Daniel 11:18 - KITAWO MALEŊ

¹⁸ Aka rumacen go lawiro waŋe yuthengi nam, aka lakwanyo mathoth kwoŋ jo; to jamituka laketho i gike kwoto pere; adieri go ladwoko kwoto pere rigo.

Daniel 11:18 ပူးပေါင်းရင်းမြစ်များ

Esita 10:1

To kere ketho misolo ri ji je ma ker pere kodi ji je m'oyido jonitie i lowo pere kodi ma jonitie i kigoda ma nam.

Isaya 66:19

Alaketho ranyuth i dier jo. Wok kwoŋ jo alaoro ji ma joboth i piny kweth, Tarsis, Libia, gi Lidia ma jo oro asere gi kwote, Tubal, Javan gi piny ma yuthengi nam, mafodi jok'owinjo ŋeyirok kosa neno dwoŋ paran; aka jolatuco kamaler dwoŋ paran i dier nonin.

Yeremia 2:10

Ŋadi win i thengi nam ma Sipro aka winen. Dhiri win ji i Kedar aka wikaŋasa maber swa; neni win k'inen gima pameno oyido otieko bedo.

Yeremia 31:10

Winji win wac pa Rwoth, awi nonin, aka tuci win bor i kigodin. Waci win ni, “Ŋat'okedho Isiraili lacoko go, aka lakuro go paka jakwath rombo kuro mwendi.”

Ezekiel 27:6

Wok kwoŋ olwace ma Basan jotimo alith kwon ma cewo ye perin; jotimo pendi ye perin, gi mbawo ma yath payin m'owok i kigodin ma pi ma Sipro, t'iloko maŋon gi lak liec.

Hoseya 12:14

Efrayim okwinyo nge pa Rwoth makec, ameno Rwoth pere laweyo banja pere kwoŋe, to culo go ri yet pere.

Zefania 2:11

Rwoth lakelo lworo kwoŋ jo. Go lasewo werin je ma piny kisi nono lalamo go, kisi acel i piny pere won.

Matayo 7:2

Kwoŋbedo ibino thumo riwin banja i yo acel ma withumo gine banja ri jowoti win, aka ibino tiyo kwoŋ win gi cik ma witiyo gine kwoŋ jowoti win.

Jothum Banja 1:7

Adonibezek owaco ni, “Kerin piero abirio gi lwet cingi jo ma thwon kodi lwet tiendi jo ma thwon m'othumi woko oyido jodimo ŋinjeŋinje i tiendi meza paran. Paka atieko timo, ameno Were otieko culan.” Jokelo go i Yerusalem to tho kenyo.