Daniel 11:11 - KITAWO MALEŊ

¹¹ Nyaka to kere ma yupiny, ka cunye otieko ŋedhere, lawok to lwenyo gi kere ma yumalo; aka go latiŋo malo muma jolweny madwoŋ, t'iketho jolweny no i cinge.

Daniel 11:11 ပူးပေါင်းရင်းမြစ်များ

1 Kerin 20:13

Aka panen, jatuci wac Were moro obino bongi kere Ahab to waco rigo ni, “Rwoth waco ni, ‘Ikir'ibwoki ro jolweny madit. Abino miyin loyo kwoŋ jo konon me aka ibino ŋeyo ni An Abedo Rwoth.’ ”

1 Kerin 20:28

Jatuci wac Were okidho bongi kere Ahab to waco rigo ni, “Rwoth waco ni, ‘Kwoŋbedo Josiria jowaco nike abedo were matendere, to ki ma kam'othangere, abino miyin loyo kwoŋ jolweny pajo madit, aka in kodi ji perin wibino ŋeyo ni An Abedo Rwoth.’ ”

Zabuli 76:10

Adieri, kiri keme pa dhano, timo nyaka tic ma pakin. Jono ma joboth wok i lweny, jolatimo kalima perin.

Yeremia 27:6

Pama atieko ketho piny me i cingi Kere Nebukadineza ma Babilon, ŋeca paran, aka atieko miyo go kiri ogwaŋe mager madudi tiyo rigo.

Daniel 11:12

Aka ka jolweny no otiek tiŋo okadhi gi jo, adundo pere latiŋere malo aka lamiyo cuny ji kweth podho, to go k'oloy.

Daniel 11:40

I hongo ma gike, kere ma yupiny bino monjo go; to kere ma yumalo bino yombere kwoŋe pa asur, gi cawilin kodi cwo ma jogweyo punde, gi mele kweth; aka go bino kidho i piny to mako to luw'iye paka mikula pi.

Daniel 11:44

To radwok ma yuwok ceŋ kodi ma yumalo ladwoko go, aka go lawok woko gi keme madwoŋ matieko gi reyo woko kicutho jomathoth.

Daniel 11:5

Kere ma yupiny lalokere matek aka acel kwoŋ jomituka pere lalokere matek loyo go aka dhum pere labedo dhum madwoŋ.

Daniel 2:38

go otieko ketho i cingin ji kama jonitie iye je, ogwaŋe madudi kodi winyin ma koyo. Go okethin dhumo je; in iŋat'ibedo wic ma zahabu no.

Daniel 8:7

Aneno wod diel core bongi wod rombo gi nge kwoŋe, aka ogoyo wod rombo to turo woko tunge ario, ma wod rombo ongoye gi meni ma cungo ruwaŋe. Wod diel ofwodo piny wod rombo to nyono, aka oyido ongoye ŋat'obothi wod rombo wok i cinge.