Amos 6:4 - KITAWO MALEŊ

⁴ Kidamba riwin ma winindo i kanindin m'otimi gi lak liec, to wiriere i kitandin mewin, aka wicamo rombo gi dhok.

KITAWO MALEŊ Catholic

⁴ Kidamba riwin ma winindo i kanindin m'otimi gi lak liec, to wiriere i kitandin mewin, aka wicamo rombo gi dhok.

Amos 6:4 ပူးပေါင်းရင်းမြစ်များ

Cakirok 37:25

Kenyo jobedo piny cemo, aka munyo jotiŋo waŋ gin malo joneno kitipa pa Joisimayili jowotho wok Giliad jokidho Misir. Ŋamia pajo oyido otiŋo gigipiny maŋwe kur, kodi vini m'othwo.

Esita 1:6

Diedipo oloki maŋon gi nangin ma famba manyabululu kodi matar m'otwey gi law manyarangi ariŋo gi peta ma feza i tele ma pilin maŋon. Okethi kacemo pa wendo m'otimi gi zahabu gi feza i diedipo m'oyido oum gi telin ma pilin maŋon.

Zabuli 73:7

Waŋ gin opoŋ gi noro, adundin pajo poŋ oy gimienirok.

Isaya 22:13

Ere neni, withumo dhok gi rombo, wicamo riŋo to wimadho vini. Weyi wacem, wamedhi, kole dikin wanyalo tho.

Isaya 28:1

Kidamba ri sangaria ma noro, pa jomero ma Efrayim, ma ŋono madwoŋ pere cal mawuwa ma thwo; manitie i wi milelo ma diwa pa joma jolacere gi vini!

Yeremia 16:8

Ikir'idonji i ot ma kalima ma bedo piny gi jo, ma cemo gi jo.

Ezekiel 16:49

Me obedo banja pa nyamin in Sodom. Go kodi nyir pere oyido jopoŋ gi noro, cemo i thotho, kodi kwo mayom, to k'okonyo jocandi kodi ji ma bu gimoro.

Ezekiel 23:41

Ibedo i wi kom ma dwoŋo, gi meza m'oyare ruwaŋe m'iketho i wiye buban paran gi mo paran.

Amos 3:12

Me apaka Rwoth waco, paka jakwath rombo mayo simbwor tiendi rombo ario, kosa ithe, wok i dhoke, ameno apaka ji manok ma Samaria ibino bothio jo g'adec ma kitandin pajo ma kilaza.

Amos 8:3

I ndelo no, wer ma peco pa kere, bino lokirok ywak ajore. Delkwoŋ ji m'otho bino more kisi kamoro; aka ibino bolo jo woko liŋ, Rwoth Were waco.

Mika 6:12

Joŋaŋo mewin jopoŋ gi maker, joluwo twodo, aka lew gin opoŋ luwirok kicar.

Luka 16:19

“Cango obedo jaŋaŋo moro ma ruko nangin ma welo ma malo swa aka camo cemo ma welo tektek ndir je.

Yakobo 5:5

Kwo mewin i piny k'obedo ma noro kodi ma kisangala mewin wiwegi. Wimedo cwe ri ndelo ma tho, pa dhok m'ikidho thumo.