2 Timothe 3:2 - KITAWO MALEŊ

² Ato ji jobino bedo jogwondo, joma wor i pesa, jokwoto, joyumirok, joyet, joma kiwinji jonywol pajo, joma kifoy gimoro, joma kileŋ.

KITAWO MALEŊ Catholic

² Ato ji jobino bedo jogwondo, joma wor i pesa, jokwoto, joyumirok, joyet, joma kiwinji jonywol pajo, joma kifoy gimoro, joma kileŋ.

2 Timothe 3:2 ပူးပေါင်းရင်းမြစ်များ

Zabuli 10:3

Jokidakana jokwot ro awanya pajo marac, joworo jokwero to jokwoŋo Rwoth.

Zabuli 49:6

ji ma jogeno lim pajo, aka jonor gi ŋaŋo pajo madit.

Zabuli 52:1

Raŋo inor, a jal ma jameni, ri raco perin? Adieri pa Were bedo cil gi cil.

Agecin 6:17

Delok, lew jo ma twodo, cingi jo ma neko joma bubanja,

Isaya 10:15

Le bende owaci ni dwoŋ loyo ŋata toŋere gine, kosa musimeno bende nigi cwe loyo ŋata randa gine? Abiro bende tiŋo malo ŋat'omako, kosa luth bende otiŋ ŋata k'obedo mbawo?

Daniel 11:36

Kere latimo paka oyenyo; go latiŋere malo to lokere ŋatadwoŋ maloyo were mogo je, go laluwo gigipiny ma k'ago kwoŋ Were pa werin. Go lanyalo kisi gimoro cuka nge pere orum; kole gima go otieko ridho latimere.

Daniel 7:25

Go laluwo wac madongo kwoŋ Jamalo Swa, to paro wiro hongo kodi cik; aka ilamiyo i cingi go cuka oro gi oro kodi adec oro.

Matayo 15:6

Me apaka wilwogo woko Or pa Were, kareno wiluwo fonji mewin wiwegi.

Luka 12:15

To medere waco ri jono ni, “Kure win, odoko gwokere win kwoŋ woro ma nger je, rupiri kwo pa dhano kicungi i thotho pa lim ma go nitie gine, kada bedi ni go nigi ma kalo ma go yenyo.”

Luka 16:14

Jofarisayo jowinjo gigipiny me je, aka jonyero Yesu rupiri oyido jomaro pesa.

Luka 6:35

Kucel, mari win jokwor mewin, aka witim rijo maber. Odoko miy win ji gigipiny, ma wikigeno ni jobino culo win. Wibino limo kemba madwoŋ, aka wibino bedo nyithindho pa Ŋatadwoŋ Maloyo; kole go won cunye ber gi joma jokifoy go kodi joreco.

Tim pa Jomoor 5:36

I hongo m'okadho Thiodas okethere munyo ŋoyo ni go ŋatimoro madwoŋ; ji ma romo miya aŋwen joluwo go. To kole oneki go, to jom'oyido joluwo go jokedhere woko, to kitula pere rere woko.

Joroma 11:18

onyo wikiri wipakere ri jangi yen m'ojwer woko ca, rupiri wibedo nyaka jangi yen, aka wiŋati wikithiel tiendi yath to tiendi yath ama thielo win.

2 Jokorintho 5:15

Aka go otho ri ji je, nike jomakwo kiri jowoteri kwo paka apajo wegi to paka apa Kristo m'otho rijo to icerino go kwoŋ jom'otho.

Jofilipi 2:21

Ŋati man je tho kwoŋ wac pere won, makiweno kwoŋ apa Kristo Yesu.

Jokolosia 3:5

Am'omiyo, wiripo neko woko awanya ma delkwoŋ win paka cot, kidakana, timo giwickwot, awanya mareco, gi woro (m'obedo lamo cal makicar).

2 Jothesalonika 2:4

Go bino piemo gi gimoro je ma ji jolamo kosa jotero paka were, to won tiŋere malo to jengere i Ot pa Were munyo ŋoyo ni go a Were!

1 Timothe 1:20

I dier jo nitie Himenawo kodi Alekizanda, m'atieko bolo jo i meni pa Sitan, ŋey wofonji jo weyo luwo marac kwoŋ Were.

