Daniel 1:19 - KITAWO MALEŊ

¹⁹ Kere oluwo gi jo, aka kwoŋ yac je ongoye ŋat'onwaŋ m'oyido pimere gi Daniel, Hanania, Misael, kodi Azaria. Riameno jotiyo ruwaŋ kere.

Daniel 1:19 ပူးပေါင်းရင်းမြစ်များ

Cakirok 41:46

Yozefu oyido jaoro piero adek munyo ocako tic ri Farawo kere ma Misir.

1 Kerin 17:1

Ndelo acel jatuci wac Were m'ilwoŋo ni Elia ma wok i Tisibe iy'adec ma Giliad owaco ri kere Ahab ni, “I nyingi Rwoth Were makwo, m'abedo ŋeca pere nike thoyo kosa koth k'ocwe ma oro ario kosa adek ma bino cuka anowaci ameno.”

Agecin 22:29

Jono ma jotimo tic gi kinen, jolatic ri kerin, aka jokilatiyo ri ji ma kisi ndelo.

Yeremia 15:19

Riameno Rwoth waco ama: “K'inogiki, aladwokin cen, aka ilacungo ruwaŋan. K'inotuci gima dicwe, makiweno gima sisiri, ilatimo tic paka dhokan. Jo ama jolagik bongin, to ikilagik bongi jo.

Daniel 1:18

I gike ma oro adek ma kere oyido owaco nike wokel'iye jo, jatel ma muluwir okelo jo ruwaŋ kere Nebukadineza.

Daniel 1:4

Yac ma jongoye gi ŋolo aka joŋon, ma jonitie gi rieko kweth, ŋeyo kodi niaŋ, jonyalo tiyo i muluwir pa kere; aka inyalo fonjo jo ndiko kodi dhodhok pa Jokaldin.

Daniel 1:5

Kere oyero rijo pith ma kisi ndelo wok kwoŋ cemo ma kere won camo kodi vini ma go madho. Oyido iripo fonjo jo ma oro adek, aka rumacen wokel jo ruwaŋ kere.

Daniel 1:6

Kwoŋ yac me obedo yac ma Yuda, Daniel, Hanania, Misael kodi Azaria jonono pa Yuda.

Daniel 1:7

Jatel ma muluwir ocwoko rijo nyingi jo. Ri Daniel olwoŋo go Beltesazar, ri Hanania olwoŋo go Sadirak, ri Misael olwoŋo go Misaki, aka Azaria olwoŋo go Abedinego.

Daniel 2:13

Munyo or owok nike woneki cwo mariek, orangi Daniel kodi wadi neko jo.

Daniel 3:29

“Riameno amiyo or: Ji mogo je, nono mogo je, kosa dhodhok m'oluwere kwoŋ Were pa Sadirak, Misaki, kodi Abedinego ilatoŋo mathindho thindho t'isika woko udi pajo; kole ongoye were manyalo botho i nger me.”