Daniel 12:10 - KITAWO MALEŊ

¹⁰ Jomathoth jolacido woko reco pajo, jolaloko kwo pajo macil, ilalonyo jo, to jokidakana jolamedere timo kidakana. Ongoye jakidakana ma laniaŋ, to jono ma joriek jolaniaŋ.”

Daniel 12:10 ပူးပေါင်းရင်းမြစ်များ

Zabuli 107:43

Ŋatariek je wopar kwoŋ gigipiny me; aka wodew kwoŋ mar pa Rwoth makiwire.

Zabuli 51:7

Cidi woko reco paran, aka alalony; lwokan, aka alabedo matar loyo pe.

Agecin 1:5

Weyi jomariek bende jowowinji to jolimo cwe i fonjirok, aka joma yero bero jowolimi ndijo,

Isaya 1:18

Onyo biye win, weyi waluw kanyacel, Rwoth waco. Makada nende reco mewin obokere swa, lalony matar paka pe, paka yer rombo.

Ezekiel 36:25

Alakiro kwoŋ win pi m'olony, aka wilalony kwoŋ koco mewin je, kodi kwoŋ cal mewin je alalonyo win.

Ezekiel 47:11

To sa mere kodi kidiwin mere jokilabedo maber, iripo weyo jo paka ka golo cumbi.

Daniel 11:33

Aka jono ma joriek ma jonitie i dier ji jolamiyo niaŋ ri ji mathoth, kada jolatho g'abor kodi mac m'odheth, gi twec kodi kinyaga, ma hongo mogo.

Daniel 11:35

aka manok kwoŋ jono ma joriek jolakitangatanga, ma loko jo m'olonyo gi cido reco pajo cuka tundo hongo ma gike, kole obedo ri hongo m'oyik.

Daniel 12:3

Jomariek jolaliel paka lero ma pondeponde; aka jono ma jotelo ji kweth timo gim'otire jolaminyin paka micalin cil gi cil.

Hoseya 14:9

Weyi ŋatariek, woniaŋi gigipiny me; weyi jameny gigipiny, woŋey jo. Kole yo pa Rwoth jotire, aka jom'otire jowotho i jo, to jogimareco jotangatanga i jo.

Zekaria 13:9

Alaketho adec mar'adek i mac, alathodho paka ithodho feza, aka alatemo jo paka itemo zahabu. Jolalwoŋo nyingan, aka aladwoko jo. Alawaco ni, Jobedo ji paran, aka jolawaco ni, Rwoth obedo Were paran.

Malaki 3:3

Go bino thumo banja paka ŋata thedho aka lonyo feza, aka bino lonyo wot Levi to lonyo jo paka zahabu gi feza, cuka jomiyo Rwoth mic ma ripo gi go.

Mariko 4:11

Yesu owaco rijo ni, “Otiek miyo win ŋeyo nyaliŋliŋ ma Ker pa Were, to jonica ma joniwoko iwaco rijo gigipiny g'agecin.”

Luka 24:25

Gikenyo Yesu owaco rijo ni, “A ji mamiŋ, aka wiboli i yeyo g'icuny win gimoro je ma jotuci wac Were jowaco!

Yohana 18:37

Gikenyo Pilato openjo go ni, “Kere in ibedo kere?” Yesu odwoko ni, “Eno iwaco ni abedo kere. Kole onywolan ri gime aka abino i piny ka luwo ri adieri. Nyatoro je ma tiyere g'adieri winjo dwondan.”

Yohana 7:17

Ŋata yeyo timo gima Were yenyo bino ŋeyo k'agima afonjo wok bongi Were kosa ka aluwo gi meni paran won.

Yohana 8:47

Ŋata wok bongi Were winjo wac pa Were. Gim'omiyo wikiyey winjo wac paran, obedo rupiri wikibedo apa Were.”

1 Jokorintho 6:11

To onyo otiek lonyo win kwoŋ gimarac: Okethi win i tiro gi Were i nyingi Rwoth Yesu Kristo gi meni pa Cuny Maleŋ pa Were mawan.

2 Jokorintho 7:1

Paka wan gi cikirok me, jowotan m'amaro, walonyi win kwoŋ gimoro je ma koco delkwoŋ wan, kosa cuny wan, aka warangi lokirok maleŋ makicutho, ka walworo Were i kwo mawan.

Tito 2:14

Yesu Kristo, m'omiyere riwan to botho wan kwoŋ reco je, to loko wan ji m'olony ma jobedo apere won aka jocowere i timo gima beyo.

Joebulaniya 12:10

Bacere wan jotemo tiro wan gi gir'acula, i hongo macek paka joneno ni otire rijo; to Were miyo wan gir'acula ma tiro wan ma bero mawan, ŋey wopok wan ye leŋo pere.

1 Petero 1:22

To paka onyo wilony ro winjo adieri, aka winigi mar m'ocwiny ri jowoti win ma joyeyo, ere mare win adieri gi cuny win je.

1 Petero 1:7

Candirok me obino r'atoŋa ma temo yeyo mewin. Kole kada zahabu ma nyekere je itemo gi mac. Am'omiyo yeyo mewin ma diwelo loyo zahabu, bende yenyere wotem wonen k'otire, ŋey gino wokel riwin pak kodi dwoŋ kodi wor i Ndelo m'ilanyuth'iye Yesu Kristo kamaler.

1 Yohana 5:20

Waŋeyo nike Wod Were otieko bino aka omiyo wan niaŋ m'omiyo waŋeyo Ŋat'obedo adieri. Kwo mawan nitie i Ŋat'obedo adieri, cungo kwoŋ Wode Yesu Kristo. Me a Were mar'adieri, won kendo a kwo makirum.

Menyirok ri Yohana 16:11

to jokwoŋo Were ma polo ro litho kodi adholin pajo, to jok'oŋuto tim pajo mareco.

Menyirok ri Yohana 19:14

Lwak jolweny ma polo oyido joluwo go, munyo jonitie wi kayina matar aka joruko nangin mayom, matar, m'olony kicutho.

Menyirok ri Yohana 19:8

Omiy go ruko nanga mayom matar ma minyin.” (Nanga matar no meno tim m'otire mapa ji pa Were.)

Menyirok ri Yohana 22:11

Weyi jatim reco womedere gi timo reco, aka ŋata koc womedere gi koco pere, ŋataber womedere gi timo bero, ŋataleŋ womedere gi leŋo.”

Menyirok ri Yohana 3:18

Am'omiyo, amiyin rieko ni nyew zahabu bongan, m'oyik gi mac, aka inoŋaŋ. Nyew nangin matar bende iruki aka ium gine kinyoro perin ma kelo rin wickwot no. Nyew yen ma waŋ jo bende ikethi i waŋin, aka ŋey inyal neno.

1 Samwiri 24:13

Iŋeyo ageca ma waco ni, ‘Tim marac wok bongi jomarac.’ Riameno akibino timo rin gimarac.