Daniel 10:21 - KITAWO MALEŊ

²¹ To alanyuthin gim'ondiki i ndiko mar'adieri, aka ongoye ŋata nyutho teko kodan, kwanyowoko Mikaili wod kere perin.”

Daniel 10:21 ပူးပေါင်းရင်းမြစ်များ

Daniel 10:13

Kere ma Pasia opiemo kodan ma ndelo piero ario g'acel. To Mikaili, acel kwoŋ jotel pa jomalaika, obino konyan, aka adoŋ cen kenyo gi kerin ma Pasia.

Daniel 12:1

I hongo no Mikaili laay, wod kere madwoŋ, m'obedo jatel pa ji perin. Labedo hongo ma candirok, nger candirok ma fodi k'otimere wok cuka nonin cakere. To i hongo no ilabotho ji perin, kisi ŋat'onwaŋ nyinge ondiki i kitawo.

Daniel 12:4

To in, Daniel, kur wac me manyaliŋliŋ aka mwon i kitawo cuka hongo ma gike; ji kweth jolawoth kadho gi dwoko, aka rieko lamedere.

Daniel 8:26

Menyirok ma wor kodi odikin m'owaci rin me obedo adieri, riameno iripo kano nyaliŋliŋ kwoŋbedo latero ndelo kweth mafodi k'otundo i kare.”

Daniel 9:22

Go omiyan ŋeyo, oluwo kodan ka waco ni, “Awi Daniel abino miyin rieko kodi niaŋ.

Daniel 9:25

Riameno niaŋ nike wok i hongo m'owodhi or ma dwoko kodi geto kendo Yerusalem tundo i hongo pa ŋat'owir gi mo, Jadhum, latero dibirio ma oro abirio, ilageto kendo Yerusalem gi royin kodi kor ot matek aka lacungo dibirio ma oro piero aucel g'ario; to me labedo hongo ma teko.

Amos 3:7

Adieri Rwoth kitim gimoro, ma k'onyutho nyaliŋliŋ pere, ri ŋecin pere jotuci wac Were.

Tim pa Jomoor 15:15

Kole wac pa jotuci wac Were makere swa gi me. Paka ndiko waco ama.”

Tim pa Jomoor 15:18

“Rwoth, m'omiyo gime oŋeyere wok con ama owaco ameno.”

Yuda 1:9

Kole kada malaika madwoŋ, Mikaili, k'otemo yeto jwogi gi wac mareco munyo jopiemo ni ŋa ma d'otero delkwoŋ Musa, to owaco ni, “Rwoth woay kwoŋin.”

Menyirok ri Yohana 12:7

Gikenyo lweny oere i polo! Mikaili kodi jomalaika pere jolwenyo gi bulir, ma bende olwenyo kodi jomalaika pere.