Amos 2:8 - KITAWO MALEŊ

⁸ Jonindo cegin gi migam i nangin ma jocandi josinga rijo ma banja. I Ot pa Were pajo, ama jomadh'iye vini, ma jonyewo gi pesa ma jonyaga kwoŋ ji.

KITAWO MALEŊ Catholic

⁸ Jonindo cegin gi migam i nangin ma jocandi josinga rijo ma banja. I Ot pa Were pajo, ama jomadh'iye vini, ma jonyewo gi pesa ma jonyaga kwoŋ ji.

Amos 2:8 ပူးပေါင်းရင်းမြစ်များ

Kitawo mar'ario mapa Musa m'ilwoŋo ni Wok 22:25

“Ka wikopa pesa ri ji paran ma jocandi, wikiri wicalo jokikopa t'imiyo go culo gi magowa.

Isaya 57:7

Wipedho kanindo mewin, malo wi gote mabor, aka kenyo ama wimiyo cowirok.

Ezekiel 18:12

Ka go diyo jocandi aka kwalo, aka kano gima jabanja pere osinga rigo. Go tiŋo waŋe malo lamo cal, go timo amien.

Ezekiel 18:7

Ka go kidiy kosa kikwal dhano, go dwoko gima jabanja pere singa rigo, go pidho joma kec neko jo aka ruko ji ma jongoye gi nanga.

Ezekiel 23:41

Ibedo i wi kom ma dwoŋo, gi meza m'oyare ruwaŋe m'iketho i wiye buban paran gi mo paran.

Hoseya 4:8

Joŋaŋ ka ji paran jotimo reco; jonitie g'awanya ri ji paran medo timo reco.

Hoseya 7:14

Jokiywak ran wok, iy'adundin pajo, to jodwanyere gi ywak wi kitandin pajo; iy jo mwomere ri cemo kodi vini; jogwenyere kwoŋan.

Amos 3:14

I ndelo no abino miyo Isiraili gir'acula, ro reco pere. Abino reyo woko migam ma Bethel, aka kisi sonda ma migam bino tur to podho piny.

Amos 4:1

Winji win gime, mon ma Samaria. Win ma wipoŋ pa dhok ma wi got Basan, m'ipidho maber, ma jodiyo jocandi, aka wiŋinyo joma cando gimoro. Wiwaco ri cwogi win, jowokeli riwin vini wimadhi.

Amos 6:4

Kidamba riwin ma winindo i kanindin m'otimi gi lak liec, to wiriere i kitandin mewin, aka wicamo rombo gi dhok.

Amos 6:6

Wimadho vini iy'atewe, aka wioro mo maŋwe kur, to wikiywaki ri kisika pa Isiraili.

1 Jokorintho 10:21

Wikinyal madho gim'owok iy'agwata pa Rwoth kodi apa jwogi bende. Wikinyal cemo dhower pa Were to odoko wicemo dhower pa jwogi bende.

1 Jokorintho 10:7

Wikiri wilam cal makicar paka jomegi kwoŋ jo jotimo paka ndiko waco ni, “Jonica jobedo piny cemo gi medho, to joay miel.”

1 Jokorintho 8:10

Ka dhano ma paro pere nyap i wac me nenin, in m'iŋoyo ni initie gi ŋeyo nago, munyo i cemo i migam pa cal makicar, gino k'omedi go meni ma camo cemo m'ocow gine cal makicar?

Jothum Banja 9:27

Jokadho i ndelin pajo, aka jofono nyingi vini i ndelo vini pajo, jodhiŋo to jocamo kalima. Kenyo jodonjo i ot were pajo, jocemo, jomedho, to jokwoŋo Abimelek