Amos 4:11 - KITAWO MALEŊ

¹¹ Asika woko wi jomegi, paka asika Sodom gi Gomora. Wi ji ma wiboth wicale, kasik mac m'oneki wok i mac, kucel wikidwoko bongan, Rwoth waco.

KITAWO MALEŊ Catholic

¹¹ Asika woko wi jomegi, paka asika Sodom gi Gomora. Wi ji ma wiboth wicale, kasik mac m'oneki wok i mac, kucel wikidwoko bongan, Rwoth waco.

Amos 4:11 ပူးပေါင်းရင်းမြစ်များ

Isaya 13:19

Aka Babilon, dwoŋ pa kerin, ŋono gi noro pa Jokaldin, lacale gi Sodom kodi Gomora, munyo Were oreyo woko jo.

Isaya 7:4

Waci rigo wogwokere, wobedi liŋ, aka wokiri wobwoki kosa cunye wopodhi ro kasik mac ario ma duny yiro me, i nge pa Kere Rezin gi Siria gi wod Remalia.

Isaya 9:12

Siria yuwok ceŋ, Filistia yupodho ceŋ, aka jocamo Isiraili gi dhok gin m'oŋamere. Kucel nge pa Rwoth fodi k'orumo, aka fodi orieyo cinge miyo gir'acula.

Yeremia 23:14

To i jotuci wac Were ma Yerusalem aneno gima kiwacere loyo: Jotimo cot to joluwo twodo; jokonyo ji timo gimarac, ŋey wongoye ŋata weyo timo kidakana. Joje jolokere paka Sodom ri an, aka ji ma iye paka Gomora.

Yeremia 49:18

Paka orey woko Sodom kodi Gomora, Rwoth waco, apaka bende ongoye ŋata labedo i Edom kendo ongoye dhano ma labed'iye.

Yeremia 5:3

Awi Rwoth, waŋin kinen adieri? Itieko rwadho piny jo, to jok'owinjo litho; itieko neko jo, to jok'owinjo fonji. Jotieko loko waŋ jo matek loyo tele; jokwero ŋuto.

Yeremia 50:40

Labedo paka munyo Were oreyo woko Sodom kodi Gomora, joger pajo, Rwoth waco. Ongoye dhano ma lakwo kenyo, m'obed'iye kendo.

Ezekiel 24:13

Kucel munyo alonyin i koco perin ma kidakana, ikilokere m'olony i kidakana perin; aka ik'olony kendo cuka anoculi kwoŋin nge paran je.

Hoseya 11:5

Jolagik i piny Misir, aka Asiria labedo kere pajo, kwoŋbedo jotieko kwero dwoko bongan.

Hoseya 11:8

Anyalo nedi jwangin, a Efrayim? Anyalo nedi weyin i cingi ŋatiman a Isiraili? Anyalo nedi lokin paka Adima? Anyalo nedi terin paka Zeboyim? Cunyan raman, mar paran rin lokere matek kendo mayom.

Amos 4:6

Akelo kec i tindin mewin madongo, to kucel wikidwoko bongan.

Hagay 2:17

Agoyo win kodi tic ma cingi win gi two ma nyeko cemo kodi pe; kucel wikidwoko bongan, Rwoth ama luwo.

Zekaria 3:2

Rwoth owaco ri Sitan ni, “Abwokin, Awi Sitan! Rwoth m'oyero Yerusalem bwokin! Jacwo me k'obedo kasik mac m'ofudhi wok i mac?”

Joroma 9:29

Aka gime nitie paka Isaya cango owaco ni, “Bedi Rwoth Majameni je k'oweyo ri waye nyikway wan moro, di wabedo paka Sodom, di walokere paka Gomora.”

1 Jokorintho 3:15

To ka tic pa moro owaŋ woko, go bino keŋ kemba mere kada nende go won bino both rigo, to kareno laboth paŋini obudhere owok i mac.

Kitawo mar'abic mapa Musa m'ilwoŋo ni Cik 28:24

Rwoth laloko koth ma lowo mewin moko, aka fukefuke ama lacwe piny kwoŋ win wok i polo cuka wirere woko.

Kitawo mar'abic mapa Musa m'ilwoŋo ni Cik 29:23

Lowo mere je owaŋ woko gi mac kodi cumbi, m'ongoye gim'inyalo pidh'iye, ongoye gima twi i iye, ongoye gima nyal dong'iye, paka i rerok pa Sodom, Gomora, Adima kodi Zeboyim ma Rwoth oreyo woko i nge pere kodi i keme pere.

2 Petero 2:6

Kole Were othumo banja ri tindi ma Sodom kodi Gomora, munyo waŋo woko jo gi mac, aka oloko jo ranen ri gima bino timere ri joreco je;

Yuda 1:23

Bothi win joman munyo wifudho jo woko abwap kwoŋ mac. Nyuthi win joman bende wor kareno wikure gi lworo; aka wiripo dak kiri ruk pa joma awanya pajo ma kidakana oduwo.

Yuda 1:7

Ameno bende apaka Sodom gi Gomora, kodi tindin m'othoko jo ma cango jotimo paka jomalaika jotimo, aka jotimo cot kodi kidakana, jobedo ranen ri ji paka joma candere i mac cil gi cil.

Menyirok ri Yohana 9:20

Ji m'odoŋ, ma thoyamo no k'oneko jo, jok'oŋuto kwoŋ gigipiny ma jotimo. Jok'oweyo lamo jwogi, kodi cal m'otimi gi zahabu, feza, ywel, tele kodi yath apaya ma kinyal neno, kosa winjo, kosa woth.