Daniel 10:16 - KITAWO MALEŊ

¹⁶ Aneno ŋata cale wot ji geyo dhokan, ayawo dhokan t'aluwo, aka awaco ri ŋat'oyido ocungo ruwaŋan ni, “Rwoth paran, menyirok me omiyan litho ma meni paran orumo.

Daniel 10:16 ပူးပေါင်းရင်းမြစ်များ

Kitawo mar'ario mapa Musa m'ilwoŋo ni Wok 4:10

To Musa owaco ri Rwoth ni, “Awi Rwoth paran, akinyali luwo maber, aka kiri wok cuka nende iluwo kodan, to fodi aywayo luwo aka lewan pek.”

Kitawo mar'ario mapa Musa m'ilwoŋo ni Wok 4:13

To Musa owaco ni, “Awi Rwoth paran, mondo or ŋatiman.”

Jafonji 1:18

Kole i rieko mathoth nitie aŋedha cuny mathoth, aka ŋatimoro je ma medo ŋeyo, medo kumo.

Isaya 6:7

Ogeyo dhokan gi cuk mac aka owaco ni, “Neni ee, paka gime ogeyo dhokin, okwanyo woko banja perin, aka reco perin ocwaki.”

Yeremia 1:9

Rwoth otelo cinge, ogeyo dhokan, to waco ran ni, “Eno atieko ketho wac paran i dhokin.

Ezekiel 1:26

I wi pi m'omakere matek i wi jo, oyido nitie gima cale kom ma dhum, paka gima cale tele ma pilin, aka i wi kom ma dhum oyido nitie gima cale dhano.

Ezekiel 3:27

To ka aluwo kodin, alayawo dhokin, aka ilawaco rijo ni, ‘Rwoth Were waco ama.’ Ŋata lawinjo, owinji, to ŋat'okwer winjo, wokwer; kole jobedo ot ma gwenyirok.”

Ezekiel 33:22

Onyo pama cingi Rwoth otieko bedo kwoŋan othieno mafodi jokwalok me jok'obino; aka oyido atieko yawo dhokan i hongo ma jalo obin'iye bongan odikin; kole dhokan oyido oyawere, aka akibedo obadha kendo.

Daniel 12:8

Awinjo to oyido akiniaŋ; ameno apenjo ni, “Rwoth, aŋo ma lawok kwoŋ gime?”

Daniel 4:19

Daniel m'oyido ilwoŋo ni Beltesazar, obedo gi dhier, aka paro pere ocando go swa ma sawa acel. Kere owaco rigo ni, “Beltesazar, ikir'iwey lek no kosa dwoŋ mere wocandi paro perin.” Beltesazar odwoko ni, “Jadwoŋ paran, weyi lek me wobedi ri jono ma jodakin kodi jokwor perin!

Daniel 7:15

An Daniel, cunyan oraman, aka menyirok me ocando paro paran.

Daniel 7:28

“Me gike ma menyirok no. Paka ri an Daniel, paro paran ocandan swa, aka cal paran olokere; to akano wac me i cunyan.”

Daniel 8:15

Munyo an, Daniel atieko neno menyirok, atemo niaŋ kwoŋe; kenyo aneno cal pa dhano m'ocungo ruwaŋan.

Daniel 8:17

Munyo go obino cegin kam'oyido acung'iye, abwok aka apodho t'ariere piny gi nyiman. To go owaco ran ni, “Awi wod dhano, niaŋ ni menyirok me obedo ma hongo ma rumacen.”

Daniel 8:18

Paka go oluwo kodan, nindo okwalan gi waŋan piny. To go ogeyan, to miyan ay malo cungo.

Daniel 8:27

An Daniel anyocere, aka abedo matwo ma ndelo mogo; kenyo aay malo timo tic pa kere. To oyido adhier gi menyirok, aka akiniaŋ kwoŋe.

Daniel 9:21

munyo fodi aluwo i kwayo, jacwo Gabriel m'oyido atieko neno i menyirok, obino bongan, munyo ay mayil yil i sawa ma miyo cowirok m'othieno.

Luka 1:64

Gikenyo won to Zekaria yawo dhoke to lewe gonyere, to cako luwo munyo foyo Were.

Luka 21:15

Kole abino miyo win wac kodi rieko ma ongoye jakwor mewin ma bino ciro kosa kwero gima wiwaco.

Yohana 20:28

Toma odwoko ni, “Rwoth paran kendo Were paran!”

Yosuwa 5:14

Ŋato odwoko ni, “Akibedo; to paka jamituka pa jolweny pa Rwoth, onyo atieko bino pama.” To Yosuwa podho gi nyime piny to lamo go, to waco rigo ni, “Ioro ŋeca perin timo aŋo, rwoth paran?”

Menyirok ri Yohana 1:13

aka i dier gigipiny no, aneno ŋati m'ocalo Wod Dhano, m'oruko kanzu mabor to karo i kore del ma zahabu.

Jothum Banja 13:8

Manowa okwayo Rwoth ka waco ni, “Cwakan Rwoth, to weyi jacwo pa Were m'ioro wobin bongi wan kendo fonjo wan gima waripo timo ri jayac ma lanywole.”

Jothum Banja 6:13

Gideon odwoko go ni, “Awi Rwoth paran, k'inen Rwoth nitie gi wan, raŋo gime je opodho kwoŋ wan? Nikune tim pere ma gir'aura je ma kwarere mawan jowaco riwan, ka joluwo nike Rwoth owodho jo wok i Misir? T'onyo pama Rwoth ojwango wan, aka omiyo wan i cingi Jomidian.”

Jothum Banja 6:15

Gideon odwoko ni, “Awi Rwoth paran, anobothi nedi Joisiraili? Neni, peco pa baba jacandi i nono pa Manase, aka an, asisiri i ot pa baba.”