Agecin 3:6 - KITAWO MALEŊ

⁶ I kisi gimoro je m'itimo, yey go, aka go latiro yo perin.

KITAWO MALEŊ Catholic

⁶ I kisi gimoro je m'itimo, yey go, aka go latiro yo perin.

Agecin 3:6 ပူးပေါင်းရင်းမြစ်များ

1 Kigana kwoŋ Kerin 28:9

“Aka in, wodan Solomon, yey Were pa benin aka tiyi rigo gi cunyin acel kodi paro perin je; kole Rwoth dwaro kisi nyaŋith, aka niaŋ kisi can kodi paro. K'inorangi go, ilanwaŋo go; to k'inojwangi go, go laweyin kicutho.

Ezira 7:27

Ezira owaco ni, “Rwoth wopak, Were pa kwarere paran! Go omiyo kere miyo Ot pa Rwoth i Yerusalem dwoŋ i nger me.

Nehemia 1:11

Awi Rwoth, ciki ithin iwinji kwayo pa ŋeca perin gi ŋecin perin je ma jofore i lworo nyingin. Miyan loyo konon me, ŋey kere wobedi ran gi wor.” I hongo no oyido abedo jakonji ri kere vini.

Nehemia 2:4

Kenyo kere openjan ni, “Kwac perin aŋo?” Ameno akwayo Were ma i polo,

Nehemia 7:5

Kenyo Were omiyan paro ma coko jodhum gi jotel gi ji je rango nonin pajo. Aka anwaŋo kitawo m'oyido ondik'iye nonin pa ji ma jopen dwoko, aka me a gim'ondik'iye.

Zabuli 32:8

Rwoth waco ni, “Abino nyuthin yo m'iripo luwo, abino fonjin aka abino miyin rieko.”

Agecin 11:5

Timo gitiro pa joma bubanja miyo jo bedo maber, to jokidakana jopodho gi kidakana pajo won.

Agecin 16:3

Weyi ri Rwoth tic perin m'itimo, aka can perin lakadho maber.

Agecin 16:9

Ji jonyalo timo can, to Rwoth ama nyutho gir'atima.

Agecin 23:17

Ikir'iyey cunyin womaki nyeko gi joreco, to medere lworo Rwoth.

Isaya 26:7

Royo pa joma timo gim'otire obipi, iŋat'iloko royo pajo mafoth.

Isaya 30:21

Ka winowire racuc kosa racam, ithi win lawinjo wac yuŋey win ka waco ni, “Me a yo; woth win i iye.”

Isaya 45:13

Atieko ico Siras timo gim'otire, alatiro royo pere. Go lageto Yerusalem tindi paran madwoŋ, to gonyo ji paran ma wiloka, m'ongoye cul kosa kemba. Rwoth pa lwak jolweny waco.

Isaya 48:17

Rwoth, Jaboth mewin, aka Were Maleŋ pa Isiraili waco, Abedo Rwoth, Were mewin, ma fonjo win ro bero mewin, aka telo win i yo ma wiripo luwo.

Yeremia 10:23

Aŋeyo, awi Rwoth, ni ji wegi jokidhum kwo pajo, ni ji ka jowotho wegi jokinyuthere ka luwo.

Yeremia 42:3

Weyi Rwoth Were perin wonyuthi wan kama waripo kidh'iye kodi gima waripo timo.”

Kwan 9:20

I hongo man, pondeponde oyido nyalo doŋ ma ndelo manok i wi tabenakulo, aka cungo kwoŋ or pa Rwoth, oyido jodoŋ i kambi; nyaka cungo kwoŋ or pa Rwoth, oyido jonyalo ay malo.

1 Jokorintho 10:31

Am'omiyo, gima witimo je, obedi ni wicemo kosa wimadho gimoro, tim win ameno ma miyo Were dwoŋ.

2 Jokorintho 8:16

Wafoyo Were m'oketho i cuny Tito maro ma konyo win paka wakonyo win.

Jofilipi 4:6

Wikiri wirembi ri gimoro je, to i kisi gimoro waci win ri Were gima wiyenyo, munyo wikwayo aka wiywakere rigo gi foyo i cuny win.

Jokolosia 3:17

Gimoro je ma witimo kosa wiwaco, ripo witim i nyingi Rwoth Yesu, munyo wifoyo Were Baba kwoŋ go.

Jokolosia 3:23

Gimoro je ma witimo, tim win gi cuny win acel, pa witiyo ri Rwoth, makiweno ri dhano.

Yakobo 1:5

To ka moro kwoŋ win cando rieko, go ripo kwayo Were, m'amiyo dhano je gimoro ma k'obuyo kendo ma k'oŋunyaŋunya, aka bino miyin.

1 Samwiri 30:8

Daudi openjo Rwoth ni, “K'anoluw Joamalek me anomaki jo?” Rwoth odwoko go ni, “Luw jo ilamako jo to ibotho ji ma jomako je.”