Daniel 11:36 - KITAWO MALEŊ

³⁶ Kere latimo paka oyenyo; go latiŋere malo to lokere ŋatadwoŋ maloyo were mogo je, go laluwo gigipiny ma k'ago kwoŋ Were pa werin. Go lanyalo kisi gimoro cuka nge pere orum; kole gima go otieko ridho latimere.

Daniel 11:36 ပူးပေါင်းရင်းမြစ်များ

Zabuli 136:2

Miy win foyo ri Were pa werin, kole mar pere makiwire bedo cil gi cil.

Zabuli 33:10

Rwoth geŋo woko atoŋa pa nonin, go geŋo jo timo can pajo.

Agecin 19:21

Dhano nyalo bedo gi can kweth i cunye, to atoŋa pa Rwoth ama latundo i kare.

Isaya 10:23

Kole Rwoth, Rwoth pa lwak jolweny lakelo rerok paka go owaco ni latimo i dier piny gibe.

Isaya 10:25

Kole i hongo macek won, gir'acula paran riwin latundo i gike, aka nge paran lacomere gi jo.

Isaya 10:5

Awi Asiria, luth ma nge paran, Rwoth waco, abiro ma cingi jo obedo keme paran!

Isaya 14:13

Iwaco i cunyin ni, “Alaidho i polo, alatiŋo malo kom paran ma dhum, kalo micalin pa Were; alabedo wi got ma romo, bor swa yumalo.

Isaya 14:14

Alaidho malo i wi pondeponde, alacale Jamalo Loyo.”

Isaya 26:20

Biye win, ji paran donji win i udi mewin, aka wicegi thigo mewin yuŋey win; pondi win ma hongo moro, cuka keme pa Rwoth orum.

Isaya 30:33

Kole otiek yiko kama mac m'odheth lawaŋo kere ma Asiria cango con. Kanyago luth aka lac, aka ocan i iye yen. Rwoth laywe tome mac ma lacwinyo.

Isaya 46:10

Atuco gike wok i cakirok, aka wok cene atuco gima fodi k'otimere. Awaco ni, atoŋa paran latundo i kare, aka alatimo gim'amito.

Isaya 57:9

Wikidho bongi were Molek, kareno wiwiro mo mewin maŋwe kur nger gi nger, widhiro jomikwenda mewin bor swa, widhiro jo kiri i piny pa jom'otho.

Ezekiel 28:2

Wod dhano, wac ri jadhum ma Tire ni, Rwoth Were waco ama: Kwoŋbedo cunyin opoŋ noro, aka iwaco ni, “Abedo were, abedo i kabedo pa werin, i cuny name.” Kucel ibedo nyaka dhano, makiweno were, makada nende ipima paro perin, gi paro pa were.

Ezekiel 35:13

Widele ran gi dhok win, to winyayo wac mewin kwoŋan; atieko winjo.

Daniel 11:16

To ŋati m'obin kwoŋe latimo paka go won mito, aka ongoye ŋata bino cungo ruwaŋe; aka lacungo i lowo maŋon, aka rerok mere makicutho labedo i cinge.

Daniel 11:3

Kere ma jameni laay, aka ker pere labedo madwoŋ to timo paka go yenyo.

Daniel 11:37

Go k'odew kwoŋ werin pa kwarere pere, kodi meno ma mon jomaro; go k'odew kwoŋ were mogo je, go labedo ŋatadwoŋ loyo je.

Daniel 12:7

Jacwo m'oyido oruko nanga mafoth orieyo cinge maracuc kodi maracam malo yupolo. Awinjo munyo go kwoŋere i nyingi ŋata kwo cil gi cil, ka waco ni; dicel, dirio, g'adec, tekin go cowo kedho meni pa jomaleŋ, gime je latundo i kare.

Daniel 2:47

Kere owaco ri Daniel ni, “Adieri Were perin obedo Were pa werin je aka nyutho nyaliŋliŋ, kole inyalo tuco nyaliŋliŋ me!”

Daniel 4:35

Go neno ji ma i piny paka gim'ongoye, go timo gim'omito gi Lwak ma i polo kodi ji ma i piny. Ongoye ŋata nyalo juko cinge, kosa penjo go ni, “Itimo aŋo?”

Daniel 5:19

Kole kwoŋbedo dwoŋ ma Were omiyo go, ji je, nonin je, kodi dhodhok je jokirin gi lworo ruwaŋ go. Benin oneko jono ma go omito neko, oweyo jono ma go omito weyo jowokwo, omiyo wor ri jono ma go omito, aka odwoko piny jono ma go omito dwoko piny.

