Daniel 12:4 - KITAWO MALEŊ

⁴ To in, Daniel, kur wac me manyaliŋliŋ aka mwon i kitawo cuka hongo ma gike; ji kweth jolawoth kadho gi dwoko, aka rieko lamedere.

Daniel 12:4 ပူးပေါင်းရင်းမြစ်များ

Isaya 11:9

Jok'omiy litho kosa rerok wi got maleŋ paran je. Piny lapoŋ ŋeyo Rwoth paka pi umo nam.

Isaya 29:11

Menyirok mere je ocale riwin wac m'omwon i kitawo. K'omiy ŋat'oŋeyo ndiko t'iwaco ni “Mondo soma gime.” Go ladwoko ni, “Akinyali kisoma, kole omwon.”

Isaya 30:26

Dwe laliel paka waŋceŋ, aka waŋceŋ laliel dibirio loyo paka liel, paka ceŋ ma ndelo ario i ndelo acel, i ndelo ma Rwoth otwey to cango adhola m'omiyo ji pere gi goco pere.

Isaya 32:3

Kenyo waŋ jono ma joneno kilatho, aka ithi jono ma jowinjo lacikere.

Isaya 8:16

Tweyi ranyuth, imwon fonji no i dier jofonjirok paran.

Yeremia 5:1

Ji ma Yerusalem, ŋwec win malo gicen, ŋwec win i royin mewin, aka mondo neni win kor gi korin aka wipar kwoŋe! Woth win i katale mere je winen ka inyalo nwaŋo dhano acel ma timo gim'otire aka dwaro tiro ŋey anyal cwako Yerusalem.

Daniel 10:1

I oro mar'adek ma dhum pa Siras kere ma Pasia, wac omenyere ri Daniel m'oyido ilwoŋo bende ni Beltesazar. Wac me oyido obedo adieri aka mako kwoŋ lweny madwoŋ. Daniel oniaŋ wac me kwoŋbedo, olimo niaŋ kwoŋe i menyirok.

Daniel 10:14

Abino miyin niaŋ gima latimere ri ji perin i ndelo ma rumacen. Kucel menyirok latero ndelo kweth.”

Daniel 10:21

To alanyuthin gim'ondiki i ndiko mar'adieri, aka ongoye ŋata nyutho teko kodan, kwanyowoko Mikaili wod kere perin.”

Daniel 11:33

Aka jono ma joriek ma jonitie i dier ji jolamiyo niaŋ ri ji mathoth, kada jolatho g'abor kodi mac m'odheth, gi twec kodi kinyaga, ma hongo mogo.

Daniel 11:40

I hongo ma gike, kere ma yupiny bino monjo go; to kere ma yumalo bino yombere kwoŋe pa asur, gi cawilin kodi cwo ma jogweyo punde, gi mele kweth; aka go bino kidho i piny to mako to luw'iye paka mikula pi.

Daniel 12:13

“To in kadhi i yo perin tundo i hongo ma gike. Ilaywomere t'iay jolo kemba perin i hongo ma gike.”

Daniel 12:5

Kenyo an Daniel, aŋiyo, t'aneno j'ario man, acel oyido ocungo i thengi malawa me, aka man i thenge ca.

Daniel 12:9

Go odwokan ni, “Awi Daniel, kadhi, wac me okan nyaliŋliŋ aka omwon tundo i hongo ma gike.

Daniel 8:17

Munyo go obino cegin kam'oyido acung'iye, abwok aka apodho t'ariere piny gi nyiman. To go owaco ran ni, “Awi wod dhano, niaŋ ni menyirok me obedo ma hongo ma rumacen.”

Daniel 8:19

Go owaco ran ni, “Neni, alamiyin ŋeyo gima latimere i gike ma keme; kole i hongo m'oyikere gike latundo.”

Daniel 8:26

Menyirok ma wor kodi odikin m'owaci rin me obedo adieri, riameno iripo kano nyaliŋliŋ kwoŋbedo latero ndelo kweth mafodi k'otundo i kare.”

Matayo 24:14

Aka Wac Manyen Maber kwoŋ Ker pa Were me, ibino fonjo i piny gipi paka ranyuth ri nonin je, aka nyaka gik piny bino tundo.”

Joroma 10:18

To apenjo, obedo adieri ni jok'owinjo mikwenda? Kole jowinjo paka ndiko waco ni, “Derino ma dwondi jo olak i piny gipi, Wac pajo otundo i tum je ma piny.”

Menyirok ri Yohana 10:4

Tekin joluwo, onwaŋo acegin ndiko, t'awinjo dwondi nyatoro m'oluwo i polo ni, “Liŋi kodi gima lithkoth abirio jowaco; ikir'indiki!”

Menyirok ri Yohana 22:10

Gikenyo owaco ran ni, “Ikir'ipan wac m'otuci i kitawo me rupiri ndir orikere.

Menyirok ri Yohana 5:1

Gikenyo aneno kitawo m'ondiki thenge ario je ma ŋat'obedo wi kom ma dhum otiŋo i cinge maracuc, aka omwon gi gimwono abirio m'othore.