Daniel 11:35 - KITAWO MALEŊ

³⁵ aka manok kwoŋ jono ma joriek jolakitangatanga, ma loko jo m'olonyo gi cido reco pajo cuka tundo hongo ma gike, kole obedo ri hongo m'oyik.

Daniel 11:35 ပူးပေါင်းရင်းမြစ်များ

2 Kigana kwoŋ Kerin 32:31

Ameno bende, i gima mako kwoŋ jomikwenda pa jotel ma Babilon, m'oyido odhir bonge penjo gima mako kwoŋ ranyuth m'otimere i piny, Were okoyo go rigo won, ma temo go gi ŋeyo gimoro je manitie i cuny.

Agecin 17:3

Paka mac temo feza gi zahabu, apaka Rwoth temo cuny dhano.

Isaya 27:9

Riameno, gi gime ilaumo reco pa Yakobo, me labedo ranyak m'opoŋ ma kwanyo woko reco pere, ka go oloko telin je ma migam, paka coka m'oŋiny mathindho thindho, m'ongoye migam pa were madhako Asera kosa ma buban m'odoŋ.

Daniel 11:27

To paka ri kerin ario kwoŋ jo, adundin pajo lagondere kwoŋ gimarac; jolaluwo twodo i meza acel, to jok'oloy; rupiri gike fodi ripo timere i hongo m'oyik.

Daniel 11:29

I hongo m'oyik, go lagik to bino yupiny; to k'obedi i hongo me paka cango obedo con.

Daniel 11:33

Aka jono ma joriek ma jonitie i dier ji jolamiyo niaŋ ri ji mathoth, kada jolatho g'abor kodi mac m'odheth, gi twec kodi kinyaga, ma hongo mogo.

Daniel 11:40

I hongo ma gike, kere ma yupiny bino monjo go; to kere ma yumalo bino yombere kwoŋe pa asur, gi cawilin kodi cwo ma jogweyo punde, gi mele kweth; aka go bino kidho i piny to mako to luw'iye paka mikula pi.

Daniel 12:3

Jomariek jolaliel paka lero ma pondeponde; aka jono ma jotelo ji kweth timo gim'otire jolaminyin paka micalin cil gi cil.

Daniel 12:4

To in, Daniel, kur wac me manyaliŋliŋ aka mwon i kitawo cuka hongo ma gike; ji kweth jolawoth kadho gi dwoko, aka rieko lamedere.

Daniel 8:10

Tungi me odongo tundo kiri i Lwak ma i polo, aka obolo piny Lwak man kodi micalin, to nyono jo.

Daniel 8:17

Munyo go obino cegin kam'oyido acung'iye, abwok aka apodho t'ariere piny gi nyiman. To go owaco ran ni, “Awi wod dhano, niaŋ ni menyirok me obedo ma hongo ma rumacen.”

Daniel 8:19

Go owaco ran ni, “Neni, alamiyin ŋeyo gima latimere i gike ma keme; kole i hongo m'oyikere gike latundo.”

Daniel 9:27

Go latimo cikirok matek gi ji kweth ma oro abirio, aka iy'adec ma oro me go lakelo gike ma cowirok kodi mic. I kabedo pajo ilaketho amien ma reyo woko, cuka tundo hongo ma Were lareyo woko ŋata reyo woko.”

Habakuk 2:3

Kole menyirok obedo ma hongo m'oyik; to lakwakere i cowe, aka k'obedi twodo. K'ocal pa galo, kur; adieri labino, aka k'ogal.

Zekaria 13:9

Alaketho adec mar'adek i mac, alathodho paka ithodho feza, aka alatemo jo paka itemo zahabu. Jolalwoŋo nyingan, aka aladwoko jo. Alawaco ni, Jobedo ji paran, aka jolawaco ni, Rwoth obedo Were paran.

Matayo 16:17

Yesu odwoko ni, “Simon wod pa Yona, ijasilwany swa! Adieri me k'obino rin wok bongi dhano moro, to Baba mani polo am'onyuthin.

Matayo 26:56

To gime je otimere ŋey gima jotuci wac Were jondiko wotundi.” Gikenyo jofonjirok je joweyo go to joringo.

Yohana 15:2

Go turo woko jangi yath moro je i an ma kinyak, aka sewila to yiko jangi yath je ma nyak ŋey womedi nyak madit.

Yohana 20:25

To jofonjirok wadi jowaci rigo ni, “Watieko neno Rwoth!” Toma owaco rijo ni, “K'akineno waŋpoyo ma musumal oweyo i cinge, t'arwako lwetan kama musumal odonj'iye i ŋete, ak'oyey.”

Tim pa Jomoor 13:13

Gikenyo Paulo kodi wadi jocewere wok Pafo to jokidho yu Paga iy'adec ma Pamfilia kama Yohana Mariko owey'iye jo to gik yu Yerusalem.

Kitawo mar'abic mapa Musa m'ilwoŋo ni Cik 8:16

Go m'opidho win i thim gi mana ma kwarere mewin oyido jokuya, mwolo win kodi temo win, aka i cowe timo riwin bero.

Yakobo 1:2

Jowotan, ter win paka silwany ka wiromo gi teko m'omore omore,

Menyirok ri Yohana 14:15

Gikenyo malaika man owok i Ot pa Were to koko gi dwonde ma malo ri ŋat'oyido obedo wi pondeponde ni, “Or nyangoda perin ikeci, kwoŋbedo ndir mere otieko tundo, piny ociek akeca!”

Menyirok ri Yohana 17:17

Ato Were oketho i cuny jono awanya ma tiyo g'atoŋa pere, munyo jotiyo gi paro acel to jomiyo ogwaŋ meni pajo ma dhum, cuka wac pa Were otimere.”

Menyirok ri Yohana 2:10

Ikir'ilwor candirok macegin bino rin. Awaco rin ni, jwogi bino bolo megi kwoŋ win i jiera paka karatem; candirok mewin bino cowo ndelo apar. Bedi gi genirok tundo tho, aka abino miyin sangaria ma kwo.

Menyirok ri Yohana 7:14

Adwoko ni, “Jadwoŋ, iŋat'iŋeyo.” Go owaco ran ni, “Me a ji ma jowok i candirok madwoŋ. Jolwoko ruk pajo to joloko matar i remo pa Nyathi rombo.