Cakirok 38:24 - KITAWO MALEŊ

²⁴ Munyo dwe ma romo adek okadho, owaci ri Yuda ni, “Ciwodin Tamar otimere pa malaya, aka onyo ogamo iye.” Yuda owaco ni, “Wodhi win go wowaŋ.”

KITAWO MALEŊ Catholic

²⁴ Munyo dwe ma romo adek okadho, owaci ri Yuda ni, “Ciwodin Tamar otimere pa malaya, aka onyo ogamo iye.” Yuda owaco ni, “Wodhi win go wowaŋ.”

Cakirok 38:24 ပူးပေါင်းရင်းမြစ်များ

Cakirok 20:3

Wor acel Were onenere ri Abimelek i lek, aka owaco rigo ni, “Neni itieko tho rupiri dhako m'ibedo gine otieko nywomere.”

Cakirok 20:7

Pama onyo, dwoki dhako no ri cwore, rupiri go obedo jatuci wac Were, aka bino kwayo rin, ŋey ikir'itho. To k'ikidwoko go, ŋey nike ibino tho gi kisi gimoro perin je.”

Cakirok 20:9

Kenyo Abimelek olwoŋo Abraham, aka owaco rigo ni, “Aŋo m'itimo riwan me? Raco aŋo m'atimo rin m'omiyo ikelo kwoŋan gi ker paran teko me? Itimo ran gim'oyido kiber ni itimi ran.”

Cakirok 34:31

To jodwoko go ni, “Go nyalo tero nyamin wan paka malaya?”

Cakirok 38:23

Yuda odwoko ni, “Weyi go wokur gigipiny no, paka apere, ji jokiri jowonyer wan. Adhiro rigo diel me, t'ikinwaŋo go.”

2 Samwiri 12:5

Kenyo nge omako Daudi gi jaŋaŋo aka owaco ni, “Akwoŋere i nyingi Rwoth makwo ni jacwo m'otimo gime ripo wotho;

2 Samwiri 12:7

Nathan owaco ri Daudi ni, “Ibedo jacwo no. Aka me a gima Rwoth Were pa Isiraili waco, ‘Ayerin bedo kere ma Isiraili, aka abothin wok i cingi Saulo.

Jafonji 7:26

Anwaŋo gimakec loyo tho; dhako m'obedo bwo, ma cunye obedo bwo gi twec. Ŋata siemo Were kwale kwoŋe, to mako ŋata timo reco.

Yeremia 2:20

Rwoth Were waco ni, “Isiraili, cango con ikwero meni paran t'ikwero woran gi laman t'iwaco ni, ‘Ak'otim, alatimo kibenga ayin’. I wi kisi tendere m'oŋawere je, kodi i tiendi yath manyaboke pendi je, iwaya i iye t'inindo kodin paka malaya.

Yeremia 3:1

Ka jal moro oriemo cege to dheno weyo go to lokere cipa ŋatiman, jalo nyalo gik bonge? Nger lowo no kinyal kocirok kicutho? Itieko nindo gi cwo kweth; onyo iparo ni inyalo dwoko bongan? Rwoth waco.

Yeremia 3:6

Rwoth owaco ran i hongo ma dhum pa Kere Yosia ni: “Itieko neno gima go otimo, dhako ma weyan, Isiraili, nger ma go oidh'iye i wi kisi tendere mabor kodi i kisi tiendi yath manyaboke pendi, to timo cot kenyo?

Yeremia 3:8

Yuda oneno ni ariemo woko Isiraili t'adhiro go bor rupiri go oyido oweyan aka go oyido olokere malaya. To Yuda nyamin go ma jabanirok k'olworo. Go bende olokere malaya

Ezekiel 16:15

To iasa ketho cunyin kwoŋ ŋono perin, aka itimo malaya kwoŋbedo ioro ŋeyirok perin ma timo malaya gi ŋata luwo je.

Ezekiel 16:25

Igeto kalamo i cakirok ma royo je aka itimo malaya gi ŋono perin, t'ithango kinyoro perin ri kisi ŋata luwo, aka malaya perin omedere.

Ezekiel 16:26

Itimo malaya gi Jomisir, joger perin ma jokidakana, medo malaya perin, ma kwinyo nge paran.

Ezekiel 16:28

Itimo malaya gi Joasiria, kwoŋbedo iyin lac, itimo malaya gi jo, to ikiyeŋ.

Ezekiel 16:41

Jolawaŋo udi perin gi mac to jomiyin gir'acula ka mon kweth joneno gi waŋ jo. Alamiyin weyo timo malaya kodi weyo miyo jomitirok perin mic.

Ezekiel 23:19

Kucel go omedere timo malaya loyo, timirok paka munyo go fodi obedo nyako, munyo go obedo malaya i Misir.

Ezekiel 23:44

Kucel jotieko donjo kwoŋe, paka cwo jodonjo kwoŋ malaya. Ameno apaka jodonjo i iy Ohola kodi Oholiba, mon ma cot oloyo kor jo.

Ezekiel 23:5

Ohola otimo malaya kareno go fodi obedo aparan; aka otimo nyacwo gi jomitirok pere Joasiria, jolweny.

Hoseya 2:5

Kole min jo timo kidakana; go m'ogamo jo i iye otimo giwickwot. Kole go owaco ni, “Aladwaro jomitirok paran; jo ama jomiyan cemo gi pi, yer rombo paran gi law mafoth, mo paran gi gir'amadha paran.”

Hoseya 3:3

T'awaco rigo ni, “Iripo doŋ paka aparan ma ndelo kweth; Ikir'itim kidakana, ikir'inindi gi jacwo man, kosa gi an won.”

Hoseya 4:15

Kada witimo gikidakana, win Joisiraili, wikiri wimiy Yuda wolokere jabanja. Wikiri widonji i Gilgal, kosa wiidhi i Bethaven, aka wikiri wikwoŋere ka wiwaco ni, “Paka Rwoth kwo”.

Jolevi 20:10

Jacwo m'otimi cot gi cipa nyawote, joje iripo neko jo adieri.

Jolevi 21:9

Aka nyar jacway ri Were i wi migam, ka go okocere gi kidakana, meno koco bamere bende, wowaŋ go gi mac.”

Joroma 14:22

In gi yeyo? Ere maki yeyo perin no paka gim'iwon iridho ruwaŋ Were. Jasilwany a ŋata kiwinji banja i cunye ka timo gima go ofoyo!

Kitawo mar'abic mapa Musa m'ilwoŋo ni Cik 24:16

Jonywol kiripi neko jo ro nyithindho pajo, aka nyithindho kiripi neko jo ro jonywol pajo. Kisi dhano je won wotho ro reco pere.

Jothum Banja 19:2

To malaya pere omako gine, to weyo go kadho i ot pa bamere i Bethelehem i Yuda, to bedo kenyo ma dwe aŋwen.