Daniel 12:1 - KITAWO MALEŊ

¹ I hongo no Mikaili laay, wod kere madwoŋ, m'obedo jatel pa ji perin. Labedo hongo ma candirok, nger candirok ma fodi k'otimere wok cuka nonin cakere. To i hongo no ilabotho ji perin, kisi ŋat'onwaŋ nyinge ondiki i kitawo.

Daniel 12:1 ပူးပေါင်းရင်းမြစ်များ

Zabuli 56:8

Iŋeyo paka acandere; itieko kano pigi waŋan, k'ondikere i kitawo perin?

Zabuli 69:28

Weyi nyingi jo worey woko i kitawo pa ji makwo; weyi wokiri wondiki nyingi jo kanyacel gi ji maber.

Isaya 4:3

Ŋat'owey i Zayon to doŋ i Yerusalem ilalwoŋo ni ŋataleŋ, kisi ŋat'ondiki ri kwo i Yerusalem,

Isaya 9:7

Dhum pere k'orumi, aka siem labedo cil gi cil, i wi kom ma dhum pa Daudi gi ker pere, cako gi mako matek, gi tiro kodi timo gim'otire, wok i hongo me kadho yuwaŋe aka cil gi cil. Rwoth pa lwak jolweny omiyere timo gime.

Yeremia 30:10

To paka riwin, ji paran, wikiri wibedi gi lworo, Rwoth waco, kosa wikiri wibwoki, awi Isiraili; kole akidho botho win wok bor, kodi nyikway win wok i lowo ma twec pajo. Wiladwoko peco to wibedo i siem; wilabedo m'ongoye teko, aka langoye ŋata bino miyo win lworo.

Yeremia 30:7

Kidamba! Ndelo no dwoŋ swa ongoye ma pimere gine; obedo hongo ma litho ri ji paran; kucel ilabotho jo kwoŋe.

Ezekiel 13:9

Alatiŋo cingan kwoŋ jotuci wac Were ma jotuco wac twodo m'ongoye gima witieko neno. Jokilabedo i dier ji paran ka joromo; aka kilandiko nyingi jo i Isiraili, kosa jokiladok i lowo ma Isiraili. Kenyo wilaŋeyo ni An Abedo Rwoth.”

Ezekiel 34:24

Aka an, Rwoth, alabedo Were pajo. Ŋeca paran Daudi labedo wod kere i dier jo; An, Rwoth atieko luwo.

Ezekiel 5:9

Alatimo riwin gima fodi akitimo, aka m'akibino timo kendo kwoŋbedo amien mewin je.

Daniel 10:13

Kere ma Pasia opiemo kodan ma ndelo piero ario g'acel. To Mikaili, acel kwoŋ jotel pa jomalaika, obino konyan, aka adoŋ cen kenyo gi kerin ma Pasia.

Daniel 10:21

To alanyuthin gim'ondiki i ndiko mar'adieri, aka ongoye ŋata nyutho teko kodan, kwanyowoko Mikaili wod kere perin.”

Daniel 11:45

Go bino jengo wemin pere ma cel pa kere i dier name kodi got maŋon ma leŋo; kucel go latundo gike pere, aka langoye ŋat'okony go.

Daniel 7:10

Malawa ma mac otula to mol ruwaŋ go. Ganin gi ganin jotiyo rigo, aka ganin apar jocungo ruwaŋe, oyaw kapido, t'iyawo kitawin.

Daniel 9:12

Itieko ridho wac perin, m'iluwo kwoŋ wan kodi jothum banja mawan ma jothumo riwan banja, gi kelo kwoŋ wan raco madwoŋ, m'oyido fodi k'otimere i pendi polo paka itimo kwoŋ Yerusalem.

Yowel 2:2

Labedo ndelo ma mudho kodi kumo, ndelo ma pondeponde kodi mudho m'opoto! Paka ŋamba m'oyare wi gote, tome bonyo madongo aka jomeni jobino; cal pajo oyido fodi k'obedo wok cene, kendo k'obedi ka jotieko ngoye, i luse gi luse.

