Daniel 11:33 - KITAWO MALEŊ

³³ Aka jono ma joriek ma jonitie i dier ji jolamiyo niaŋ ri ji mathoth, kada jolatho g'abor kodi mac m'odheth, gi twec kodi kinyaga, ma hongo mogo.

Daniel 11:33 ပူးပေါင်းရင်းမြစ်များ

Daniel 12:10

Jomathoth jolacido woko reco pajo, jolaloko kwo pajo macil, ilalonyo jo, to jokidakana jolamedere timo kidakana. Ongoye jakidakana ma laniaŋ, to jono ma joriek jolaniaŋ.”

Malaki 2:7

Rupiri dhok jacway ri Were i wi migam ripo gwoko rieko, aka ji joripo rango rieko wok bonge, rupiri go obedo jamikwenda pa Rwoth pa lwak jolweny.”

Matayo 10:21

“Omin dhano won ama bino tero omin go woneki, aka bacere bende jobino timo ameno ri nyithindho pajo; nyithindho bende jobino wire ri jonywol pajo to jomiyo ineko jo.

Matayo 13:11

Yesu odwoko ni, “Rieko manyaliŋliŋ ma Ker ma polo omiy win, to k'omiy jo.

Matayo 20:23

Yesu owaco ni, “Adieri winyalo riwin madho agwata paran, to angoye kodi meni ma yero joma jobedi yuracuc kodi yuracam paran. Kabedo me obedo apa joma Baba oyiko rijo.”

Matayo 24:9

“Gikenyo jobino ketho win i teko, to joneko win; aka nonin je bino dak win kwoŋbedo an.

Matayo 28:20

Aka wifonji jo mako or je m'amiyo win. Aka ŋey win nike abino bedo gi win ndir je, tundo i gik piny.”

Yohana 16:2

Jobino riemo win woko i kitipa pa jom'oyeyo pa Joyuda, aka ndir bino tundo ma moro je ma neko win bino paro nike ka timo ameno meno tiyo ri Were.

Tim pa Jomoor 11:26

Munyo onwaŋo go, okelo go Antiok. I hongo ma romo oro gipi jario me joromo gi kitipa pa jom'oyeyo, to jofonjo ji madit swa. I Antiok me ama open lwoŋ'iye jofonjirok ni Jokristo.

Tim pa Jomoor 14:21

Paulo kodi Barinaba jofonjo Wac Manyen Maber i Dabe to jolimo jofonjirok mathoth. Gikenyo jogik Listira, kodi Ikoniam, kodi Antiok i Pisidia.

1 Jokorintho 4:9

Kole cal ran pa Were omiyo wan jomoor kabedo macowe swa, pa ji m'othumi rijo banja ma tho, rupiri walokere gir'anena ri jomalaika kodi ji ma piny.

2 Timothe 1:12

meno am'omiyo acandere ama. To kad'ameno wiyan kikwoti, rupiri aŋeyo ŋat'ayeyo kwoŋe, aka aridho ni go nyalo kuro gim'atieko miyo go cuka Ndelo no tundo.

2 Timothe 4:6

To an, onyo hongo otundo ran ma bedo cowirok; hongo paran ma kadho otieko tundo.

Joebulaniya 11:34

joneko woko mac mager, to joboth aneka g'abor. Jo oyido jonyap to jolokere jomeni. Jolokere matek i lweny to jonyalo woko Lwak jolweny pa jowiloka.

Menyirok ri Yohana 1:9

An Yohana, omin win manitie gi win i Yesu i candirok, kodi i Ker pere, kodi iciro teko. An onwaŋo obolan i kigoda ma pi othoko ma Patimos ro fonjo wac pa Were kodi bedo jakony ri adieri pa Yesu.

Menyirok ri Yohana 17:6

Aka aneno ni dhako no oyido omer gi remo pa ji maleŋ pa Were, kodi remo pa jom'onek rupiri jocwire kwoŋ Yesu. Munyo aneno go, adhier swa.

Menyirok ri Yohana 2:13

Aŋeyo ni kam'ibed'iye, a kama Sitan ojeng'iye kom pere ma dhum. T'icwire i nyingan, aka ikiweyo medirok gi yeyo perin kwoŋan kada i ndir ma Antipa, jakony paran m'ogenere onek'iye i tindi mewin kenyo kama Sitan bed'iye.

Menyirok ri Yohana 6:9

Gikenyo Nyathi rombo ohalo woko gimwono papila mar'abic; t'aneno i tiendi migam, cuny ji m'oneki rupiri jotito wac pa Were aka jobedo jogenirok i wodho kony i wac no.

Menyirok ri Yohana 7:14

Adwoko ni, “Jadwoŋ, iŋat'iŋeyo.” Go owaco ran ni, “Me a ji ma jowok i candirok madwoŋ. Jolwoko ruk pajo to joloko matar i remo pa Nyathi rombo.