Daniel 1:7 - KITAWO MALEŊ

⁷ Jatel ma muluwir ocwoko rijo nyingi jo. Ri Daniel olwoŋo go Beltesazar, ri Hanania olwoŋo go Sadirak, ri Misael olwoŋo go Misaki, aka Azaria olwoŋo go Abedinego.

Daniel 1:7 ပူးပေါင်းရင်းမြစ်များ

Cakirok 41:45

Aka Farawo ocwoko nyingi Yozefu ni Zafenath Paneya to miyo go dhako m'ilwoŋo ni Asenath nyar Potifera jacway ri Were i wi migam ma Oni. Ameno Yozefu owotho i lowo ma Misir gipi.

2 Kerin 23:34

Farawo Neko oketho wod pa Yosia m'ilwoŋo ni Eliakim kere ma Yuda lunjo Yosia aka owiro nyinge ni Yekoyakim. Neko otero Yehoahaz i Misir to tho kenyo.

2 Kerin 24:17

Kenyo Nebukadineza oketho ner Yehoyakin m'ilwoŋo ni Matania bedo kere ma Yuda aka owiro nyinge ni Zedekia.

Daniel 1:19

Kere oluwo gi jo, aka kwoŋ yac je ongoye ŋat'onwaŋ m'oyido pimere gi Daniel, Hanania, Misael, kodi Azaria. Riameno jotiyo ruwaŋ kere.

Daniel 1:3

Kere Nebukadineza owodho or ri Asipenaz jatel ma muluwir pere kelo Joisiraili mogo ma jowok i peco pa kere kodi jodhum.

Daniel 10:1

I oro mar'adek ma dhum pa Siras kere ma Pasia, wac omenyere ri Daniel m'oyido ilwoŋo bende ni Beltesazar. Wac me oyido obedo adieri aka mako kwoŋ lweny madwoŋ. Daniel oniaŋ wac me kwoŋbedo, olimo niaŋ kwoŋe i menyirok.

Daniel 2:26

Kere odwoko ka penjo Daniel, m'oyido ilwoŋo ni Beltesazar ni, “Inyalo waco ran lek m'aleko kodi dwoŋ mere?”

Daniel 2:49

Daniel oketho kwac pere ri kere, aka oyero Sadirak, Misaki, kodi Abedinego bedo i tel i Babilon. To Daniel odoŋ i waŋkac pa kere.

Daniel 4:5

Aleko lek m'obwokan swa; aka paro kodi menyirok m'obino ran i kanindo ocandan.

Daniel 4:8

I cowe mere Daniel, ma nyinge obedo Beltesazar, paka nyingi were paran, go m'opoŋ gi cuny pa Were maleŋ obino ruwaŋan, t'awaco rigo lek no:

Daniel 5:12

Daniel, ma kere oyido ocwoko rigo nyinge ni Beltesazar oyido nitie gi cuny ma gir'aura, ŋeyo, niaŋ, tito dwoŋ ma lek, sikoiyiko, kodi thango gim'opanere; aka go latito rin dwoŋ ma gime je.”