Amos 9:10 - KITAWO MALEŊ

¹⁰ Joreco ma jonitie i dier ji paran, ibino neko jo i lweny. Jono je ma jowaco ni, “Were kilayeyo teko wopodhi kwoŋ wan.”

KITAWO MALEŊ Catholic

¹⁰ Joreco ma jonitie i dier ji paran, ibino neko jo i lweny. Jono je ma jowaco ni, “Were kilayeyo teko wopodhi kwoŋ wan.”

Amos 9:10 ပူးပေါင်းရင်းမြစ်များ

Zabuli 10:11

Jokidakana joparo i cuny gin ni Were wiye owil, opano waŋe aka kilaneno jo.

Jafonji 8:11

Kwoŋbedo thumo banja kwoŋ tim marac kitim i kwakirok, riameno cuny ji oyikere timo gimarac.

Isaya 33:14

Joreco i Zayon jobwok, ji ma bu Were jokirin. Jowaco ni, “Ŋa i dier wan manyalo bedo kanyacel gi mac ma reyo jo? Ŋa i dier wan manyalo bedo kanyacel gi mac makitho cil gi cil?”

Isaya 5:19

Jono ma jowaco ni, “Weyi Rwoth wokwakere, weyi woredi timo tic pere, ŋey wanyal neno. Weyi atoŋa pa Were Maleŋ pa Isiraili worikere, weyi wobin, ŋey wanyal ŋeyo!”

Isaya 56:12

Jowaco ni, “Biye, weyi wanwaŋ vini, weyi wamadhi math matek ma romo wan, dikin lacale konon, madit ma kiwacere.”

Yeremia 18:18

Kenyo to ji jowaco ni, “Biye win watim gimoro ri Yeremia! Kole wak'ocandi jacway ri Were i wi migam ma fonjo wan, jomariek ma miyo wan rieko, kodi jotuci wac Were ma tuco mikwenda pa Were. Biye win, weyi wakel kwoŋe banja, aka weyi wakiri wawinji wac pere moro je.”

Yeremia 23:17

Jowaco noknok ri jono ma jobwono wac pa Rwoth ni, “Gigipiny lakadho riwin maber kodi ri ji je ma wiy gin tek ma wegi jotimo gima jomito, ka jowaco ni, ‘Ongoye teko ma lapodho kwoŋ win.’”

Yeremia 29:32

riameno Rwoth waco ama: Akidho miyo Semaya ja Nehelam kodi nyikwaye gir'acula. Go k'obedi kodi nyatoro moro je makwo kwoŋ ji me m'onen gimaber m'akidho timo ri ji paran, Rwoth waco, rupiri go otieko luwo gwenyirok kwoŋ Rwoth.”

Ezekiel 20:38

Alakwanyo woko jogwenyirok i dier win, kodi jono ma jotimo reco kwoŋan. Alawodho jo woko i lowo ma jobed'iye paka jopath, to jokiladonjo i lowo pa Isiraili. Kenyo wilaŋeyo ni An Abedo Rwoth.

Amos 6:1

Kidamba riwin ma wibedo i kwo mayom i Zayon, kodi jono ma joparo ni jonitie kama ber i Samaria. Win jotel madongo ma piny madwoŋ me Isiraili, win ma ji jobino bongi win rango kony.

Amos 6:3

Wikwero yeyo ni ndelo ma teko bino, to gima witimo coro ndelo no cegin.

Amos 9:8

Neni, waŋ Rwoth Were nitie kwoŋ ker mareco me Isiraili, abino reyo woko wok i piny. T'akibino reyo woko nyikway Yakobo je.

Mika 3:11

Jotel mere jothumo banja ro nyewirok, jocway ri Were i wi migam jotiyo ma cul, jotuci wac Were ma pesa, kucel jogoŋere kwoŋ Were to jowaco ni, “Rwoth nitie gi wan, teko k'opodhi kwoŋ wan.”

Zekaria 1:6

To wac paran kodi cik paran, m'amiyo or kwoŋe ri ŋecin paran jotuci wac Were, jok'onyalo kwarere mewin? Ameno wegi joŋuto to jowaco ama: Paka Rwoth pa lwak jolweny oyido ocano timo riwan, luwo kwoŋ yo mawan kodi tim mawan, ameno apaka go otiyo gi wan.

Malaki 3:15

Paka waneno, jokwoto ama josangala. Joreco nyaka jokitim maber, to ka jotemo Were jokwale.”

Malaki 4:1

Rwoth pa lwak jolweny waco ama: Kole neni, ndelo bino, ma jonoro je gi joreco jobino liel pa kanja. I ndelo no jobino liel woko, aka ongoye gima bino doŋ kwoŋ jo.