Amos 5:12 - KITAWO MALEŊ

¹² Aŋeyo reco mewin je gi dwoŋo mere. Wicando ji maber, aka wiyeyo cami nyew, to wikwero jocandi limo tiro wok i kapido.

KITAWO MALEŊ Catholic

¹² Aŋeyo reco mewin je gi dwoŋo mere. Wicando ji maber, aka wiyeyo cami nyew, to wikwero jocandi limo tiro wok i kapido.

Amos 5:12 ပူးပေါင်းရင်းမြစ်များ

Yobu 20:19

Kole jotieko diyo to jojwango jocandi, jotero udi ma jok'ogeto.

Yobu 31:21

K'atieko kwalo nyathi kic, kareno akanya ni ji jolathielan.

Zabuli 127:5

Jasilwany a ŋata nitie g'aserin kweth no. Kilakikengila go, k'oromo gi jokwor pere i waŋkac.

Kitawo mar'ario mapa Musa m'ilwoŋo ni Wok 23:3

Ikir'itim nyakucel ri jacandi i kapido.”

Kitawo mar'ario mapa Musa m'ilwoŋo ni Wok 23:6

“Ikir'ikwer miyo jacandi tiro k'obino i kapido.

Agecin 17:8

Cami nyew cale tele ma miliel ruwaŋ jono ma jomiyo, kwoŋbedo kisi kama jowir'iye jotimo maber.

Agecin 22:22

Ikir'inyaga jocandi kwoŋbedo jobedo jocandi, kosa iŋisa ji ma bu gimoro i kapido.

Isaya 1:23

Jodhum perin jobedo jodudi, aka merin pa jokwo. Kisi dhano omaro cami nyew aka joredo jolo mic. Jokithiel nyithindho kic, aka jokiwinji banja pa citho.

Isaya 10:2

ma wiro thumo banja pa jocandi, gi mayo jocandi tiro, ŋey jowonyaga mon tho, aka jowokwal nyithindho kic.

Isaya 29:21

ma jothumo banja ri dhano gi wac, jociko bwo ri jathum banja i waŋkac, aka jowire githenge ŋata timo gim'otire m'ongoye atoŋa.

Isaya 33:15

Jono ma jotimo gim'otire, aka joluwo adieri, jono ma jocayo cwe ma kwo, jono ma joteŋo cingi jo jolo nyew, jono ma jokimiti winjo can ma oyo remo, aka jokimiti neno ni itimo gimarac.

Isaya 47:9

To gigipiny ario me lapodho kwoŋin, i hongo macek, i ndelo acel, nyithindho perin jolatho, aka ilabedo citho m'ongoye keŋ, makada nende inoor meni ma thieth gi meni mathoth ma yido perin.

Isaya 5:23

Win ma wiweyo jokomo kadho ro cami nyew, aka wimono ji ma bubanja tiro!

Isaya 66:18

Kole aŋeyo tim pajo gi paro pajo, aka abino coko ji ma joluwo dhodhok m'opokere opokere gi nonin nyutho jo dwoŋ paran.

Yeremia 29:23

Kwoŋbedo jotimo gimiŋo i Isiraili to jotimo cot gi mon pa wadi gin, aka jotieko luwo wac ma twodo i nyingan m'akioro jo; aŋat'aŋeyo aka abedo jakony, Rwoth waco.

Ywakirok 3:34

Ka jojiera je ma lowo, joŋinyere i tiende,

Ezekiel 13:22

Kwoŋbedo gi twodo mewin wicilo cuny joma timo gim'otire, aka wimiyo jokidakana meni medo timo kidakana aka jobotho kwo pajo.

Hoseya 5:3

Aŋeyo Efrayim, aka Isiraili k'opanere kwoŋan; kole pama, Awi Efrayim, itieko timo kidakana; Isiraili onyekere.

Amos 2:16

I ndelo no jomaker kwoŋ jomatek jobino ŋwec kinyoro. Rwoth waco.

Amos 2:3

Abino neko woko jadhum ma Mowab gi jotel je. Rwoth waco.

Amos 5:10

Widak ŋata kwero gima k'otire, aka luwo adieri i kapido.

Amos 5:7

Win ma wiloko tiro yath makec, to wiumo gim'otire.

Amos 8:4

Winji win gime, win ma winyono joma bu gimoro, aka wireyo woko jocandi ma piny.

Mika 3:11

Jotel mere jothumo banja ro nyewirok, jocway ri Were i wi migam jotiyo ma cul, jotuci wac Were ma pesa, kucel jogoŋere kwoŋ Were to jowaco ni, “Rwoth nitie gi wan, teko k'opodhi kwoŋ wan.”

Mika 7:3

Cingi gin yot timo gimarac, aka jotimo gi kinen. Jodhum gi jothum banja, jokwayo nyew, aka jaŋaŋo waco mito marac mar'adundo pere, to joriwo kanyacel.

Malaki 3:5

Rwoth pa lwak jolweny waco ama: Kenyo abino core cegin gi win thumo banja; aka abino bedo mayil kwoŋ jothieth, jocot, ji ma jokwoŋere nono, ji ma jodiyo jakipakasa cul pere, citho, nyithindho kic, kodi jopath, aka jokilworan.

Tim pa Jomoor 7:52

Nitie jatuci wac Were kad'acel ma kwarere pajo k'olwenyo gine? Joneko kiri jomikwenda pa Were, ma cango con jotuco bino pa Ŋat'otire, ma witieko kiri camo rigo sereko to wineko go.

Kitawo mar'abic mapa Musa m'ilwoŋo ni Cik 16:18

Wiripo yero jothum banja, kodi jodhum i nonin mewin je, i tindin mewin je ma Rwoth Were mewin miyo win, aka joripo thumo banja ri ji gi tiro.

Kitawo mar'abic mapa Musa m'ilwoŋo ni Cik 31:21

Aka ka raco kodi teko kweth otieko podho kwoŋ jo, wer me labedo jakony ma luwo adieri, kwoŋbedo kilarwenyo i dhok nyikway jo. Kole atieko ŋeyo gima joyikere timo konon mafodi akikelo jo i lowo m'aciko jo.”

Yakobo 5:4

Pawinji win! Kemba ma wikiculo jotic ma jotiyo i ndelin mewin icade koko ka osa win. Aka ywak pa jokeco riwin otieko tundo i ithi Were, Rwoth pa lwak jolweny!

Yakobo 5:6

Witieko thumo banjin ni oloyo ji m'oyido jongoye gi raco moro to wineko jo, kad'oyido jokipiem gi win.

Ruth 4:1

Bowaz okidho i waŋkac to bedo piny kenyo; to wat pere m'oyido go otieko luwo kwoŋe bende bino. Bowaz olwoŋo go ka waco ama: “Biye bedi kome jawodhan”.

1 Samwiri 8:3

To yac me jok'oluwo royo pa bajo, oyido joworo pesa; ameno joyeyo ji nyewo jo to jothumo banjin m'ongoye tiro.