Cakirok 21:8 - KITAWO MALEŊ

⁸ Aka munyo Isaka oweyo dhoth, Abraham otimo kalima madwoŋ swa.

KITAWO MALEŊ Catholic

⁸ Aka munyo Isaka oweyo dhoth, Abraham otimo kalima madwoŋ swa.

Cakirok 21:8 ပူးပေါင်းရင်းမြစ်များ

Cakirok 19:3

To Loti medere ywak rijo swa, aka jowire bonge to jodonjo i ot pere. Loti otimo rijo kalima, aka otedo rijo mugat ma buthow to jocamo.

Cakirok 21:7

To Sara doko medo waco ni, “Ŋa m'oyido d'onyal waco ri Abraham ni Sara nyalo pidho nyithindho? Kucel onyo anywolo rigo wode i tiyo pere.”

Cakirok 21:9

Ndelo acel, Sara oneno wod pa Hagar Jamisir tuko gi wode Isaka.

Cakirok 26:30

Isaka otimo rijo kalima, aka jocemo to jomedho.

Cakirok 29:22

Ameno Laban ocoko kanyacel cwo ma kabedo no, aka otimo kalima.

Cakirok 40:20

I ndelo mar'adek, m'oyido obedo ndelo ma poyo nywolirok pa Farawo, otimo kalima ri ŋecin pere je, aka ogonyo jatel pa jotimi vini kodi jatel pa jotedi mugat.

2 Samwiri 3:20

Munyo Abuner obino bongi Daudi Hebron gi cwo piero ario, Daudi otimo rijo kalima.

1 Kerin 3:15

Solomon ocew aka oniaŋ nike Were oluwo gi go i lek. Kenyo obino i Yerusalem, aka ocungo ruwaŋ Kakan ma Cikirok pa Rwoth aka omiyo cowirok awaŋa gi cowirok ma siem. Rumacen otimo kalima ri jodhum pere je.

Esita 1:3

I oro mar'adek ma dhum pere, kere otimo kalima madwoŋ swa ri jodhum kodi jotel pere. Jolweny ma Pasia kodi Mediya, jotel kodi rwodhe mar'adec je olwoŋi jo i kalima me.

Zabuli 131:2

Kwanyowoko amwole aka anitie i siem. Paka nyathi nindo m'oliŋ i cingi yok mere, ameno apaka cunyan oliŋ.

Hoseya 1:8

Munyo Goma otieko cero Loruhama dhoth, ogamo iye kendo to nywolo wode.

Jothum Banja 14:10

Bamere oloro piny bongi dheno, to Samson timo kalima kenyo paka yac di jotimi.

Jothum Banja 14:12

Samson owaco rijo ni, “Mondo weyi agoy riwin sikoiyiko. Ka winonyali tito dwoŋ mere i ndelo abirio ma kalima, nyaka alamiyo win nangin mafoth piero adek kodi nangin ma kalima piero adek.”

1 Samwiri 1:22

To rume Hana k'okidho gi jo, kole go owaco ri cwore ni, “Kur tekin go owey dhoth abino tero go i Ot pa Rwoth.”

1 Samwiri 1:24

Munyo go otieko weyo dhoth, jokidho Silo, aka jotero rwath ma jaoro adek, agono acel ma moko, gi pien dhiaŋ m'opoŋ'iye vini, aka jotero Samwiri ma fodi go ŋic i Ot pa Rwoth Silo.

1 Samwiri 25:36

Abigayili odok peco to nwaŋo munyo Nabal otimo kalima madwoŋ paŋini apa kere. Nabal oyido omer aka yodere; riameno Abigayili k'owaco rigo gimoro je tundo odikin.