Amos 8:13 - KITAWO MALEŊ

¹³ I ndelo no yac gi nyir ma fodi jothindho, jobino fodirok piny ro riyo.

KITAWO MALEŊ Catholic

¹³ I ndelo no yac gi nyir ma fodi jothindho, jobino fodirok piny ro riyo.

Amos 8:13 ပူးပေါင်းရင်းမြစ်များ

Zabuli 63:1

Awi Were, ibedo Were paran, aka arangin. Kwo paran gipi gomba in; paka kam'othwo, m'olacere, m'ongoye pi, riyo neko cunyan rin.

Isaya 40:30

Kiri soye je meni laloyo jo to jolacere, aka yac jolaol to jopodho piny.

Isaya 9:17

Am'omiyo Rwoth kisangala gi nyithindho pajo, kosa maki wor gi nyithindho kic gi mon tho. Ato kisi dhano oyido bu Were aka jotimi gimarac, aka kisi dhok dhano luwo miŋo. Kucel nge pa Rwoth fodi k'orumo, aka go fodi orieyo cinge miyo gir'acula.

Yeremia 48:18

Lori win piny wok i dwoŋ, aka wibedi i piny i fukefuke, win ma wibedo i Dibon. Kole jarey woko Mowab otieko bino malo kwoŋ win, go otieko reyo woko kapondo mewin.

Ywakirok 1:18

Rwoth otire, kwoŋbedo agwenyere kwoŋ wac pere, to mondo winji win, nonin je, neni kwoŋbedo litho paran, yac paran kodi nyir paran, jokadho i twec.

Ywakirok 2:10

Jodongo ma Zayon, jobedo piny i lowo liŋ. Jowiro fukefuke i wic jo, aka joruko kutiya. Nyir ma Yerusalem, jokulo wic gin i lowo.

Ywakirok 2:21

Jomathindho kodi jodongo joriere, piny i royin. Nyir kodi yac, oneki jo g'abor; i ndelo ma nge perin itieko neko jo, ithumo jo m'ongoye wor.

Hoseya 2:3

Kole alalunyo go kinyoro t'athango go paka i ndelo m'onywol'iye go. Alaloko go paka thim, t'adwoko go i lowo m'opalipat, t'aneko go gi riyo.

Hoseya 2:5

Kole min jo timo kidakana; go m'ogamo jo i iye otimo giwickwot. Kole go owaco ni, “Aladwaro jomitirok paran; jo ama jomiyan cemo gi pi, yer rombo paran gi law mafoth, mo paran gi gir'amadha paran.”

Zekaria 9:17

Bero mere ocale nedi! Ŋono mere ocale nedi! Ŋano kodi vini lamiyo yac kodi nyir dongo matek.

Kitawo mar'abic mapa Musa m'ilwoŋo ni Cik 32:25

Abor laloko win ma bu nyithindho, woko kodi i iye, lareyo woko jayac kodi nyako mambula nyathi ma dhoth kodi jalwar.