Daniel 10:11 - KITAWO MALEŊ

¹¹ Go owaco ran ni, “Awi Daniel, omarin swa, niaŋ wac m'akidho waco rin. Cungi gi tiendin, kole onyo atieko orin.” Munyo go luwo wac me ran, oyido acungo, k'akirin.

Daniel 10:11 ပူးပေါင်းရင်းမြစ်များ

Yobu 37:1

Adieri an bende mor pa koth miyan kirin, aka dhokan ŋamere.

Zabuli 45:11

aka kere bino mitin ro ŋono perin; go obedo rwoth perin, winji go.

Wer pa Solomon 7:10

Abedo apa jamitirok paran, aka go gomba an.

Ezekiel 14:14

Makada nende oyido Nowa kodi Daniel kodi Yobu, cwo adek me oyido jonitie i iye, dinyo jonyalo botho kwo pajo gi timo gim'otire, Rwoth Were waco.”

Ezekiel 2:1

Go owaco ran ni, “Wod dhano, ay malo icungi gi tiendin, aka alaluwo kodin.”

Daniel 10:19

Go owaco ran ni, “Awi jacwo m'omar swa, Ikir'ilwor, siem wobedi kodin, bedi matek, bedi matek.” Munyo go otieko luwo kodan, omiyan bedo gi meni, aka awaco ni, “Weyi rwoth paran woluwi, kole itieko miyan meni.”

Daniel 10:3

Akicamo cemo maleny, dhokan k'obilo riŋo kosa vini; aka akiwire gi mo, ma sabiti adek.

Mariko 16:8

Gikenyo jowok i kaliel gi ŋwec, rupiri lworo gi bwok oyido opoŋ kwoŋ jo. Aka jok'owaco kada ri nyatoro, rupiri oyido jothoth gi lworo.

Yohana 13:23

Acel kwoŋ jofonjirok ma Yesu omaro, onwaŋo bende obedo kabuti Yesu.

Yohana 21:20

Petero owire to neno jafonjirok man luwo jo ma Yesu omaro, ma ndir ca othenere bongi Yesu dhower to penjo ni, “Rwoth, ŋata kidho camo rin sereko?”

Tim pa Jomoor 26:16

Onyo ay icungi gi tiendin. Amenyere rin ma lokin jatic paran iwaci ri joman gim'omiyo konon inenan kodi giman je ma anonyuthin yuwaŋe.

Tim pa Jomoor 9:6

To ay malo ikidhi i tindi, kam'ibino waco rin'iye gim'inotimi”