Daniel 10:1 - KITAWO MALEŊ

¹ I oro mar'adek ma dhum pa Siras kere ma Pasia, wac omenyere ri Daniel m'oyido ilwoŋo bende ni Beltesazar. Wac me oyido obedo adieri aka mako kwoŋ lweny madwoŋ. Daniel oniaŋ wac me kwoŋbedo, olimo niaŋ kwoŋe i menyirok.

Daniel 10:1 ပူးပေါင်းရင်းမြစ်များ

Cakirok 41:32

Kiluda ma lek perin nyutho ni gime Were am'oketho, aka Were bino ketho i kare macegin.”

2 Kigana kwoŋ Kerin 36:22

I oro marapena ma dhum pa Kere Siras ma Pasia, wac ma Rwoth oyido otieko waco gi dhok Yeremia otundo i kare. Rwoth oguro cuny Kere Siras ma Pasia dhiro mikwenda i ker pere gipi aka owaco i ndiko ni,

Ezira 3:7

Ameno ji joculo jogeto kodi jopac pesa, aka jowilo kasike yen sida gi cemo, vini kodi mo wok i tindin madongo Tire gi Sidon. Okeli kasike me piny wok wi gote ma Lebanon luwo gi nam kiri Yopa. Gime je otimere gi cik pa Siras, kere ma Pasia.

Ezira 4:3

To Zerubabel, Yesuwa kodi jotel nonin jodwoko jo ni, “Wakimiti kony mewin geto ot ri Rwoth Were mawan. Wan wegi walageto, paka Siras, Kere ma Pasia owodho or riwan.”

Ezira 4:5

Jo bende jonyewo jodhum ma Pasia geŋo can pajo. Jomedo timo gime i hongo ma dhum pa Siras kiri i dhum pa Dario.

Ezira 6:14

Ameno jotel pa Joyuda jogeto aka jomedere maber kareno jotuci wac Were Hagay gi Zekaria jomedo jo meni. Jocowo geto Ot pa Were paka Were pa Isiraili oyido owodho or rijo, gi or pa Siras, Dario gi Aritakises kerin ma Pasia.

Ezira 6:3

“I oro marapena ma dhum pere, Kere Siras owodho or ni wogeti kendo Ot pa Were i Yerusalem paka kabedo ma miyo cowirok gi mic awaŋa. Ot pa Were ripo bedo mita piero ario g'ario i ŋawirok kodi piero ario g'ario i laco.

Isaya 44:28

Go ma waco ri Siras ni, “Jakwath paran, aka lamiyo atoŋa paran je wotundi i kare.” Go waco bende ri Yerusalem ni, “Ilageto go kendo.” To waco ri Ot pa Were ni, “Ilajengo misingi perin.”

Daniel 1:17

Were omiyo yac aŋwen me bedo gi ŋeyo, niaŋ ndiko je kodi rieko. Daniel oyido nitie gi niaŋ kwoŋ menyirok je kodi lek.

Daniel 1:21

Daniel odoŋ kenyo kiri i oro marapena ma dhum pa Kere Siras.

Daniel 1:7

Jatel ma muluwir ocwoko rijo nyingi jo. Ri Daniel olwoŋo go Beltesazar, ri Hanania olwoŋo go Sadirak, ri Misael olwoŋo go Misaki, aka Azaria olwoŋo go Abedinego.

Daniel 10:14

Abino miyin niaŋ gima latimere ri ji perin i ndelo ma rumacen. Kucel menyirok latero ndelo kweth.”

Daniel 11:2

Aka onyo pama alawaco riwin adieri. Kerin adek man jolaay i Pasia. Kere mar'aŋwen labedo gi ŋaŋo loyo wadi, aka k'otieko lokere matek gi ŋaŋo pere, go lamiyo kisi dhano lweny gi ker ma Gris.

Daniel 12:4

To in, Daniel, kur wac me manyaliŋliŋ aka mwon i kitawo cuka hongo ma gike; ji kweth jolawoth kadho gi dwoko, aka rieko lamedere.

Daniel 12:9

Go odwokan ni, “Awi Daniel, kadhi, wac me okan nyaliŋliŋ aka omwon tundo i hongo ma gike.

Daniel 2:21

Go wiro hongo kodi ndir, kwanyo woko kerin aka ketho man, miyo rieko ri jomariek, kodi ŋeyo ri joma niaŋ.

Daniel 4:8

I cowe mere Daniel, ma nyinge obedo Beltesazar, paka nyingi were paran, go m'opoŋ gi cuny pa Were maleŋ obino ruwaŋan, t'awaco rigo lek no:

Daniel 5:12

Daniel, ma kere oyido ocwoko rigo nyinge ni Beltesazar oyido nitie gi cuny ma gir'aura, ŋeyo, niaŋ, tito dwoŋ ma lek, sikoiyiko, kodi thango gim'opanere; aka go latito rin dwoŋ ma gime je.”

Daniel 5:17

Daniel odwoko ka waco ruwaŋ kere ni, “Weyi mic perin wodoŋ rin, aka miy ŋatiman kemba perin; kucel alakisoma ri kere ndiko kodi tito dwoŋ mere.

Daniel 6:28

Ameno Daniel me oyindira i hongo ma dhum pa Dario, kodi i hongo ma dhum pa Siras Japasia.

Daniel 8:16

Kenyo awinjo dwondi dhano lwoŋo i dier coŋino ma Ulai ni, “Gabriel, miy jal me woniaŋi kwoŋ menyirok.”

Daniel 8:26

Menyirok ma wor kodi odikin m'owaci rin me obedo adieri, riameno iripo kano nyaliŋliŋ kwoŋbedo latero ndelo kweth mafodi k'otundo i kare.”

Luka 1:20

To paka ikiyeyo mikwenda paran, ma bino timere i ndir mere, ikibino luwo cuka ndelo ma gigipiny me otimer'iye.”

Menyirok ri Yohana 19:9

Gikenyo malaika owaco ran ni, “Ndiki gime: Josilwany a jom'olwoŋ i kalima ma nywomirok pa Nyathi rombo.” Malaika no omedo waco ni, “Me obedo wac mar'adieri mapa Were.”