Daniel 11:29 - KITAWO MALEŊ

²⁹ I hongo m'oyik, go lagik to bino yupiny; to k'obedi i hongo me paka cango obedo con.

Daniel 11:29 ပူးပေါင်းရင်းမြစ်များ

Isaya 14:31

Goy ndur, awi waŋkac, ywak, awi tindi madwoŋ, leny i lworo, awi Filistia, wijoje! Kole yiro wok yumalo, aka ongoye jalweny ma labedo kende i dwoŋ pere.

Daniel 10:1

I oro mar'adek ma dhum pa Siras kere ma Pasia, wac omenyere ri Daniel m'oyido ilwoŋo bende ni Beltesazar. Wac me oyido obedo adieri aka mako kwoŋ lweny madwoŋ. Daniel oniaŋ wac me kwoŋbedo, olimo niaŋ kwoŋe i menyirok.

Daniel 11:23

Aka wok i hongo m'otimi gi go yerok ma makirok kanyacel, latimo tim ma twodo; aka lalokere matek gi nyaka ji manok.

Daniel 11:25

Go laguro meni pere kodi adundo pere kwoŋ kere ma yupiny gi jolweny madwoŋ; to kere ma yupiny lakitugila lweny gi jolweny mathoth swa kendo ma jomeni; to go k'ocir, rupiri ilacamo tiende gi piny.

Daniel 11:28

Aka go lagik i piny pere won gi lim madwoŋ, t'adundo pere lajengere kwoŋ cikirok maleŋ. Go latimo mito pere, to gik i piny pere won.

Daniel 11:30

Mele ma Kitim jolabino kwoŋe, to bedo gi lworo to tiŋo cinge malo, to gik ma nge omako to raŋo gir'atima kwoŋ cikirok ma leŋo. Go lagik to ketho kinen kwoŋ jono ma jojwango cikirok ma leŋo.

Daniel 8:19

Go owaco ran ni, “Neni, alamiyin ŋeyo gima latimere i gike ma keme; kole i hongo m'oyikere gike latundo.”

Tim pa Jomoor 17:26

Wok kwoŋ dhano acel go ocweyo nonin je, to miyo jo bedo i piny gipi. Go won ama cango ocano ndir kodi kew ma kabedo ma ji di jobed'iye.

Jogalasia 4:2

Iketho rigo joma kuro go aka jotimo tic pere cuka hongo ma bamere ocano tund'iye.