Cakirok 15:1 - KITAWO MALEŊ

¹ Rumacen ma gigipiny me, wac pa Rwoth obino ri Abram i menyirok ni, “Ikir'ilwor Abram, abedo kwot perin, kemba perin bino bedo madwoŋ.”

KITAWO MALEŊ Catholic

¹ Rumacen ma gigipiny me, wac pa Rwoth obino ri Abram i menyirok ni, “Ikir'ilwor Abram, abedo kwot perin, kemba perin bino bedo madwoŋ.”

Cakirok 15:1 ပူးပေါင်းရင်းမြစ်များ

Cakirok 15:2

To Abram odwoko ni, “Awi Rwoth Were, aŋo m'inomiyan m'angoye gi nyathi, aka Elieza ma Damasiko ama lalunjo peco paran?

Cakirok 15:4

Aka neni, wac pa Rwoth obino rigo ni, “Ŋeca me Elieza ama kilalunjin; wodin won ama lalunjin.”

Cakirok 21:17

Were owinjo dwondi nyathi, aka malaika pa Were olwoŋo Hagar wok i polo to penjo go ni, “Aŋo ma ramo cunyin Hagar? Ikir'ibedi gi lworo, rupiri Were otieko winjo dwondi nyathi kama go ywak'iye.

Cakirok 22:1

Rumacen ma gigipiny me, Were otemo Abraham, aka olwoŋo go ni, “Abraham!” Abraham odwoko ni, “An e!”

Cakirok 22:20

Rumacen ma gigipiny me, owaci ri Abraham ni Milika oyido onywolo nyithindho aboro ri omin go Nahor.

Cakirok 26:24

Wor no Rwoth omenyere rigo aka owaco ni, “Abedo Were pa benin Abraham, ikir'ilwor, rupiri anikodin aka abino miyin silwany t'amedo nyikwayin ro ŋeca paran Abraham.”

Cakirok 31:7

kucel bawin otieko kwalan to wiro cul paran dipar. To Were k'oyeyo go miyan litho.

2 Samwiri 22:3

Were paran obedo tele paran, i go a kapondo paran. Kwot paran, aka meni paran ma bothi, kapondo paran, jaboth paran; ma bothan wok iy'akaka.

2 Kerin 1:15

Kenyo malaika pa Rwoth owaco ri Elia ni, “Lori piny gi go Ikir'ilwor.” Ameno Elia oloro piny gi jatel pa jolweny bongi kere

1 Kigana kwoŋ Kerin 28:20

Kere Daudi owaco ri wode Solomon ni, “Bedi matek aka jamisen. Cak tic aka wongoye gima wogeŋin, kole Rwoth Were, Were paran nitie kodin. Go kilaweyan, to labedo kodin cuka inocow tic je ma Ot pa Were.

Zabuli 115:10

Awi ot pa Aron, kethi geno perin i Rwoth! Go obedo kony perin gi kwot perin.

Zabuli 119:114

Ibedo kapondo paran gi kwot paran, aketho geno paran i wac perin.

Zabuli 142:5

Aywak rin, Awi Rwoth, awaco ni iŋat'ibedo kapondo paran, adec paran i piny pa ji makwo.

Zabuli 18:2

Rwoth obedo tele paran, kapondo paran aka jaboth paran. Were paran obedo tele paran, i go a kapondo paran. Kwot paran, aka meni paran ma both, kapondo paran.

Zabuli 27:1

Rwoth obedo lero paran aka bothi paran, anolwor ŋa. Rwoth obedo kapondo ma kwo paran, ŋa m'obwokan.

Zabuli 3:3

To in Rwoth, ibedo kwot paran i teko, imiyan dwoŋ, aka iŋat'itiŋo wiyan malo.

Zabuli 3:4

Aywak malo ri Rwoth, aka go dwokan gi wi got pere maleŋ.

