Cakirok 22:12 - KITAWO MALEŊ

¹² Malaika owaco ni, “Ikir'ikethi cingin kwoŋ jayac, kosa ikir'itim rigo gimoro je. Pama onyo aŋeyo ni ilworo Were, rupiri ikithwono go nyaka wodin acel.”

KITAWO MALEŊ Catholic

¹² Malaika owaco ni, “Ikir'ikethi cingin kwoŋ jayac, kosa ikir'itim rigo gimoro je. Pama onyo aŋeyo ni ilworo Were, rupiri ikithwono go nyaka wodin acel.”

Cakirok 22:12 ပူးပေါင်းရင်းမြစ်များ

Cakirok 20:11

Abraham odwoko ni, “Atimo rupiri oyido aparo ni ji ma ka jokilwor Were kada mathin, aka jobino nekan ro dhako paran.

Cakirok 22:13

Abraham otiŋo waŋe malo, aka oneno wod rombo m'omoko i dudi m'oyukino gi tunge yuŋey go. Aka Abraham okidho to kwanyo wod rombo to miyo paka mic awaŋa kapa wode.

Cakirok 22:16

aka owaco rigo ni, “An won akwoŋere, aka Rwoth waco ni, rupiri itimo gime aka ikithwonan wodin acel g'acel,

Cakirok 22:2

To Were waco rigo ni, “Kwany wodin, wodin acel g'acel Isaka m'imaro swa, aka ikadhi i piny Moria, t'imiyan go paka mic awaŋa wi got m'anowaci rin.”

Cakirok 26:5

Rupiri Abraham owinjo dwondan, to luwo cik gi or paran, abino miyin silwany.”

Cakirok 42:18

I ndelo mar'adek Yozefu owaco rijo ni, “An alworo Were, tim win gime aka wilakwo.

Nehemia 5:15

Jogavana ma jotelo dhumo ran oyido joketho bieto mapek kwoŋ ji, to jomiyo jo culo penzi feza piero aŋwen kisi ndelo ma cemo gi vini pajo. Kiri ŋecin pajo je oyido jodiyo ji. To, akitimo ameno, kwoŋbedo oyido alworo Were.

Yobu 1:1

Cango obedo jacwo moro i lowo ma Uz m'ilwoŋo ni Yobu.

Yobu 28:28

Were owaco ri dhano ni, “Adieri, lworo Were, meno obedo rieko, aka weyo raco obedo niaŋ.”

Yobu 5:19

Go labothin kwoŋ teko aucel, iy'abirio ongoye raco ma lageyin.

Zabuli 1:6

Kole Rwoth kwonga, aka telo joma timo gim'otire, to jokidakana joluwo yo ma rerok.

Zabuli 111:10

Lworo Rwoth obedo cakirok ma rieko; jono ma joluwo Or pere jonigi niaŋ maber. Wopak go cil gi cil.

Zabuli 147:11

to Rwoth siemere i jono ma jolworo go, i jono ma jogeno i mar pere makiwire.

Zabuli 2:11

Tiyi win ri Rwoth gi lworo kodi kirin,

Zabuli 25:12

Ŋa ma lworo Rwoth? Ŋato ama Rwoth bino fonjo yo ma go ripo luwo.

Zabuli 25:14

Rwoth mako mere gi jono ma jolworo go, aka nyutho cikirok pere rijo.

Kitawo mar'ario mapa Musa m'ilwoŋo ni Wok 20:20

Musa odwoko ni, “Wikiri wilwor; kole Were obino temo win kodi miyo win winjo go, ŋey wikiri witim reco.”

Agecin 1:7

Lworo Rwoth obedo cakirok ma ŋeyo; to jomamiŋ jocayo rieko gi fonji.

Jafonji 12:13

Me gike ma wac, kisi gimoro je otiek winjo. Lwor Were, aka ikuri or pere, kole me gima ji je joripo timo.

