2 Timothe 3:3 - KITAWO MALEŊ

³ Jobino bedo joma jongoye gi wor, joma jongoye gi cwaki, jowaci nyingi wadi gin, joma wany kendo mager, jobino dak gimaber.

KITAWO MALEŊ Catholic

³ Jobino bedo joma jongoye gi wor, joma jongoye gi cwaki, jowaci nyingi wadi gin, joma wany kendo mager, jobino dak gimaber.

2 Timothe 3:3 ပူးပေါင်းရင်းမြစ်များ

Cakirok 49:7

Lam wobedi i nge pajo rupiri obedo mager swa, kodi kwoŋ keme pajo rupiri ger swa. Abino tiako jo i lowo gipi ma Isiraili, t'akedho jo i dier ji mere.”

Zabuli 15:4

Ŋata waŋe cayo jokidakana, to woro jono ma jolworo Rwoth. Ŋata ciko Were timo gimoro, aka kiwir paro pere.

Zabuli 22:6

T'onyo akical dhano kendo, acalo kudin, ma kisi nyatoro cayo aka dak!

Isaya 53:3

Ji jocayo go, aka jokwedere kwoŋe, dhano ma jarem, gi candirok madit. Ongoye ŋat'obolo kada waŋe ŋiyo go, wacayo go, aka wakidewo kwoŋe paka ŋata dikony.

Isaya 60:14

Nyikway jono ma cango jodiyin jolabino bwonirok ruwaŋin, aka jono ma jocayin, jolaguro rin congi gin. Jolalwoŋin Tindi madwoŋ pa Rwoth, Zayon, tindi madwoŋ pa Were ma Leŋ pa Isiraili.

Daniel 8:23

“I gike ma dhum pajo, ka reco pajo oromo, kere manitie gi cal mager, ma jatwodo laay.

Matayo 10:21

“Omin dhano won ama bino tero omin go woneki, aka bacere bende jobino timo ameno ri nyithindho pajo; nyithindho bende jobino wire ri jonywol pajo to jomiyo ineko jo.

Matayo 4:1

Gikenyo Cuny Maleŋ otero Yesu i thim ŋey jwogi wotem go.

Luka 10:16

Yesu owaco ri jofonjirok pere ni, “Ŋata winjo win, meno winjan; ŋata kwero win meno kweran; aka ŋata kweran, meno kwero Ŋat'ooran.”

Luka 16:14

Jofarisayo jowinjo gigipiny me je, aka jonyero Yesu rupiri oyido jomaro pesa.

Yohana 6:70

Yesu odwoko ni, “Akiyero win apar g'ario? To ŋat'acel kwoŋ win obedo jwogi!”

Joroma 1:29

Jopoŋ gi kidakana ma nger je: Raco, woro, kodi camo tiendi ji gi piny. Jopoŋ gi nyeko, neki, gorok, twodo, gi paro marac. Jonyeko nyingi wadi gin,

Joroma 1:31

jodakana, jokikur cikirok pajo, jokinyuthi wor odoko jokidew kwoŋ nyatoro.

1 Jokorintho 7:5

Wikiri wikwere, kwanyo woko ka wiyere wijario timo ameno cowo hongo macek, ŋey wilimi hongo ma kwayo; to gik win mayot i kwo ma nywomirok, ka k'obedo ameno ciro mewin manok nyalo miyo widonjo i karatem pa Sitan.

1 Jokorintho 7:9

To ka wikinyal ciro awanya mewin, kidhi win winywomere; kole ber nywomirok loyo waŋ g'awanya.

1 Jothesalonika 4:8

Am'omiyo, ŋata kwero fonji me kikwer wac pa dhano, to kwero Were won, ma miyo win Cuny Maleŋ pere.

1 Timothe 3:11

Mon pajo bende joripo bedo ji ma kiti gin otire, ma jokiwerawera gi luwo kicar; joripo bedo jom'oŋeyo kuro nge kendo joma genere i gimoro je.

Tito 1:8

Go ripo bedo jajoli wendo maber, ŋat'omaro gimaber, ŋata dhumo kwo pere, m'otire, maleŋ, aka jakur cik.

Tito 2:3

Aka bende waci ri mondongo jowobedi gi kite mabeyo i leŋo. Kiri jowobedi jowaci nyingi ji, kosa joma medho odhumo; joripo fonjo gima beyo

Yakobo 2:6

To kole wicayo jocandi! Ŋata diyo win aka yware gi win tero win i kapido, ki joŋaŋo?

2 Petero 2:14

Gi waŋ gin ma neno gimoro gi cot, jogomba kisi dhako ma joneno. Awanya pajo ma timo gimarac kikwe; jodwoŋo joma nyap, aka joŋiyo timo woro. Jobedo ji m'otiek kwoŋo!

2 Petero 2:19

Jociko jo siem ma to wegi jobedo ŋecin pa kite mareco; ato dhano bedo ŋeca pa gima dhumo go.

2 Petero 3:3

Marapena, wiripo ŋeyo nike i ndelo macowe me, jonyero jobino fudhirok ma joluwo royo mar'awanya pajo mareco gi nyero ma cay.

Yuda 1:16

Ji me noknok jogesa aka jopusa jowot jo. Jotiyo g'awanya pajo mareco, wegi joyumere aka jodwoŋo wadi gin, ŋey jowotimi gima wegi joyenyo.”

Yuda 1:18

Jowaco riwin ni, “I ndelo ma rumacen, ji jobino wok ariwa ma jobino nyero win, ji ma jotiyo g'awanya pajo mareco.”

Menyirok ri Yohana 13:15

Ogwaŋ mar'ario me, omiy go meni ma kudho kwo i cal p'ogwaŋ marapena, ŋey cal no wonyali luwo aka womiy woneki woko ji je ma jokwero lamo cal m'ocwey no.

Menyirok ri Yohana 13:17

Ongoye ŋata d'onyiewere kosa otana kwanyo woko ka go nitie gi ranyuth me, m'obedo nyingi ogwaŋ no, kosa kwan ma nyutho nyinge.

Menyirok ri Yohana 16:6

Rupiri jooyo remo pa ji maleŋ kodi apa jotuci wac Were, imiyo jo madho remo, meno ripo gi jo!”

Menyirok ri Yohana 17:6

Aka aneno ni dhako no oyido omer gi remo pa ji maleŋ pa Were, kodi remo pa jom'onek rupiri jocwire kwoŋ Yesu. Munyo aneno go, adhier swa.