pa Jokaldin.

Daniel 2:10

Jokaldin jodwoko ruwaŋ kere ni, “Ongoye dhano i piny manyalo tuco gima kere mito! Adieri ongoye kere, makada nende dwoŋ kosa jameni m'otieko penjo jandijo ma timo gir'aura, kosa jondijo ma neno gima latimere, kosa jathieth nger gime.

Daniel 2:27

Daniel odwoko kere ka waco ni, “Ongoye jomariek, jondijo ma timo gir'aura, jondijo ma neno gima latimere kosa jothieth ma jonyalo waco ri kere gima kere penjo.

Daniel 3:8

Obedo i sawa paka meno ma Jokaldin mogo jowok kisegeya Joyuda.

Daniel 4:3

Ranyuth pere dongo nedi, nga gir'aura pere dimeni! Ker pere obedo ma cil gi cil, aka adhum pere obedo ma wok i luse tundo i luse.

Daniel 4:6

Ameno amiyo or ni wokel cwo mariek je i Babilon ruwaŋan ŋey jowonyal waco ran dwoŋ ma lek no.

Daniel 5:7

Kere oywaki malo ni wokel jondijo ma jotimo gir'aura, Jokaldin, kodi jothieth. Kere owaco ri cwo mariek ma Babilon ni, “Ŋata nyalo kisoma kodi tito dwoŋ ma ndiko me ilaruko go gi law manyarangi ariŋo, thiwino ma zahabu i ŋute, aka labedo dhano mar'adek i dwoŋ i ker.”

1 Samwiri 6:2

Kenyo Jofilistia jolwoŋo jocway ri werin pajo i wi migam kodi jothieth to jopenjo jo ni, “Watim aŋo gi Kakan ma Cikirok pa Rwoth? Waci riwan win ginaŋo ma wadwoki gine i kabedo pere i Isiraili.”