1 Timothe 1:9

Aka waŋeyo, nike cik k'otimi ri ji mabeyo, to ri joma turo cik kodi jowictek, ri joma kilwor Were kodi joreco, ri joma kileŋ kodi joma kidew kwoŋ Were, ri joma neko bacere pajo kodi megi jo, ri joma neko jowoti gin.

1 Timothe 3:3

Kiripi bedo jamero kosa jagero, to wobedi ŋata mwol ma ki jadhaw; aka wokiri womar pesa.

1 Timothe 6:10

Kole maro pesa ama wok'iye reco ma nger je. Jomegi jobedo g'awanya mathoth ri pesa am'omiyo jopodho woko i yeyo aka jokelo gut madwoŋ i cuny gin.

1 Timothe 6:4

meno opoŋ gi pakirok kende, aka ongoye gim'oŋeyo. Go nitie g'awanya ma kiber ma piem gi dhaw kwoŋ wac, aka me kelo nyeko, tiakirok, nyeko nyingi jo, kodi ŋico kicar,

2 Timothe 3:4

Jobino bedo jokwedirok, joma kidew gimoro, joma kwot gi pakirok, jobino maro kisangala ma piny loyo Were.

Yakobo 2:8

Ka wimako maber cik ma Ker ma nwaŋere i ndiko ma waco ni, “Mari nyawotin paka iwon imarere.” Meno witimo gim'otire.

Yakobo 4:16

To odoko wiyumere aka wipakere ayin; kole kiti yumirok no rac.

Yakobo 4:6

To Were nyutho wan nema mathoth loyo. Am'omiyo ndiko waco ni, “Were ciro japakirok, to nyutho ŋata mwol ayino nema.”

1 Petero 5:5

Ameno bende, wijoma fodi soye wiripo winjo jotel mewin gi mwolo. Aka wijoje ruki win mwolo ma tiyo ri jowoti win pa nanga; kole ndiko waco ni, “Were lwenyo gi jopakirok, to miyo joma wegi jobwonere nema.”

2 Petero 2:10

kodhi joma cwire i kiti jo m'otop ma kidakana aka jocayo meni pa Were. Jofonji ma twodo me jonitie gi miseni kodi mikanyo, aka joluwere kicar kwoŋ cwec manitie i hongo malo;

2 Petero 2:12

To jome joluwere kicar kwoŋ gima jokuya odoco. Jocale g'ogwaŋe madudi ma jongoye gi paro, m'imako t'ineko jo, ilareyo jo woko paka ogwaŋe madudi;

2 Petero 2:18

Joluwo wac ma miŋo gi pakirok, aka jooro awanya ma delkwoŋ gin ma ciko joma nyaka joeye kwoŋ joma nitie i royo ma kelo rwenyo.

2 Petero 2:3

I woro pajo, jofonji ma twodo me jobino cemo kwoŋ win gi kigana ma wegi jocwogo. Banja pajo otiek yiko thumo wok con, aka rerok pajo bende ki nibor to nicegin.

Yuda 1:16

Ji me noknok jogesa aka jopusa jowot jo. Jotiyo g'awanya pajo mareco, wegi joyumere aka jodwoŋo wadi gin, ŋey jowotimi gima wegi joyenyo.”

Menyirok ri Yohana 13:1

Gikenyo aneno ogwaŋ moro munyo wok i nam. Go onwaŋo nitie gi tunge apar kodi wic abirio, gi sangaria wi tunge apar no je, gi nyinge ma luwo gima k'otire kwoŋ Were m'ondiki i kisi wic mere.

Menyirok ri Yohana 16:11

to jokwoŋo Were ma polo ro litho kodi adholin pajo, to jok'oŋuto tim pajo mareco.

Menyirok ri Yohana 16:21

Pe madongo pa telin, ma kisi acel ywayo cegin latir miya acel, jopodho kwoŋ ji wok malo. Ji jokwoŋo Were ro thoyamo ma pe, rupiri obedo marac tektek.

Menyirok ri Yohana 16:9

Ji jowaŋ gi lietho mager no, to jokwoŋo nyingi Were manitie gi meni kwoŋ thoyamo me je, to jokwero ŋuto kwoŋ reco pajo kosa miyo Were dwoŋ.