2 Timothe 4:16 - KITAWO MALEŊ

¹⁶ I kacako munyo alwenyo gi thielo wac paran i kiosa, ongoye ŋat'ocungo kabutan, ji je joweyan. Akwayo ni Were wokiri wokwan kwoŋ jo reco no!

KITAWO MALEŊ Catholic

¹⁶ I kacako munyo alwenyo gi thielo wac paran i kiosa, ongoye ŋat'ocungo kabutan, ji je joweyan. Akwayo ni Were wokiri wokwan kwoŋ jo reco no!

2 Timothe 4:16 ပူးပေါင်းရင်းမြစ်များ

Mariko 14:50

Gikenyo jofonjirok pere jokedhere gi ŋwec to joweyo go.

Luka 12:11

“Ka joteri win i kalamo pa Joyuda kodi i waŋ jodhum kodi rwodhe, wikiri wirembi kwoŋ gima winowaci kosa gima winodwoki.

Yohana 16:32

Ndiri bino tundo, aka otieko kiri tundo ma wijoje wibino kedher'iye to dhano je dok peco pere, aka wibino weyan kendan. To akinitie kendan, rupiri Baba nitie kodan.

Tim pa Jomoor 22:1

“Wutmera gi bacere nan, winji win gim'awaco riwin ma nyutho win paka angoye gi raco moro!”

Tim pa Jomoor 25:16

To awaco rijo ni, ‘Joroma jokibol dhano woko kafodi go k'onenere awaŋ g'awaŋ gi joma osa go to won kutho osere gi jo.’

Tim pa Jomoor 7:60

Gikenyo oguro conge piny to koko malo ni, “Rwoth, ikir'ikethi kwoŋ jo gimarac me, aka gi wac me opodho to kwe.”

1 Jokorintho 13:5

mar ongoye gi gero, kosa mima; kimaki nge piyo, aka kipar kwoŋ timo raco; mar kibedi gi duro;

1 Jokorintho 9:3

Me a wac m'athielere gine kwoŋ joma dwaro wac kwoŋan.

2 Jokorintho 7:11

Ere neni win gima rem ma wok bongi Were no otieko timo kwoŋ win; neni paka oloko win joma genere, ma cuny win olony. Neni paka cuny win ramere, bwok, paro, maro Were, aka mito tiro ama wobedi. Kole witieko nyutho ni wingoye gi raco i wac no je.

Jofilipi 1:17

To jonica jofonjo kwoŋ Kristo gi woro makiweno g'adieri, aka wegi jomito tiŋirok malo ayin; joparo nike jonyalo kisigila ran teko man ma fodi anitie i twec.

Jofilipi 1:7

Obedo gimaber ran paro ama kwoŋ win rupiri winitie i cunyan. Odoko, wiriwere kodan i nema ma Were omiyan me, ma bedo i twec kodi ma gwoko gi ridho Wac Manyen Maber.

2 Timothe 1:15

Iŋeyo nike dhano je iy'adec ma Asia ojwangan, kiri Figelo kodi Hamogene.

2 Timothe 4:10

Kole Dema omako mere gi piny ma pama aka onyo oweyan okadho yu Thesalonika. Kuresike okadho Galasia aka Tito okadho Dalmatia.

2 Timothe 4:15

Ibende gwokere kwoŋe, rupiri go opiemo swa kodi mikwenda mawan.

1 Petero 3:15

To i cuny win, wor win Kristo paka Rwoth. Ndiri je yikere win ma dwoko ŋata lwoŋo win tito geno ma winigine.