Malaki 3:16

Kenyo jom'oyido jolworo Rwoth joluwo wegi, aka Rwoth owinjo gima jowaco, aka kitawo pa ji ma jolworo Rwoth aka joworo go ondiki.

Matayo 24:21

Ato i hongo no candirok madwoŋ kidho bedo, ma fodi yado k'obedo ye wok i cakirok pa piny tundo pama, aka gima pameno odoko k'obedi kendo.

Mariko 13:19

Kole i ndelo no candirok madwoŋ bino bedo ma fodi yado k'obedo ye wok i cakirok pa piny, aka odoko k'obedi.

Luka 10:20

To wikiri wisangala ni cuny m'ocido jowinjo win; kucel sangala win ni nyingi win ondiki i polo ayino.”

Joroma 11:15

K'inen munyo obol jo woko, odwoki piny gipi i tiyirok gi Were, onyo aŋo man m'obedi ka ojol jo, loyo nwaŋo kwo wok i tho!

Joroma 11:26

Aka me apaka Isiraili gipi bino limo both, paka ondiki ni, “Jaboth bino wok Zayon, Go bino kwanyo woko reco pa nyikway Yakobo je.

Joefeso 1:21

Yesu Kristo dhumo jodhum je, jodongo, jomeni, rwodhe; aka nyinge loyo nyingi jo je m'inyalo miyo pama kodi i ndir ma bino je.

Jofilipi 4:3

Aka in bende, jatic nyawotan ma genere, amito ikony mon me; kole jotieko tic matek kodan i nyayo Wac Manyen Maber, kanyacel gi Kelementi kodi jotic jowotan je, ma nyingi jo nitie i kitawo ma kwo.

Yuda 1:9

Kole kada malaika madwoŋ, Mikaili, k'otemo yeto jwogi gi wac mareco munyo jopiemo ni ŋa ma d'otero delkwoŋ Musa, to owaco ni, “Rwoth woay kwoŋin.”

Menyirok ri Yohana 1:5

kodi ma wok bongi Yesu Kristo, jakony ma genere, Wode makayo m'otel cerino go kwoŋ jom'otho, aka obedo jadhum pa kerin je ma piny! Go omaro wan, aka gi remo pere ogonyo wan woko kwoŋ reco mawan,

Menyirok ri Yohana 12:7

Gikenyo lweny oere i polo! Mikaili kodi jomalaika pere jolwenyo gi bulir, ma bende olwenyo kodi jomalaika pere.

Menyirok ri Yohana 13:8

Ji je ma jobedo i piny jobino lamo ogwaŋ no. Dwoŋ mere ni dhano je ma nyinge k'ondiki i kitawo pa jomakwo m'obedo apa Nyathi rombo m'oneki wok i cwec pa piny.

Menyirok ri Yohana 17:14

Jobino lwenyo gi Nyathi rombo, to Nyathi rombo bino loyo jo, rupiri go obedo Rwoth kodi Kere pa kerin, aka joma ni bonge jobedo jom'olwoŋ kendo m'oyer aka jogenere.”

Menyirok ri Yohana 20:12

Aka aneno joma cango jotho, madongo kodi mathindho, munyo jocungo ruwaŋ kom no, t'iyawo kitawin. To odoko iyawo kitawo man m'obedo kitawo ma kwo. Aka joma cango jotho no othum rijo banjin cungo kwoŋ gima kisi dhano cango otimo i kwo pere, m'ondiki i kitawin no.

Menyirok ri Yohana 20:15

aka nyatoro je ma k'onwaŋ nyinge i kitawo ma kwo, bende obol i wakawaka ma mac no.

Menyirok ri Yohana 3:5

Ŋata loyo karatem bino rukere i ruk matar ameno, aka ak'orey woko nyinge i kitawo ma kwo aka abino tuco nyinge ruwaŋ Baba kodi jomalaika pere.

Menyirok ri Yohana 7:14

Adwoko ni, “Jadwoŋ, iŋat'iŋeyo.” Go owaco ran ni, “Me a ji ma jowok i candirok madwoŋ. Jolwoko ruk pajo to joloko matar i remo pa Nyathi rombo.