Daniel 10:8 - KITAWO MALEŊ

⁸ Adoŋ cen kendan, t'aneno menyirok madwoŋ me. Meni oloyan aka waŋan olokere matar, akinyalo doŋ gi meni.

Daniel 10:8 ပူးပေါင်းရင်းမြစ်များ

Cakirok 32:31

Ceŋ owok munyo Yakobo oyido kadho, aka go oyido komo ro bat mere.

Kitawo mar'ario mapa Musa m'ilwoŋo ni Wok 3:3

Aka Musa owaco ni, “Me gidhier, raŋo kasugu dudi kiwaŋ? Abino core cegin anen.”

Daniel 10:16

Aneno ŋata cale wot ji geyo dhokan, ayawo dhokan t'aluwo, aka awaco ri ŋat'oyido ocungo ruwaŋan ni, “Rwoth paran, menyirok me omiyan litho ma meni paran orumo.

Daniel 10:17

Anonyal nedi, an ŋeca pa rwoth, luwo gi rwoth paran? Kole pama ongoye meni kiri gi luya je m'odoŋ kwoŋan.”

Daniel 7:28

“Me gike ma menyirok no. Paka ri an Daniel, paro paran ocandan swa, aka cal paran olokere; to akano wac me i cunyan.”

Daniel 8:27

An Daniel anyocere, aka abedo matwo ma ndelo mogo; kenyo aay malo timo tic pa kere. To oyido adhier gi menyirok, aka akiniaŋ kwoŋe.

Daniel 8:7

Aneno wod diel core bongi wod rombo gi nge kwoŋe, aka ogoyo wod rombo to turo woko tunge ario, ma wod rombo ongoye gi meni ma cungo ruwaŋe. Wod diel ofwodo piny wod rombo to nyono, aka oyido ongoye ŋat'obothi wod rombo wok i cinge.

Habakuk 3:16

Awinjo to iyan kirin, dhokan okirin ro derino. Topo donjo i cokin paran, aka kam'akalo okirin i ŋangan. Akuro nyaliŋliŋ cuka ndelo ma teko, bino kwoŋ ji ma jomonjo wan.

Matayo 17:6

Munyo jofonjirok jowinjo dwondi me, jogore piny ma jokulo wiy gin kareno lworo omako jo.

Mariko 9:6

Ato oyido go kuya gir'awaca, rupiri lworo oyido omako jo tektek.

Yohana 16:32

Ndiri bino tundo, aka otieko kiri tundo ma wijoje wibino kedher'iye to dhano je dok peco pere, aka wibino weyan kendan. To akinitie kendan, rupiri Baba nitie kodan.

2 Jokorintho 12:7

To ma jukan ŋey akir'akwoti gi pakirok ro menyirok ma urere m'aneno, okethi kwoŋan gima cale okudho, ma tiyo paka jamikwenda pa Sitan ma wocandan aka wojukan akir'abedi gi kwoto.

Menyirok ri Yohana 1:17

Munyo aneno go, apodho dho i tiende pa ŋat'otho, to go ogeyan gi cinge maracuc to waco ni, “Ikir'ilwor gimoro, me an, an marapena kendo macowe odoko akwo;