Rumacen ma kwo ma candirok, go laneno kisangala; go laŋeyo ni k'ocandere ma nono. Ŋeca paran m'omiyere, aka ma sangala an, latiŋo gir'acula pa ji kweth, aka ro go alacwako rijo.
Jomathoth jolacido woko reco pajo, jolaloko kwo pajo macil, ilalonyo jo, to jokidakana jolamedere timo kidakana. Ongoye jakidakana ma laniaŋ, to jono ma joriek jolaniaŋ.”
Yesu owaco rijo ni, “Adieri awaco riwin, i ndir manyen, ma Wod Dhano bino bed'iye wi kom pere ma dhum ma didwoŋ, gikenyo wijapar g'ario ma wiluwan bende wibino bedo wi kombere ma dhum apar g'ario, kareno withumo banjin ri nonin apar g'ario ma Isiraili.
I kitipa pa jom'oyeyo ma Antiok, oyido nitie jotuci wac Were moro kodi jofonji: Barinaba, Simeo (m'ilwoŋo ni Ma col), Lukio (ma wok Sireno), Manaen (m'odongo pa gavana Herode), kodi Saulo.
Cungo kwoŋ nema ma Were omiyan, atimo tic paka jandijo ma geto m'oketho tiendi ot, aka ŋatiman am'onyo geto i kore. Aka dhano je ripo gwoko paka go medo tic kwoŋ ot no.
Kabedo ma di wibedi jofonji, odoko fodi yenyere moro wofonji win ayino adieri pa Were m'icako gine! Kama di wicam'iye cemo pa jom'otegino, fodi wiyenyo cak amadha ayino!
Me a dwoŋ nyaliŋliŋ kwoŋ micalin abirio m'ineno i cingan maracuc no, kodi raŋaw talin ma zahabu, micalin abirio no obedo jomalaika ma kitipin abirio mapa jom'oyeyo, aka raŋaw talin abirio meno kitipin abirio mapa jom'oyeyo no.”