Amos 7:14 - KITAWO MALEŊ

¹⁴ Kenyo Amos odwoko Amaziya ni, “Akibedo jatuci wac Were ma tuco wac Were ma cul. Abedo jakwath dhok, aka akuro yen makuyu.

KITAWO MALEŊ Catholic

¹⁴ Kenyo Amos odwoko Amaziya ni, “Akibedo jatuci wac Were ma tuco wac Were ma cul. Abedo jakwath dhok, aka akuro yen makuyu.

Amos 7:14 ပူးပေါင်းရင်းမြစ်များ

1 Kerin 19:19

Ameno Elia owok kenyo aka onwaŋo Elisa wod pa Safat furo gi megikwe i kitipin apar g'ario yuwiye, aka go oyido furo gi ma cen. Elia olunyo kanzu pere to bolo kwoŋ Elisa.

1 Kerin 20:35

Rwoth omiyo jatuci wac Were moro cik aka owaco ri jatuci wac Were man nike wogoyi go. To jatuci wac Were no okwero.

2 Kerin 2:15

Jotuci wac Were piero abic joneno go aka jowaco ni, “Meni pa Elia nitie kwoŋ Elisa!” Jokidho romo gi go, jokule piny ruwaŋ go,

2 Kerin 2:3

Kitipa pa jotuci wac Were jobino bongi Elisa aka jopenjo ni, “Iŋeyo paka konon me Rwoth kidho tero jadwoŋ perin woko?” Elisa odwoko ni, “Ey, aŋeyo, to weyi wakiri waluw kwoŋe.”

2 Kerin 2:5

Kitipa pa jotuci wac Were ma jobedo kenyo jopenjo Elisa ni, “Iŋeyo paka konon me Rwoth kidho tero woko jadwoŋ perin?” Elisa odwoko ni, “Ey, aŋeyo, to weyi wakiri waluw kwoŋe.”

2 Kerin 2:7

Jotuci wac Were piero abic joluwo jo to jocungo bor ye gi jo, aka Elia kodi Elisa jocungo i thengi Malawa Yordan.

2 Kerin 4:38

Elisa ogik Gilgal kendo munyo kec nitie i piny. Munyo go fonjo jotuci wac Were, owaco ri ŋeca pere nike wokethi dak i mac wotedi rijo kado moro.

2 Kerin 6:1

Ndelo acel kitipa pa jotuci wac Were ma Elisa oyido telo jogeŋisa rigo ni, “Neni, kabedo ma wabed'iye i tel perin thin swa!

2 Kigana kwoŋ Kerin 16:7

I hongo no jatuci wac Were Hanani okidho bongi kere Asa Kere ma Yuda to waco rigo ni, “Kwoŋbedo igoŋere kwoŋ kere ma Siria, makiweno Rwoth Were perin, jolweny pa kere ma Siria jotieko niaŋ kwoŋin.

2 Kigana kwoŋ Kerin 19:2

To Yehu wod pa Hanani jatuci wac Were romo gine to penjo Yehosafat ni, “Iparo ni obedo gim'otire konyo jakidakana t'imito jono ma jodak Rwoth? Gim'itieko timo okelo keme pa Rwoth kwoŋin.

2 Kigana kwoŋ Kerin 20:34

Giman je ma Yehosafat otimo wok i marapena tundo i macowe ondiki i kigana pa Yehu wod pa Hanani, m'ondiki i kitawo pa Kerin ma Isiraili.

Yobu 30:4

Joŋweto ayuyu i dudi to jocamo, kodi fuc raywe ma miyo jo lietho.

Amos 1:1

Me wac pa Amos jakwath rombo m'oyido wok i tindi Tekowa, ma go oneno ma mako kwoŋ Isiraili, i ndir ma dhum pa Uziya kere ma Yuda, kodi i ndir ma dhum pa wod Yowas, Yerobowam kere ma Isiraili oro ario mafodi musisi.

Amos 3:8

Ŋa ma lworo kimaki ka simbwor ohola? Ka Rwoth oluwo, ŋa manyalo kwero tuco mikwenda pere?

Zekaria 13:5

Go lawaco ni, “Akibedo jatuci wac Were, abedo jafur; kole dhano otana an wok i soye paran.”

1 Jokorintho 1:27

To Were otimo atoŋa yero gima piny ŋisa ni gimiŋo ŋey wokwoti gine wiy jomariek, kodi gima piny tero paka nyap wokwoti gine wiy jomeni.

1 Samwiri 10:11

Munyo jom'oyido joŋeyo Saulo con mere joneno paka go oyido mielo aka koko malo gi jotuci wac Were, jopenjere ni, “Aŋo m'omonjo wod pa Kisi! Saulo bende onyo ti olokere jatuci wac Were!”