Amos 8:14 - KITAWO MALEŊ

¹⁴ Joma jokwoŋere gi Asima cal ma Samaria, aka jowaco ni, “Paka i kwo were ma Dan.” Kosa ma jokwoŋere gi were ma Berseba, jobino podho aka doko jok'oay.

KITAWO MALEŊ Catholic

¹⁴ Joma jokwoŋere gi Asima cal ma Samaria, aka jowaco ni, “Paka i kwo were ma Dan.” Kosa ma jokwoŋere gi were ma Berseba, jobino podho aka doko jok'oay.

Amos 8:14 ပူးပေါင်းရင်းမြစ်များ

1 Kerin 12:32

Yerobowam bende oketho kalima manyadini k'apar g'abic i dwe mar'aboro paka kalima m'oyido nitie i Yuda. I wi migam ma Bethel omiyo cowirok ri roci m'otimi gi zahabu, aka oketho kenyo jocway ri Were i wi migam tiyo i kalamo ma go oyido ogeto.

1 Kerin 14:16

Rwoth bino jwango Joisiraili rupiri Yerobowam otimo reco, to miyo Joisiraili bende timo reco.”

1 Kerin 16:24

Omiri onyewo tendere ma Samaria gi feza 6,000 wok bongi jacwo m'ilwoŋo ni Sema. Omiri ogeto tendere no, ogeto tindi kenyo aka ocwoko i nyingi Sema m'oyido won mere ni Samaria.

2 Kerin 10:29

To Yehu oluwo reco pa kere Yerobowam m'omiyo Isiraili timo reco ma lamo rwath dhok ma zahabu m'oketho i Bethel kodi i Dan.

2 Kigana kwoŋ Kerin 36:16

to jomedo ŋalo jomikwenda pa Were, cayo wac pa Were, kodi nyero jotuci wac Were pere, tundo kama keme pa Rwoth olokere madwoŋ kwoŋ jo to m'ongoye both.

Zabuli 140:10

Weyi cuk mac m'odheth wopodhi kwoŋ jo, weyi jowoyikere i bur, jokiri jowocerino kendo.

Zabuli 36:12

Neni kama jomarac jopodh'iye. Joriere kenyo ma jokinyal ay.

Agecin 24:16

Makada nende jopodhi dibirio, jolaay kendo, to teko reyo woko jokidakana.

Agecin 29:1

Ŋat'ipusa, kucel medo wictek, larere abwap ma kilaneno kendo.

Isaya 24:20

Piny tangatanga paka jamero, yengere paka simba, reco mere pek kwoŋe, aka podho ma koay malo kendo.

Isaya 43:17

go ma fudho woko cawila gi punda, jolweny gi janek apondi, jopodho piny, jokinyal ay, ineko jo, ikudho jo paka kitambi tala.

Yeremia 25:27

Kenyo to Rwoth waco ran ama: Waci ri ji ni Rwoth pa lwak jolweny, Were pa Isiraili waco ama: Medhi win, mer win to wiŋok. Podhi win piny to meni loyo win ma ay, kwoŋbedo abor m'adhiro i dier win.

Yeremia 51:64

t'iwaco ni, ‘Me a gima latimere ri Babilon, lamunyere, aka k'oay malo kendo, kwoŋbedo rerok ma Rwoth kidho kelo kwoŋe.’”

Hoseya 10:5

Joma bedo Samaria jokirin, ri cal pajo ma jolamo m'orwadhi piny i Bethaven, ji mere jolaywak rigo, aka jocway ri were pajo ma jolamo cal jolagoyo ndur i wiye, ro dwoŋ pere m'oweyo go.

Hoseya 13:16

Samaria labielo banja pere, kwoŋbedo go otieko gwenyere kwoŋ Were pere; abor laneko jo, nyithindho pajo ilaŋidho piny mathindho thindho, aka ilabaro iy mon pajo ma joyac.

Hoseya 13:2

Onyo pama jomedo timo reco, aka jotieko timo rijo wegi cal ma nyweny m'oleny, cal ma feza cungo kwoŋ niaŋ pajo, joje tic pa jondijo. Jowaco rijo ama: Ŋata miyo cowirok ma dhano cwiyo lembi cal!

Hoseya 4:15

Kada witimo gikidakana, win Joisiraili, wikiri wimiy Yuda wolokere jabanja. Wikiri widonji i Gilgal, kosa wiidhi i Bethaven, aka wikiri wikwoŋere ka wiwaco ni, “Paka Rwoth kwo”.

Amos 5:1

Winji win wac m'aketho kwoŋ win iywak ajore, Joisiraili.

Amos 5:2

Opodho, ma doko k'oay, Isiraili ma cale nyako mambula. Onindo m'ojwangere piny aka ongoye ŋat'okony go ay malo.

Amos 5:5

Wikiri wirangan i Bethel, aka wikiri widonji Gilgal, kosa wikiri wiŋadi to wikidho Berseba lamo. Rupiri ji ma Gilgal jobino bedo jowiloka, aka Bethel kilabedo gimoro.

Mika 1:5

Gime je obedo ro reco pa Yakobo, kodi ro reco ma ot pa Isiraili. Reco pa Yakobo obedo aŋo? K'obedo Samaria won? Aka reco ma ot pa Yuda obedo aŋo? K'obedo Yerusalem won?

Zefania 1:5

Rwoth lareyo jono je ma jolamo Lwak ma i polo wi ot, jono ma jokule piny to jokwoŋere i nyingi Rwoth, kodi jono ma jokwoŋere i nyingi were pajo Molek.

Tim pa Jomoor 18:25

Go oyido otiek fonjo go Yo pa Rwoth, aka gi cunye je oluwo aka ofonjo fonji m'otire kwoŋ Yesu. To go oyido oŋeyo batisimo pa Yohana won kende.

Tim pa Jomoor 19:23

Hongo no ama ruwirok madwoŋ obed'iye i Efeso ma mako kwoŋ Royo pa Rwoth.

Tim pa Jomoor 19:9

To munyo jomegi kwoŋ jo jobedo gi wictek to jokwero yeyo, aka joluwo gigipiny mareco kwoŋ Royo pa Rwoth ruwaŋ kitipa pa ji, Paulo oweyo jo to kadho gi jofonjirok; aka ndelo je jobedo gi piem i ot romo ma Tirano.

Tim pa Jomoor 24:14

Me a gim'ayeyo ruwaŋin: An alamo Were pa kwarere mawan munyo aluwo Royo ma jowaco ni k'otire. Aka ayeyo gigipiny je m'ondiki i Cik pa Musa kodi i kitawin pa jotuci wac Were.

Tim pa Jomoor 9:2

to kwayo balwa ma dhiro go i kalamo pa Joyuda i Damasiko, ni k'onwaŋo joma luwo royo pa Rwoth kenyo, wonyali mako jo, cwo gi mon, to dwoko jo Yerusalem.

Kitawo mar'abic mapa Musa m'ilwoŋo ni Cik 33:11

Rwoth, miy gipere silwany, ijoli tic ma cingi go, ŋiny pier jokwor pere, jono ma jodak go, ŋey jokiri jowoay kendo.

Kitawo mar'abic mapa Musa m'ilwoŋo ni Cik 9:21

Akwanyo gireco mewin ma witimo, cal ma rwath, aka awaŋo gi mac t'aŋinyo woko, t'arego swa, cuka olokere fukefuke; aka akonjo i pi ma mol loro piny ma got.