Daniel 10:19 - KITAWO MALEŊ

¹⁹ Go owaco ran ni, “Awi jacwo m'omar swa, Ikir'ilwor, siem wobedi kodin, bedi matek, bedi matek.” Munyo go otieko luwo kodan, omiyan bedo gi meni, aka awaco ni, “Weyi rwoth paran woluwi, kole itieko miyan meni.”

Daniel 10:19 ပူးပေါင်းရင်းမြစ်များ

Zabuli 138:3

I ndelo m'alwoŋin, idwokan, idwoko meni ma cunyan.

Isaya 35:4

Waci ri jono ma cuny jo lwor ni, “Bedi win jomeni, wikiri wilwor! Were mewin ee, go bino botho win, go bino miyo jokwor mewin gir'acula.”

Isaya 41:10

Ikir'ilwor, kole anitie kodin, ikir'ibwoki, kole abedo Were perin, alamedin meni, alakonyin, alamakin gi cingan maracuc ma turo lweny.

Isaya 41:14

Rwoth waco ni, “Makada nende ithin aka inyap rin, Isiraili, Ikir'ilwor, alakonyin. An, a Were maleŋ pa Isiraili, aŋat'abothin.

Daniel 10:18

Kenyo ŋata cale wot ji ogeyan kendo, aka omiyan meni.

Daniel 9:23

I cakirok ma kwayo perin wac owok, aka abino nyuthin. Kole omarin swa; riameno niaŋ wac no kodi menyirok.”

Hagay 2:4

Kucel pama, bedi m'icwiny Zerubabel, me wac pa Rwoth, bedi m'icwiny Yesuwa wod Yehozadak, jadwoŋ pa jocway ri Were i wi migam, bedi win ma wicwiny, ji je ma lowo, me wac pa Rwoth, tiyi win, kole anitie gi win. Rwoth pa lwak jolweny waco.

Zekaria 8:13

Aka paka oyido wibedo lam i dier nonin, Awi ot pa Yuda kodi ot pa Isiraili, ameno alabotho win aka wilabedo silwany. Wikiri wibwoki, to weyi cingi win wobedi matek.

Zekaria 8:9

Rwoth pa lwak jolweny waco ama: Weyi cingi win wobedi matek, win ma wiwinjo wac m'owok i dhok jotuci wac Were i ndelo me je, wok cuka i ndelo m'ocak'iye misingi ma Ot pa Rwoth pa lwak jolweny, ŋey wonyali geto kendo Ot pa Were.

Yohana 11:3

Nyimere no jodhiro wac ri Yesu ni, “Rwoth, mere perin m'imaro two.”

Yohana 11:36

Gikenyo Joyuda jowaco ni, “Neni paka onwaŋo omaro go!”

Yohana 11:5

Yesu oyido omaro Marita gi nyamin, kodi Lazaro.

Yohana 14:27

“Siem am'onyo aweyo riwin; amiyo win siem paran; aka akimiy win paka piny miyo. Wikiri wirembi i cuny win; odoko wikiri wibedi gi lworo.

Yohana 16:33

Atieko waco riwin gime ŋey wibedi i siem i riwirok kodan. Piny bino miyo wicandere. To bedi win miseni! Atieko loyo candirok ma piny!”

Yohana 19:26

Munyo Yesu oneno yokimere kodi jafonjirok ma go omaro jocungo kenyo, owaco ri yokimere ni, “Dhakodwoŋ, wodin eno.”

Yohana 21:20

Petero owire to neno jafonjirok man luwo jo ma Yesu omaro, ma ndir ca othenere bongi Yesu dhower to penjo ni, “Rwoth, ŋata kidho camo rin sereko?”

1 Jokorintho 16:13

Bedi win waŋ win, cungi win matek i yeyo, bedi win miseni, bedi win gi meni.

2 Jokorintho 12:9

To go odwokan ni, “Nema paran romin; kole meni paran asere kama nyapo niye.” Am'omiyo, asangala swa pakirok gi nyapo paran, ŋey meni pa Kristo wobedi kwoŋan.

Joefeso 6:10

Macowe, bedi win ma wicwiny i Rwoth, kanyacel gi i meni pere m'oasere.

2 Timothe 2:1

To in, wodan, bedi gi meni kwoŋ nema manitie i Kristo Yesu.

Yosuwa 1:9

Pama onyo amiyin or: Bedi m'icwiny kendo jamisen; ikir'ikirini kosa ibwoki, kole Rwoth Were perin nitie kodin kisi kamoro je m'ikidh'iye.”

Menyirok ri Yohana 1:17

Munyo aneno go, apodho dho i tiende pa ŋat'otho, to go ogeyan gi cinge maracuc to waco ni, “Ikir'ilwor gimoro, me an, an marapena kendo macowe odoko akwo;

Jothum Banja 6:23

Rwoth owaco rigo ni, “Siem wobedi kodin. Ikir'ibwoki, ikilatho.”