Agecin 22:7 - KITAWO MALEŊ

⁷ Joŋaŋo jodhumo jocandi, aka jakikopa obedo ŋeca pa ŋat'okopa go.

KITAWO MALEŊ Catholic

⁷ Joŋaŋo jodhumo jocandi, aka jakikopa obedo ŋeca pa ŋat'okopa go.

Agecin 22:7 ပူးပေါင်းရင်းမြစ်များ

2 Kerin 4:1

Onyo citho ma kitipa pa jotuci wac Were okidho bongi Elisa to waco rigo ni, “Jadwoŋ, cworan otho! Paka iŋeyo, go oyido woro Were, t'onyo pama ŋat'oyido banja go pesa obino tero wotan paka cul ri banja pa cworan.”

Agecin 14:31

Jono ma jodiyo jocandi joyeto jacwec pajo, to jono ma jomako wor gi joma bu gimoro jomiyo go dwoŋ.

Agecin 18:23

Jocandi joywakere gi mwolo, to joŋaŋo jomiyo radwok gi gero.

Agecin 22:16

Diyo jocandi ŋey dhano woŋaŋ, gi nyewo joŋaŋo, kelo nyaka rem.

Agecin 22:22

Ikir'inyaga jocandi kwoŋbedo jobedo jocandi, kosa iŋisa ji ma bu gimoro i kapido.

Isaya 24:2

Aka labedo, paka gi ji, ameno gi jocway ri Were i wi migam; paka ri ŋeca, apaka ri jadwoŋ pere, paka ri ŋeca madhako, apaka ri dhakodwoŋ pere, paka ri jamitan, apaka ri janyew, paka ri ŋata kopa, apaka ri ŋat'okopa go, paka ri ŋata banja, apaka ri ŋat'ibanja.

Amos 2:6

Me apaka Rwoth waco: Ji ma Isiraili jomedere timo reco kendo, aka ro gime akibino wiro gir'acula pajo, rupiri jotana jom'otire ri feza, kodi jocandi ri war.

Amos 4:1

Winji win gime, mon ma Samaria. Win ma wipoŋ pa dhok ma wi got Basan, m'ipidho maber, ma jodiyo jocandi, aka wiŋinyo joma cando gimoro. Wiwaco ri cwogi win, jowokeli riwin vini wimadhi.

Amos 8:4

Winji win gime, win ma winyono joma bu gimoro, aka wireyo woko jocandi ma piny.

Amos 8:6

Wanyal kitana ŋano ma bukony i welo ma malo. Wabino nwaŋo jacandi ma kinyal culo banja pere, kosa culo welo pa ŋato to wanyewo go paka ŋeca.

Matayo 18:25

To paka ŋato oyido ongoye gi nger ma culo banja no, rwoth pere owodho or nike wotana go, kodi cege kodi nyithindho pere kodi lim pere je, woculi banja no.

Yakobo 2:6

To kole wicayo jocandi! Ŋata diyo win aka yware gi win tero win i kapido, ki joŋaŋo?

Yakobo 5:1

Aka wijoŋaŋo, winji win! Bedi win gi rem aka wiywak ro litho ma labino riwin!

Yakobo 5:4

Pawinji win! Kemba ma wikiculo jotic ma jotiyo i ndelin mewin icade koko ka osa win. Aka ywak pa jokeco riwin otieko tundo i ithi Were, Rwoth pa lwak jolweny!