Yeremia 19:5

aka jotieko geto migame ri Bal ma waŋo nyithindho pajo i mac paka mic awaŋa ri Bal, m'akiwaco rijo kendo akiyere gine, kosa k'obino kada i paro paran.

Yeremia 32:40

Alatimo gi jo cikirok ma cil gi cil, ma akilaweyo timo rijo bero kendo. Alaketho lworo Were i cuny jo, ŋey jokiri jowowire kwoŋan kendo.

Malaki 4:2

To riwin ma wilworo nyingan, meni ma both paran bino wok kwoŋ win pa waŋceŋ to kelo both pa minyin ceŋ. Wibino bedo m'ogonyere aka gi kisangala paka nyathi dhiaŋ m'owodhi wok i kigo dhok.

Matayo 16:24

Gikenyo Yesu owaco ri jofonjirok pere ni, “Ka moro mito luwan, go won kutho ripo kwerere kende, wotiŋ musalaba pere, aka woluwan.

Matayo 19:29

Aka nyatoro je m'oweyo udi, kosa wutmin, kosa nyimin go, kosa bamere, kosa min, kosa nyithindho, kosa ndelin ro an, bino limo kendo dimiya acel, kanyacel gi kwo makirum.

Matayo 5:16

Riameno lero mewin bende ripo menyo iye je ŋey ji jowoneni gima beyo ma witimo to jopako Bawin man polo.

Yohana 3:16

Kole Were omaro piny tektek to miyo Wode acel g'acel, ni nyatoro je ma yeyo go wokiri wotho to wobedi gi kwo makirum.

Tim pa Jomoor 9:31

Gikenyo kitipa pa jom'oyeyo i Yuda gipi kodi Galili kodi Samaria obedo gi hola ma siem. Jokonyere aka jodongo i welo ro kony pa Cuny Maleŋ, munyo jowotho i kwo ma lworo Were.

Joroma 5:8

To Were otieko nyutho wan paka omaro wan, rupiri munyo fodi wabedo joreco, Kristo otho riwan.

Joroma 8:32

K'inen Were k'ogwoko kiri Wode won, to omiyo go ri wajoje! Onyo go k'omiy wan gimoro je nono kanyacel gi Wode?

1 Jokorintho 10:13

Ongoye karatem moro je ma bino riwin ma kicale gi ma bino ri dhano je. Kole Were genere, aka k'oyey karatem ma bino riwin wokadhi kor win, to ka karatem moro obino, go bino miyo win royo ma both aka ŋey winyal ciro.

2 Jokorintho 8:12

Kole ka win gi maro ma miyo mic, Were bino jolo mic mewin cungo kwoŋ gima winitie gine amiya, makiweno kwoŋ gima wingoye gine.

Joebulaniya 11:19

Abraham oparo nike Were nyalo cerino dhano kwoŋ jom'otho. Am'omiyo i kite ma luwo, cal pa Abraham ojolo Isaka munyo wok bongi jom'otho.

Joebulaniya 12:28

Am'omiyo, rupiri wakidho limo ker ma kinyal yengere, weyi wafoy win Were to walamo go i royo ma sangala go, gi bwonirok gi lworo;

Yakobo 2:18

To moro kwoŋ win bino waco ni, “Kole in gi yeyo; aka an gi tim.” Meno adwoko ni: “Nyuthan paka inyalo bedo gi yeyo m'ongoye tim; to an abino nyuthin yeyo paran i tim paran.”

Menyirok ri Yohana 19:5

Gikenyo dwondi nyatoro owok i kom ma dhum ma waco ni, “Paki win Were mawan, win jotic pere je, gi ji je, jomadongo gi mathindho ma jolworo go!”

1 Samwiri 15:22

Samwiri openjo Saulo ni, “Ginaŋo ma sangala Rwoth? Winjo dwondi Rwoth, kosa mic gi cowirok awaŋa, winjo Rwoth ber loyo cowirok, aka winjo go loyo bor rombo.