Agecin 24:12 - KITAWO MALEŊ

¹² Inyalo rin waco ni kimaki kwoŋin, to Were ma kaŋasa cuny ji oŋeyo atoŋa perin. Go ma kuro adundo perin oŋeyo, aka laculin cungo kwoŋ tim perin.

KITAWO MALEŊ Catholic

¹² Inyalo rin waco ni kimaki kwoŋin, to Were ma kaŋasa cuny ji oŋeyo atoŋa perin. Go ma kuro adundo perin oŋeyo, aka laculin cungo kwoŋ tim perin.

Agecin 24:12 ပူးပေါင်းရင်းမြစ်များ

Yobu 34:11

Kole go culo ji cungo kwoŋ tim pajo, kodi cungo kwoŋ yo pajo.

Zabuli 121:3

Go kilaweyin ipodhi, go ma kurin kilanur.

Zabuli 121:8

Rwoth bino kikwonga in k'iwok kodi k'idwoko, pama kodi cil gi cil.

Zabuli 17:3

Makada nende ikaŋasa cunyan, makada nende ibin bongan wor, makada nende ikaŋasa an kicutho, ikibino nwaŋo kwoŋan kidakana, dhokan kiluw reco.

Zabuli 44:21

di Were k'oŋeyo gime? Kole go oŋeyo nyaliŋliŋ ma cuny jo.

Zabuli 62:12

aka ni mar makiwire obedo apa Rwoth. In won gipi, Awi Rwoth, imiyo dhano kemba cungo kwoŋ tim pere.

Zabuli 66:9

Go otieko kuro kwo mawan, aka k'oyeyo wapodho.

Zabuli 7:9

Ibedo Were ma timo gim'otire, aka ithumo banja cungo kwoŋ paro mawan gi awanya mawan. Juki kidakana pa jomarac, aka imiy jomaber kemba.

Zabuli 94:9

Were m'ocweyo ithi ji, go kiwinji? Go m'otimo waŋ ji, kinen?

Agecin 12:14

Wok kwoŋ gimaber ma dhok jo, dhano poŋ gigipiny mabeyo, aka tic ma kwok nigi kemba mere.

Agecin 16:2

Kisi gimoro je ma dhano timo paro ni ber rigo, to Rwoth pima cuny jo.

Agecin 21:2

Tim pa dhano je otire ruwaŋ go won, to Rwoth pima cuny jo.

Agecin 5:21

Rwoth neno kisi tim pa dhano, aka menyo kisi kama go kadh'iye.

Agecin 5:22

Reco pa jokidakana obedo bwo rijo, aka imako jo i bwo mareco pajo.

Jafonji 5:8

Ikir'ibedi gi dhier k'ineno idiyo jacandi, aka iwiro tiro gi gim'otire iy'adec. Kole kisi jatel nigi jatel malo pere ma dhumo go, aka nitie jatel madwoŋ loyo joje.

Yeremia 17:10

An Rwoth, arango cuny ji t'atemo adundin pa ji. Atiyo gi kisi dhano cungo kwoŋ tim pere, cungo kwoŋ gima go timo.

Yeremia 32:19

Rieko perin dwoŋ aka tim perin dimeni. Waŋin neno yo pa ji je, aka iculo joje cungo kwoŋ yo pajo kodi tim pajo.

Ywakirok 3:36

ka obanere gi banja pa dhano, kere Rwoth kinen?

Daniel 5:23

In itieko tiŋere malo kwoŋ Rwoth ma i polo. Okeli atewe ma Ot pa Were ruwaŋin, aka in, jodhum perin, mon perin, nyithindho perin, kodi mon perin ma thenge wimadh'iye vini. Witieko pako werin ma feza, zahabu, ywel, nyweny, mbawo kodi tele, ma jokinen kosa winji kosa ŋey. To Were ma luya perin nitie i cinge, aka yo perin je nitie i go, ikiworo.

Matayo 16:27

“Kole Wod Dhano labino gi dwoŋ pa Bamere gi jomalaika pere, aka bino culo dhano je kemba pere cungo kwoŋ tim pere.”

Tim pa Jomoor 17:28

Kole i go wakwo aka wawotho kendo walama. Paka jondiko mewin moro joluwo ni, “Adieri wabedo nyithindho pere.”

Joroma 2:16

Onyo, cungo kwoŋ Wac Manyen Maber m'afonjo, me apaka bino bedo i ndelo no munyo Were, i Yesu Kristo, bino thumo banja ri paro manyaliŋliŋ je ma cuny ji.

Joroma 2:6

Kole Were bino miyo dhano je kemba cungo kwoŋ gima go otimo.

1 Jokorintho 4:5

Am'omiyo wikiri withum ri nyatoro banja mafodi ndir k'otundo. Kutho kur win bino pa Rwoth, ma bino wodho i lero gimoro je m'opondo i mudho kendo bino thango kamaler atoŋa ma cuny ji. I hongo no ama nyaka dhano je bino lim'iye pak ma ripo gine wok bongi Were.

2 Jokorintho 5:10

Kole wajoje waripo cungo ruwaŋ Kristo, go wothum riwan banja, ŋey kisi dhano kwoŋ wan wolimi gima ripo gine cungo kwoŋ gima go otimo gi delkwoŋe, maber kosa marac.

Menyirok ri Yohana 1:18

onwaŋo atho, to neni, onyo akwo cil gi cil. Anitie gi meni kwoŋ tho kodi piny pa jom'otho je.

Menyirok ri Yohana 2:18

Ri malaika ma kitipa pa jom'oyeyo ma Thiatira ndiki ama: Me mikwenda ma wok bongi Wod Were, ma waŋe liel pa mac, ma tiende pilin pa nyweny ywel m'orudi.

Menyirok ri Yohana 2:23

Abino kisika nyithindho pere bende, aka kitipin pa jom'oyeyo je jobino ŋeyo nike a jameny cuny ji gi ŋeyo paro pa ji. Abino culo kisi dhano kwoŋ win cungo kwoŋ gima go otimo.

Menyirok ri Yohana 22:12

Yesu owaco ni, “Neni, abino mayot. Anigi kemba paran, m'abino miyo kisi nyatoro cungo kwoŋ gima go otimo.

1 Samwiri 16:7

To Rwoth waco rigo ni, “Ikir'inen ŋono kosa boro pere, kole atieko kwero go; rupiri An akinen paka dhano neno. Ji joneno ŋono to an aneno adundo.”

1 Samwiri 2:3

Bol win kwoto gi delok mewin gicen; wikiri wiluw gi gero. Kole Rwoth obedo Were ma jaŋeyo, aka go thumo banja ri kisi nyatoro wok i tim.

1 Samwiri 2:6

Rwoth ama kwanyo kwo to doko dwoko; go ama tero ji i piny pa jom'otho, to doko cerino jo.

1 Samwiri 25:29

Ka nyatoro moro omonjin to temo nekin, Rwoth Were perin bino gwoko kwo perin paka ŋata gwoko lim pere ma welo. To jokwor perin Rwoth bino lilo woko kwo pajo pa ŋata lilo tele gi asumulu.