Amos 7:10 - KITAWO MALEŊ

¹⁰ Kenyo Amaziya jacway ri Were i wi migam ma Bethel odhiro ri Yerobowam kere ma Isiraili wac ni, “Amos camo rin sereko i dier ji aka dhodhok pere bino reyo woko piny.”

KITAWO MALEŊ Catholic

¹⁰ Kenyo Amaziya jacway ri Were i wi migam ma Bethel odhiro ri Yerobowam kere ma Isiraili wac ni, “Amos camo rin sereko i dier ji aka dhodhok pere bino reyo woko piny.”

Amos 7:10 ပူးပေါင်းရင်းမြစ်များ

Cakirok 37:8

Wutmin jopenjo go ni, “Adieri iladhumo wan? Kosa adieri ilabedo gi meni kwoŋ wan?” Ameno jodak go doko kiri loyo ro lek pere gi ro wac pere.

1 Kerin 13:33

Rumacen ma gime Yerobowam k'owire kwoŋ reco pere, to omedere yero jocway ri Were i wi migam wok kwoŋ pecin je tiyo i migam ma go oyido ogeto. Oruko kisi ŋat'oyido mito bedo jacway ri Were i wi migam.

1 Kerin 18:17

Munyo Ahab oneno Elia, owaco ri Elia ni, “Meno in jakeli teko i Isiraili!”

Yeremia 18:18

Kenyo to ji jowaco ni, “Biye win watim gimoro ri Yeremia! Kole wak'ocandi jacway ri Were i wi migam ma fonjo wan, jomariek ma miyo wan rieko, kodi jotuci wac Were ma tuco mikwenda pa Were. Biye win, weyi wakel kwoŋe banja, aka weyi wakiri wawinji wac pere moro je.”

Yeremia 36:16

Tekin jowinjo wac je, jowire ŋiyirok i dhier, to jowaco ri Baruk ni, “Waripo adieri kowo wac me je ri kere.”

Yeremia 38:4

Kenyo jodhum jowaco ri kere ni, “Jal me ber woneki, kwoŋbedo go cilo cuny jolweny ma jodoŋ i tindi madwoŋ me, kodi ji je gi waco kiti wac no rijo. Kole jal me kidwar bero pa ji me, to raco ayin.”

Amos 1:1

Me wac pa Amos jakwath rombo m'oyido wok i tindi Tekowa, ma go oneno ma mako kwoŋ Isiraili, i ndir ma dhum pa Uziya kere ma Yuda, kodi i ndir ma dhum pa wod Yowas, Yerobowam kere ma Isiraili oro ario mafodi musisi.

Amos 3:14

I ndelo no abino miyo Isiraili gir'acula, ro reco pere. Abino reyo woko migam ma Bethel, aka kisi sonda ma migam bino tur to podho piny.

Amos 5:10

Widak ŋata kwero gima k'otire, aka luwo adieri i kapido.

Amos 5:5

Wikiri wirangan i Bethel, aka wikiri widonji Gilgal, kosa wikiri wiŋadi to wikidho Berseba lamo. Rupiri ji ma Gilgal jobino bedo jowiloka, aka Bethel kilabedo gimoro.

Amos 7:11

Kole Amos waco ama: “Yerobowam bino tho g'abor, aka ibino kwanyo woko Joisiraili wok i piny pajo, kidho bedo jowiloka.”

Matayo 21:23

Yesu odonjo i Ot pa Were aka munyo go fonjo, jotel pa jocway ri Were i wi migam kodi jotel pa Joyuda jobino bonge to jopenjo go ni, “Meni aŋo m'initie gine ma timo gigipiny me? Ŋa m'omiyin meni no?”

Luka 23:2

kama jocako kel'iye kwoŋe wac ni, “Wanwaŋo jalin komo ji, munyo waco ri ji ni kiri jowogoy misolo ri Kayisar aka ŋoyo ni go Kristo m'obedo kere.”

Tim pa Jomoor 24:5

Ŋati me waneno paka jamijokere marac swa; go kelo ruwirok i dier Joyuda i piny gipi, aka go obedo jatel pa Jonazarin.

Tim pa Jomoor 5:28

“Nyoro waciko win ni wiŋuti ro meno, wikiri widok wifonji i nyingi ŋato, to kole onyo wipoŋo Yerusalem gibe gi fonji mewin, aka wimito ridho ni tho pa jame obedo gimarac mawan.”

Tim pa Jomoor 7:54

Munyo jokweth ma pido jowinjo wac no, keme omako jo to cako mwodo laki gin.