Amos 5:1 - KITAWO MALEŊ

¹ Winji win wac m'aketho kwoŋ win iywak ajore, Joisiraili.

KITAWO MALEŊ Catholic

¹ Winji win wac m'aketho kwoŋ win iywak ajore, Joisiraili.

Amos 5:1 ပူးပေါင်းရင်းမြစ်များ

Yeremia 18:13

Riameno Rwoth waco ama: Penji win i dier nonin: Ŋa m'otieko winjo ye gima cale ama? Ji ma Isiraili jotieko timo gima kiwacere.

Yeremia 7:29

Ŋadi win ye wiy win to wibolo woko; goy win ndur wi tendere, kole Rwoth otieko kwero ak'ojwango luse m'okwinyo keme pere.

Yeremia 9:10

Awaco ni, “Alabiyo pigi waŋan ri gote, kodi ywak ri lum ma thim, rupiri jotieko thwo, aka ongoye ŋata luwo i jo. Ywak pa dhok kiwinjere kendo; winyin kodi ogwaŋe madudi jotieko ringo to jokadho.”

Yeremia 9:17

Rwoth pa lwak jolweny waco ama: Par win kwoŋ gima timere, aka wilwoŋ mon ma joywak ajore jowobin; wilwoŋ mon ma jondijo jowobin.

Yeremia 9:20

Winji win, awi mon, wac pa Rwoth, aka weyi ithi win wojol wac ma dhoke; fonji win nyiki win ywak ajore, aka wifonji wadi win ywak.

Yeremia 9:9

“Ak'omiy jo gir'acula ro gigipiny me?” Rwoth penjo; Ak'ocul kwor kwoŋ nono paka me? An Rwoth, atieko luwo.

Ezekiel 19:1

Rwoth owaco ran wero wer ma rem me ri jodhum ma Isiraili.

Ezekiel 19:14

Mac owok i kore, otieko waŋo woko jange kodi olemo mere, ŋey ongoye kore matek m'odoŋ, ongoye luth ma dhum ri jodhum. Me wer ma rem, m'iwero noknok.

Ezekiel 26:17

Jolagoyo ndur kwoŋ win, to jowaco riwin ni, “Ileny nedi awi tindi madwoŋ wok i name, awi tindi madwoŋ m'oŋeyere, ma cango oyido nigi meni kwoŋ nam, in kodi joma bedo i in, ma jokelo lworo, kwoŋ jopiny mere je!

Ezekiel 27:2

Wod dhano, goy ndur kwoŋ Tire,

Ezekiel 28:12

Wod dhano, tiŋi ywak malo kwoŋ kere ma Tire, aka iwaci rigo ni, Rwoth Were waco ama: In iŋat'oyido ibedo gir'anena, m'ipoŋ gi rieko kodi ŋono ma kakare.

Ezekiel 32:16

Me kumo; ibino wero. Mon pa nonin jolawero. Jolawero kwoŋ Misir kodi lwak mere, Rwoth Were waco.

Ezekiel 32:2

Wod dhano, maki kumo kwoŋ Farawo kere ma Misir, aka iwaci rigo ama: Iparo ni ibedo simbwor i dier nonin, t'icalo kodi bulir i name; iyare i pi perin ma mol, icando pi gi tiendin, t'iduwo pi perin ma mol.

Amos 3:1

Winji win gima Rwoth waco kwoŋ win Joisiraili, ji ma go owodho wok i piny Misir.

Amos 4:1

Winji win gime, mon ma Samaria. Win ma wipoŋ pa dhok ma wi got Basan, m'ipidho maber, ma jodiyo jocandi, aka wiŋinyo joma cando gimoro. Wiwaco ri cwogi win, jowokeli riwin vini wimadhi.

Amos 5:16

Riameno me apaka Rwoth, Were pa lwak jolweny waco: Bino bedo ywak gi kumo i yo ma tindi madwoŋ. Kiri jofur je ibino lwoŋo jo ywako jom'otho, kanyacel gi ji m'iculo jo ma ywak.

Amos 8:14

Joma jokwoŋere gi Asima cal ma Samaria, aka jowaco ni, “Paka i kwo were ma Dan.” Kosa ma jokwoŋere gi were ma Berseba, jobino podho aka doko jok'oay.

Mika 2:4

Ka ndelo otundi, ji jobino oro kigana ma mako kwoŋ win paka gir'anena ma kidamba, aka jobino kiuja, to joywak gi gwayo, ka jowaco ni, “Orey wan woko kicutho. Rwoth omayo wan lowo mawan, to poko ri joma jomako wan.”