Daniel 12:2 - KITAWO MALEŊ

² Aka mathoth kwoŋ jono ma jonindo i fukefuke ma lowo jolacew, megi i kwo makirum, megi i wickwot ma cil gi cil megi i kwo ma bukony.

Daniel 12:2 ပူးပေါင်းရင်းမြစ်များ

Agecin 12:8

Ifoyo dhano ro rieko pere, to jawictek icayo.

Isaya 26:19

Ji perin ma jotho jolakwo, delkwoŋ jolacerino. Awi ji ma jonindo i fukefuke, cew win aka wiwer ro kisangala! Kole thoyo mewin obedo thoyo ma lero, aka piny laŋulo jom'otho.

Isaya 66:24

Aka ka jowok dok, jolaneno delkwoŋ ji ma jogwenyere kwoŋan. Kudin ma jocamo jo jokilatho, aka mac ma waŋo jokilaneko. Ji jokilamito kiri neno jo.

Yeremia 20:11

To in, Rwoth, initie kodan, paka jalweny ma jameni, riameno jono ma jomiyan litho jolapodho piny, jok'onyalan.

Ezekiel 37:12

Riameno tuci wac paran, aka wac rijo ni, Rwoth Were waco ama: Akidho yawo kaliele mewin, t'awodho win woko wok i kaliele mewin, awi ji paran; aka aladwoko win i piny ma Isiraili.

Hoseya 13:14

Anobothi jo wok i meni ma piny pa jom'otho? Anobothi jo kwoŋ tho? Awi tho, nikune meni perin, awi piny pa jom'otho, nikune loyo perin? Wor opanere woko ruwaŋan.

Matayo 25:46

Gikenyo jobino eye bonge to jodonjo i gir'acula makirum, aka jomabeyo jobino donjo i kwo makirum.”

Tim pa Jomoor 24:15

Abende anitie gi geno kwoŋ Were paka jome, nike ji je, mabeyo kodi mareco, jobino cerino kwoŋ jom'otho.

Tim pa Jomoor 7:60

Gikenyo oguro conge piny to koko malo ni, “Rwoth, ikir'ikethi kwoŋ jo gimarac me, aka gi wac me opodho to kwe.”

Joroma 9:21

Kole jacwec nigi siem ma oro lowo nyamasiga paka won oyero, gi cweyo degi ario wok i lowo acel m'odwany: Dak acel mar'aora i kabedo ma welo kodi man mar'aora i kabedo ma kisi ndelo.

1 Jothesalonika 4:14

Ato paka wayeyo ni Yesu otho aka ocerino kendo, meno wayeyo ni Were bende bino dwoko joma jotieko nindo i Yesu kanyacel gine.

Menyirok ri Yohana 20:12

Aka aneno joma cango jotho, madongo kodi mathindho, munyo jocungo ruwaŋ kom no, t'iyawo kitawin. To odoko iyawo kitawo man m'obedo kitawo ma kwo. Aka joma cango jotho no othum rijo banjin cungo kwoŋ gima kisi dhano cango otimo i kwo pere, m'ondiki i kitawin no.