Zabuli 5:12

Kole imiyo joma timo gim'otire silwany, Awi Rwoth ikwonga jo gi mari perin paka gi kwot.

Zabuli 58:11

Ji jolawaco ni, “Adieri nitie kemba pa joma timo gim'otire; adieri nitie Were ma thumo banja ri piny”.

Zabuli 84:11

Rwoth Were obedo waŋceŋ kodi kwot, miyo wan silwany, wor gi dwoŋ. Go kithwon jono ma jotimo gim'otire, gimaber.

Zabuli 84:9

Miy kere mawan silwany, Awi Were, kere m'itieko yero.

Zabuli 91:4

Go bino umin gi bwombe, aka ibino nwaŋo bonge kapondo, Were timo adieri go bino kikwonga in to gwokin.

Kitawo mar'ario mapa Musa m'ilwoŋo ni Wok 14:13

Musa odwoko ji ni, “Wikiri wilwor, cungi win matek, aka Rwoth bino botho win konon. Jomisir ma wineno me wikibino neno jo kendo.

Agecin 11:18

Ongoye gima jakidakana limo, to jono ma jocwoyo tiro jolimo kemba.

Agecin 30:5

Kisi wac pa Were tundo i kare, go obedo kwot ri jono ma jopondo i go.

Isaya 35:4

Waci ri jono ma cuny jo lwor ni, “Bedi win jomeni, wikiri wilwor! Were mewin ee, go bino botho win, go bino miyo jokwor mewin gir'acula.”

Isaya 40:10

Neni, Rwoth Were bino gi meni, go bino dhumo gi meni; kemba pere nigi go, aka cul pere nitie ruwaŋe.

Isaya 41:10

Ikir'ilwor, kole anitie kodin, ikir'ibwoki, kole abedo Were perin, alamedin meni, alakonyin, alamakin gi cingan maracuc ma turo lweny.

Isaya 41:14

Rwoth waco ni, “Makada nende ithin aka inyap rin, Isiraili, Ikir'ilwor, alakonyin. An, a Were maleŋ pa Isiraili, aŋat'abothin.

Isaya 43:1

T'onyo pama Rwoth waco, ŋat'ocweyin, Awi Yakobo, ŋat'otimin, Awi Isiraili. Ikir'ilwor, kole atieko bothin atieko lwoŋin gi nyingin, ibedo aparan.

Isaya 43:5

Ikir'ilwor, kole anikodin, alakelo nyithindhin wok yuwok ceŋ, t'acoko win wok yupodho ceŋ.

Isaya 44:2

Rwoth m'ocweyin waco ama, go m'otimin i ici aka lakonyin. Ikir'ilwor, awi Yakobo ŋeca paran, Yesurun m'atieko yero.

Isaya 44:8

Wikiri wikirin, kosa wibwok, fodi akiwaco riwin wok cene t'awodho kamaler? Wibedo jokony paran! Nitie were man je kwanyowoko an? Ongoye tele man, ongoye m'aŋeyo.”

Isaya 51:12

An, Rwoth, aŋat'ayomo cuny win, onyo in ŋa m'ilworo nyaka dhano ma tho, wod dhano ma cal lum.

Yeremia 39:17

To alabothin i ndelo no, Rwoth waco, aka kilakethin i cingi jono m'ilworo.

Ywakirok 3:24

Anitie gi Rwoth kende, atieko waco, riameno alageno go.

Ezekiel 1:1

K'abic ma dwe mar'aŋwen ma oro piero adek, kareno anitie i dier jotwec i thengi malawa Kebar, polo oyawere, aka aneno menyirok pa Were.

Ezekiel 11:24

Cuny otiŋan to kelan i menyirok gi cuny pa Were bongi jotwec i Kaldeya meno i Babilon, aka rumacen menyirok no oweyan.

Ezekiel 3:4

Go owaco ran ni, “Wod dhano, kadhi i ot pa Isiraili, aka iluwi wac paran rijo.

