Amos 8:10 - KITAWO MALEŊ

¹⁰ Abino loko kalima mewin kaliel, kodi wer mewin ywak ajore. Abino kelo pata wiwin to wiruko kutiya. Wibino cale jonywol, ma joywako nyaka wod gin acel. Ndelo no bino bedo magway kiri i gike.

KITAWO MALEŊ Catholic

¹⁰ Abino loko kalima mewin kaliel, kodi wer mewin ywak ajore. Abino kelo pata wiwin to wiruko kutiya. Wibino cale jonywol, ma joywako nyaka wod gin acel. Ndelo no bino bedo magway kiri i gike.

Amos 8:10 ပူးပေါင်းရင်းမြစ်များ

Cakirok 21:16

aka okidho to bedo piny kama romo mita miya acel bor gi wode. To waco ni, “Akinyali neno ka nyathi paran tho.” Munyo go fodi obedo kenyo, nyathi ocako ywak.

Yobu 20:23

Ma poŋo iy gin, Were ladhiro nge pere mager i iy jo, aka lacwe kwoŋ jo paka cemo pajo.

Yobu 3:5

Weyi ndelo no wobedi ndelo ma kumo gi mudho mapek, weyi pondeponde woum, aka colo wobwoki.

Yobu 30:31

Tongol paran onyo wodho wer ma rem, aka milowe paran wodho wer ma ywak.

Isaya 3:24

I kabedo ma kur maber, labedo ŋwece marac, i kabedo ma kisiwiro, labedo thol, i kabedo ma wi jo m'oyik, pata, i kabedo ma nangin mafoth, kutiya; i kabedo ma ŋono, waŋ.

Yeremia 2:19

Kidakana perin lamiyin gir'acula, aka kwedirok perin kwoŋan lathumo rin banja. Ilaŋeyo t'ineno ni obedo gimarac aka kec ri in jwango Rwoth Were perin; ikilworan, Rwoth Were pa lwak jolweny waco.

Yeremia 48:37

Joje jotieko lielo ye wi jo kodi ye tik jo. Joje jogwero cingi jo to jotweyo kutiya i pier jo.

Yeremia 6:26

Awi ji paran, ruk win kutiya, aka wiŋindere i buru; ywak win paka wiywako nyathi acel g'acel, ywak win gi geregere swa; kole jarey ji labino, abwap kwoŋ wan.

Ywakirok 5:15

Kisangala ma cuny wan orumo, miel mawan onyo olokere ywak.

Ezekiel 7:18

Jolatweyo kutiya, bwok laumo jo, wickwot labedo i nyim jo, aka pata lacowo wic jo.

Ezekiel 7:2

In wod dhano, Rwoth Were waco ama ri lowo ma Isiraili: Gike otieko bino, gike i sondin aŋwen ma lowo.

Hoseya 2:11

Alaketho i gike yumirok pere je, kalimin pere, dwe pere manyen, sabato pere je, kodi kalimin pere m'oyik je.

Hoseya 2:13

Alamiyo go gir'acula ro ndelin ma go otim'iye kalima ri Bal, ma go owaŋ'iye buban rijo, to ruko peta pere ma thiwino, to kadho dwaro jomitirok pere, to wiye wil kodan, Rwoth waco.

Yowel 1:8

Goy win lelo paka nyako mambula m'oruko kutiya, ri cwore ma soye pere.

Jolevi 13:40

Ka nyatoro moro je orweny yer wok i wiye, go japata to go olony.

Amos 5:21

Adaki kendo acayo kalimin mewin, akisangala gi cokirok mewin maleŋ.

Amos 5:23

Kwany win kwoŋan wer mewin ma koko no; akimiti winjo dwondi tongol mewin.

Amos 8:3

I ndelo no, wer ma peco pa kere, bino lokirok ywak ajore. Delkwoŋ ji m'otho bino more kisi kamoro; aka ibino bolo jo woko liŋ, Rwoth Were waco.

Nahum 1:10

Paka kudhin, jowiyere, paka jomero, jomer; ilareyo woko jo paka kanja m'othwo kicutho.

Zekaria 12:10

Alakonjo kwoŋ ot pa Daudi kodi ji ma jobedo i Yerusalem, cuny ma wor kodi ma kwayo, aka jolanenan ŋata jocwowo to joywak paka ŋata ywako wode acel g'acel. Jolabedo gi geregere rigo, paka ŋata ywako kayo pere.

Kitawo mar'abic mapa Musa m'ilwoŋo ni Cik 16:14

Sangala win i hongo ma kalima mewin, win, nyithindho mewin, ŋecin mewin, Jolevi, jopath, nyithindho kic, kodi citho ma jobedo i tindin mewin.