Amos 9:8 - KITAWO MALEŊ

⁸ Neni, waŋ Rwoth Were nitie kwoŋ ker mareco me Isiraili, abino reyo woko wok i piny. T'akibino reyo woko nyikway Yakobo je.

KITAWO MALEŊ Catholic

⁸ Neni, waŋ Rwoth Were nitie kwoŋ ker mareco me Isiraili, abino reyo woko wok i piny. T'akibino reyo woko nyikway Yakobo je.

Amos 9:8 ပူးပေါင်းရင်းမြစ်များ

Cakirok 6:7

Ameno Rwoth owaco ni, “Abino reyo woko ji m'acweyo wok i piny, kodi ogwaŋe gi winyin, rupiri arem ni acweyo jo.”

Cakirok 7:4

Rupiri i ndelo abirio wok pama akidho dhiro koth ma lacwe ma odieceŋ piero aŋwen gi wor; ŋey worey woko kisi gima kwo m'acweyo.”

1 Kerin 13:34

Reco me i thenge pere okelo kisika gi reyo ker pere.

Agecin 15:3

Waŋ Rwoth nitie kisi kamoro, go neno ji mareco gi jomaber.

Agecin 5:21

Rwoth neno kisi tim pa dhano, aka menyo kisi kama go kadh'iye.

Yeremia 30:11

Kole anitie gi win, Rwoth waco, ma botho win; alaketho i gike nonin je m'akedho win i dier jo, to akilareyo woko win. Alamiyo win gir'acula paka ripo, aka ak'owey m'akimiyo win gir'acula.

Yeremia 44:27

Akidho neno nike teko opodho kwoŋ jo ma kibero. Ji je ma Yuda ma jobedo i piny Misir jolarere g'abor kodi kec m'ongoye ŋata ladoŋ.

Yeremia 46:28

Paka ri in, Yakobo ŋeca paran, ikir'ilwor, Rwoth waco. Kole anitie kodin. Alareyo woko nonin je kam'akedho win'iye, t'akilareyo win woko. Alamiyo win gir'acula ma ripo, kole akilaweyo m'akimiyo win gir'acula.

Yeremia 5:10

Woth i bibiro ma ndelo vini pere aka irey woko go, t'ikir'irey woko kicutho; jaki woko jange, rupiri jok'obedo apa Rwoth.

Hoseya 1:4

Rwoth owaco ri Hoseya ni, “Cwoki rigo nyinge ni Yezirel. Kole i hongo manok alamiyo gir'acula ri ot pa Yehu ro remo pa Yezirel, aka alaketho i gike ker ma dhum ma ot pa Isiraili.

Hoseya 1:6

Goma ogamo iye kendo to nywolo nyare. Rwoth owaco ri Hoseya ni, “Cwoki nyinge ni Loruhama; Kole Ak'omaki wor gi ot pa Isiraili kosa ak'ocwaki jo.

Yowel 2:32

Nyaka kisi ŋat'olwoŋ nyingi Rwoth bino both; kole wi Got Zayon kodi i Yerusalem, labedo gonyirok, paka Rwoth otieko waco, aka kwoŋ joma joboth, labedo jono ma Rwoth lwoŋo jo.

Amos 3:12

Me apaka Rwoth waco, paka jakwath rombo mayo simbwor tiendi rombo ario, kosa ithe, wok i dhoke, ameno apaka ji manok ma Samaria ibino bothio jo g'adec ma kitandin pajo ma kilaza.

Amos 7:17

“Riameno Rwoth waco rin ni, ‘Dhako perin bino lokirok malaya i tindi madwoŋ, aka wotin gi nyikin jobino tho g'abor. Lowo perin ibino poko t'imiyo ji man, aka in won ibino tho i piny makoc, adieri ibino kwanyo woko Joisiraili wok i piny pajo bedo jowiloka.’ ”

Amos 9:10

Joreco ma jonitie i dier ji paran, ibino neko jo i lweny. Jono je ma jowaco ni, “Were kilayeyo teko wopodhi kwoŋ wan.”

Amos 9:4

Ka jokwor pajo jokadhi gi jo paka jowiloka, abino wodho or t'ineko jo. Abino ketho waŋan kwoŋ jo ri raco makiweno bero.

Kitawo mar'abic mapa Musa m'ilwoŋo ni Cik 4:31

Kwoŋbedo Rwoth Were mewin obedo Were ma jakisa, go kilajwango win kosa reyo woko win, wiye k'owil gi cikirok m'otimo gi kwarere mewin m'okwoŋere rijo.

Kitawo mar'abic mapa Musa m'ilwoŋo ni Cik 6:15

kwoŋbedo Rwoth Were mewin, manitie gi win, obedo Were ma janyeko. Nge pa Rwoth Were mewin nyalo liel kwoŋ win aka nyalo reyo woko win wok i piny.