Kwan 12:6

To waco rijo ni, “Mondo winji win wac paran: Ka nitie jatuci wac Were i dier win, An a Rwoth, amiyo ŋeyirok paran rijo i menyirok; aluwo gi jo i lek.

Kwan 18:20

Kenyo to Rwoth waco ri Aron ni: “Ikir'ijol pok moro i lowo pajo, bende ikir'ijol lim moro je i dier jo; aŋat'abedo gim'iripo limo kodi gir'alunja perin i dier Joisiraili.”

Kwan 24:4

Me wac pa ŋata winjo wac pa Were, ŋata neno menyirok pa Jameni je, ma podho piny, to kareno waŋe oyawere.

Matayo 28:5

To malaika no owaco ri mon no ni, “Wikiri wilwor. Aŋeyo ni wirango Yesu ma ceŋino ogur kwoŋ musalaba.

Matayo 8:26

Yesu odwoko ni, “Wibwok ameno raŋo! Apaka yeyo mewin nok ama!” Gikenyo go oay malo to oro asur kodi wakawaka m'oyido tula kwe; aka gimoro je okwe maber.

Luka 1:13

To malaika owaco rigo ni, “Ikir'ibedi gi lworo Zekaria, kole Were owinjo kwayo perin, aka dhako perin Elizabeth bino nywolo rin wodin, aka ibino cwoko nyinge ni Yohana.

Luka 1:30

To malaika no waco rigo ni, “Maria, ikir'ibedi gi lworo, rupiri ijasilwany ruwaŋ Were.

Luka 12:32

“Wikiri wibedi malwor, nyaka rombo paran! Kole Bawin sangala gi miyo win Ker.

Tim pa Jomoor 10:22

Jowaco ni, “Jasirikale madwoŋ m'ilwoŋo ni Kornelio ama ooro wan. Go obedo ŋataber ma lamo Were aka Joyuda joworo go swa. Acel kwoŋ jomalaika pa Were owaco rigo nike wolwoŋin i ot pere, wonyali winjo gim'inowaci.”

1 Jokorintho 3:22

Paulo, kosa Apolo, kosa Petero, kosa piny me, kwo gi tho, kosa hongo ma pama kodi ma bino; me je mewin.

Kitawo mar'abic mapa Musa m'ilwoŋo ni Cik 18:2

Riameno jongoye g'alunja i dier wutmin jo; Rwoth am'obedo gir'alunja pajo, paka go ociko jo.

Kitawo mar'abic mapa Musa m'ilwoŋo ni Cik 31:6

Bedi win matek, bedi win jomiseni; wikiri wibedi gi bwok kosa wikirin ro jo, kole Rwoth Were mewin ama kadho gi win. Go k'owey win, kosa jwango win.”

Joebulaniya 1:1

I ndir m'okadho, Were oluwo gi kwarere mawan dikweth i royo m'omore gi i dhok jotuci wac pere,

Menyirok ri Yohana 1:17

Munyo aneno go, apodho dho i tiende pa ŋat'otho, to go ogeyan gi cinge maracuc to waco ni, “Ikir'ilwor gimoro, me an, an marapena kendo macowe odoko akwo;

Ruth 2:12

Rwoth womiyin kemba ro gim'itimo, aka kemba pere wobedi m'opoŋ; Rwoth Were pa Joisiraili m'ibino nwaŋo kapondo i bwombe”.

1 Samwiri 15:10

Rwoth oluwo wac pere won ri Samwiri ni,

1 Samwiri 9:9

Con mere i piny Isiraili, ka nyatoro okidho penjo kwoŋ Were, oyido waco ni, “Biye, weyi wakadhi bongi jawaci gima bino yuwaŋe.” Kole ŋata pama ilwoŋo ni jatuci wac Were con mere oyido ilwoŋo ni jawaci gima bino timere yuwaŋe.