Daniel 11:32 - KITAWO MALEŊ

³² Go ladwoŋo gi nyero jono ma joturo cikirok; to ji ma joŋeyo Were pajo, jolacungo matek to jonwaŋo gir'atima.

Daniel 11:32 ပူးပေါင်းရင်းမြစ်များ

1 Kigana kwoŋ Kerin 28:9

“Aka in, wodan Solomon, yey Were pa benin aka tiyi rigo gi cunyin acel kodi paro perin je; kole Rwoth dwaro kisi nyaŋith, aka niaŋ kisi can kodi paro. K'inorangi go, ilanwaŋo go; to k'inojwangi go, go laweyin kicutho.

Nehemia 4:14

Rumacen munyo atieko ŋiyo gime, aay malo aka awaco ri jotel, jodhum gi ji je ni, “Wikiri wilwor jo. Poyi win ni Rwoth dwoŋ aka go kelo lworo. Riameno lweny win ri wade mewin, nyithindho, mon gi pecin mewin.”

Zabuli 9:10

Jono ma joŋeyin, Rwoth, joketho geno pajo i in, kole ikijwangi ŋata bino bongin.

Agecin 19:5

Ŋata luwo gitwodo i kapido lalimo gir'acula, aka jatwodo kilaboth.

Agecin 26:28

Lew ŋata twodo dak ŋata mito timo rigo marac, aka dhok jo ma twodo kelo rerok.

Yeremia 31:34

Kendo jokilafonjere kosa waco wegi gi wegi ni, “Ŋey Rwoth.” Kole jolaŋeyan, wok i mathin tundo kwoŋ madwoŋ, Rwoth waco. Alacwako reco pajo, aka akilapoyo kendo.

Daniel 11:21

I kabedo pere lawok dhano m'iŋisa m'oyido fodi k'oyim kwoŋe dwoŋ ma dhum ma ker; go labino nyaliŋliŋ to mako ker, kareno inyero go.

Daniel 11:34

Ka jotangatanga, ibino konyo jo nyaka mathi. Aka ji mathoth jolariwere gi jo gi rendirok,

Zekaria 10:12

Alamiyo jo bedo matek i Rwoth, aka jolawoth i nyingi go. Rwoth waco.

Malaki 4:2

To riwin ma wilworo nyingan, meni ma both paran bino wok kwoŋ win pa waŋceŋ to kelo both pa minyin ceŋ. Wibino bedo m'ogonyere aka gi kisangala paka nyathi dhiaŋ m'owodhi wok i kigo dhok.

Yohana 17:3

Aka me a kwo makirum: Nike ji jowoŋeyin, Were acel mar'adieri, kendo jowoŋey Yesu Kristo m'ioro.

1 Yohana 5:20

Waŋeyo nike Wod Were otieko bino aka omiyo wan niaŋ m'omiyo waŋeyo Ŋat'obedo adieri. Kwo mawan nitie i Ŋat'obedo adieri, cungo kwoŋ Wode Yesu Kristo. Me a Were mar'adieri, won kendo a kwo makirum.

Menyirok ri Yohana 6:11

Dhano je omiy nanga matar. T'iwaci rijo ni jowoywomere mathin cuka kama welo pa jotic jowoti jo kodi wutmin jo ma bende iripo neko jo paka oneki jo worum.