Daniel 5:20

To munyo noro opoŋ i cunye, to paro pere lokere matek, okwany go woko wok i kom pere ma dhum, t'imayo go dwoŋ.

Daniel 7:8

Munyo fodi aparo kwoŋ tunge, tungi man mathin owok, aka mafodi k'owoki tunge marapena adek ofudhere gi fuce mere. I tunge mathin me, oyido nitie waŋ jo ma cal waŋ dhano, gi dhok jo ma luwo gigipiny madongo.

Daniel 8:19

Go owaco ran ni, “Neni, alamiyin ŋeyo gima latimere i gike ma keme; kole i hongo m'oyikere gike latundo.”

Daniel 8:4

Aneno wod rombo lokere mager yuwok ceŋ, yumalo, kodi yupiny, m'ongoye ogwaŋ m'onyalo cungo ruwaŋ go, kosa ongoye ŋat'onyalo botho wok i cingi go, to go otimo paka yenyo aka olokere madwoŋ.

Zekaria 11:16

Kole ee, acegin tiŋo malo jakwath rombo i piny, ma kidew kwoŋ m'ireyo woko, k'orangi ma jokedhere, k'ocangi ma jotur, kosa k'opidhi ma joboth. To go lacamo woko riŋo pa ma jocwe, aka layeco woko lwet jo.”

Yohana 5:30

“Akinyali timo gimoro awon kendan; athumo banja paka Were waco ran, am'omiyo thumo banja paran otire, rupiri akitem timo gim'awon amito, to gima ŋat'ooran ama mito.

Yohana 6:38

Kole abino i piny wok i polo timo gima ŋat'ooran yenyo, makiweno gim'awon ayenyo.

Tim pa Jomoor 4:28

Jocokere ma timo gimoro je ma in, gi meni perin kodi mito perin, oyido itieko yiko ni d'otimere.

Kitawo mar'abic mapa Musa m'ilwoŋo ni Cik 10:17

Kole Rwoth Were mewin obedo Were pa werin, Rwoth pa rwodhe, Were madwoŋ, jameni aka kelo lworo, go kitim nyakucel aka kijol nyew.

2 Jothesalonika 2:3

Wikiri wiyeyi nyatoro womiŋi win i royo moro je, rupiri Ndelo no k'otundi cuka gwenyirok obedi, to Jal ma kilwor cik nenere.

2 Jothesalonika 2:4

Go bino piemo gi gimoro je ma ji jolamo kosa jotero paka were, to won tiŋere malo to jengere i Ot pa Were munyo ŋoyo ni go a Were!

2 Jothesalonika 2:8

Gikenyo nyaka Jal ma kilwor cik bino nenere, ma Rwoth Yesu bino neko woko gi luya ma dhoke, to reyo go woko gi menyirok madwoŋ pere munyo dwoko.

Yosuwa 22:22

“Ŋata Jameni je, Were, Rwoth! Ŋata Jameni je, Were, Rwoth! Go oŋeyo; aka weyi Isiraili won woŋey! K'inen obedo i gwenyirok kosa i turo yeyo yuthenge pa Rwoth, ikir'ikoy wan konon

Menyirok ri Yohana 10:7

to i hongo ma malaika mar'abirio lakudh'iye gwara pere, gikenyo Were bino cowo can pere manyaliŋliŋ, paka cango onyutho jotic pere, jotuci wac Were.”

Menyirok ri Yohana 12:14

Dhako no omiy bwombe ario mapa ango madongo ŋey woay wokidhi i kabedo m'oyik rigo i thim kam'ibino kur'iye go cowo oro adek g'adec, ma thwol no kinyal monj'iye go.

Menyirok ri Yohana 13:1

Gikenyo aneno ogwaŋ moro munyo wok i nam. Go onwaŋo nitie gi tunge apar kodi wic abirio, gi sangaria wi tunge apar no je, gi nyinge ma luwo gima k'otire kwoŋ Were m'ondiki i kisi wic mere.

Menyirok ri Yohana 17:17

Ato Were oketho i cuny jono awanya ma tiyo g'atoŋa pere, munyo jotiyo gi paro acel to jomiyo ogwaŋ meni pajo ma dhum, cuka wac pa Were otimere.”

Menyirok ri Yohana 17:3

Gikenyo to malaika no tiŋan i Cuny Maleŋ to teran yuthim, t'aneno dhako m'obedo wi ogwaŋ m'obokere. Kwoŋ ogwaŋ no gipi oyido ondiki nyinge ma luwo gima k'otire kwoŋ Were aka oyido gi wic abirio kodi tunge apar.